Էրդողանը Կիպրոսի օկուպացված հատվածում նոր օդանավակայան կբացի
15:30 09.07.2023 (Թարմացված է: 15:49 09.07.2023)
© AP Photo / Turkish Presidency via APԹուրքիայի նախագահ Ռեջեփ Թայիփ Էրդողանը
![Թուրքիայի նախագահ Ռեջեփ Թայիփ Էրդողանը Թուրքիայի նախագահ Ռեջեփ Թայիփ Էրդողանը - Sputnik Արմենիա, 1920, 09.07.2023](https://cdn.am.sputniknews.ru/img/07e7/02/06/54904175_0:167:1600:1067_1920x0_80_0_0_969d47a5e13a9ed4da9d55b19e411110.jpg)
Թուրքիայի նախագահ Ռեջեփ Թայիփ Էրդողանը. Արխիվային լուսանկար
© AP Photo / Turkish Presidency via AP
Բաժանորդագրվել
Օդանավակայանի կառուցման համար ներդրվել է 400 մլն եվրո, օդանավակայանի թողունակությունը կկազմի 10 մլն ուղևոր:
ԵՐԵՎԱՆ, 9 հուլիսի - Sputnik. Թուրքիայի նախագահ Ռեջեփ Թայիփ Էրդողանը հուլիսի 20-ին շահագործման կհանձնի այսպես կոչված «Հյուսիսային Կիպրոսի Թուրքական Հանրապետությունում» (ՀԿԹՀ) գտնվող նոր օդանավակայանը: Այս մասին հայտարարել է Թուրքիայի տրանսպորտի և ենթակառուցվածքների նախարար Աբդուլքադիր Ուրալօղլուն։
«Մայրաքաղաք Նիկոսիայում գտնվող Էրջան նոր օդանավակայանը, որը Թուրքիան կկապի ՀԿԹՀ-ի հետ, շահագործման կհանձնվի հուլիսի 20-ի արարողության ընթացքում, որին ներկա կլինի մեր նախագահ Ռեջեփ Թայիփ Էրդողանը»,-ասել է նախարարը, հաղորդում է Hürriyet-ը:
Նշվում է, որ օդանավակայանի կառուցման համար ներդրվել է 400 մլն եվրո:
«400 միլիոն եվրոյի ներդրումների շնորհիվ օդանավակայանի թողունակությունը կազմում է 10 միլիոն ուղևոր: 3,1 հազար մետր երկարությամբ թռիչքուղին հարմար է ուղևորատար ինքնաթիռների բոլոր մոդելների օգտագործման համար: Ընդհանուր առմամբ 30 տեղ կա օդանավերի կայանման համար»,-ասվում է հրապարակման մեջ։
«400 միլիոն եվրոյի ներդրումների շնորհիվ օդանավակայանի թողունակությունը կազմում է 10 միլիոն ուղևոր: 3,1 հազար մետր երկարությամբ թռիչքուղին հարմար է ուղևորատար ինքնաթիռների բոլոր մոդելների օգտագործման համար: Ընդհանուր առմամբ 30 տեղ կա օդանավերի կայանման համար»,-ասվում է հրապարակման մեջ։
Կիպրոսը 1974 թվականից՝ Թուրքիայի զինված ներխուժումից հետո, փաստացի բաժանված է հունական և թուրքական համայնքների միջև։ Օկուպացվել է կղզու տարածքի 37%-ը, որը 1983 թվականին հռչակվել է որպես «Հյուսիսային Կիպրոսի Թուրքական Հանրապետությունը»: Այն ճանաչել է միայն Թուրքիան։
Կիպրոսի վերամիավորման շուրջ հունական և թուրքական համայնքների միջև բանակցություններն ընթանում են ՄԱԿ-ի միջնորդությամբ: Դրանք ընդհատվել էին 2017 թվականին Շվեյցարիայում տեղի ունեցած հերթական փուլի ձախողումից հետո: