Ադրբեջանական ագրեսիայի հետևանքով ՀՀ–ում 1427 երեխա է տեղահանվել. ԱԳՆ խոսնակ
22:34 04.07.2023 (Թարմացված է: 22:35 04.07.2023)
Ադրբեջանական ԶՈւ–ի հարվածներից ավերված և այրված տուն
© Sputnik
Բաժանորդագրվել
Անի Բադալյանն իր գրառմանը կից տարածել է նաև ՄԱԿ-ի 2022 թվականի հակամարտություններից տուժած երեխաների մասին զեկույցը:
ԵՐԵՎԱՆ, 4 հուլիսի – Sputnik. 2022 թվականի սեպտեմբերին Ադրբեջանի ագրեսիայի հետևանքով Հայաստանի Հանրապետությունում առնվազն 1427 երեխա է տեղահանվել: Twitter–ի իր էջում այս մասին գրառում է արել ՀՀ ԱԳՆ մամուլի խոսնակ Անի Բադալյանը:
When referring to child rights⬇️: during #Azerbaijan’s 2022 Sept aggression educational institutions in territory of 🇦🇲 were under direct fire, as result children were deprived of right to education, at least 1427 children were displaced, their fundamental rights were violated. https://t.co/sHKt3wY1ei
— Ani Badalyan, Spokesperson of MFA of Armenia (@ArmSpoxMFA) July 4, 2023
«Խոսելով երեխայի իրավունքների մասին` 2022 թվականի սեպտեմբերին Ադրբեջանի ագրեսիայի ընթացքում ՀՀ տարածքում կրթական հաստատությունները ենթարկվել են ուղղակի գնդակոծության, ինչի հետևանքով երեխաները զրկվել են կրթության իրավունքից։ Առնվազն 1427 երեխա տեղահանվել է, խախտվել են նրանց հիմնարար իրավունքները»,– նշել է Անի Բադալյանը։
Իր գրառմանը կից նա տարածել է նաև ՄԱԿ-ի 2022 թվականի հակամարտություններից տուժած երեխաների մասին զեկույցը:
Հիշեցնենք` Ադրբեջանի ԶՈւ ստորաբաժանումները սեպտեմբերի 13-ից Գորիսի, Սոթքի և Ջերմուկի ուղղությամբ ինտենսիվ կրակ էին վարում հրետանային միջոցներից, խոշոր տրամաչափի հրաձգային զինատեսակներից։ Հակառակորդը կիրառում էր նաև ԱԹՍ-ներ:
Քննչական կոմիտեն սեպտեմբերի 30-ին հայտնեց, որ ադրբեջանական ագրեսիայի հետևանքով հայկական կողմն ունի 201 զոհ՝ 197 զինծառայող և 4 քաղաքացիական անձ, վիրավորվել է 293 զինծառայող ու 6 քաղաքացիական անձ, գերեվարվել է 20 զինծառայող:
