https://arm.sputniknews.ru/20230627/sa-ceghaspanutjan-sharunakutjun-e-hjdn-24-zhamja-nstacujcer-e-anckacnum-erevanum-61771927.html

Սա ցեղասպանության շարունակություն է. ՀՅԴ–ն 24–ժամյա նստացույցեր է անցկացնում Երևանում

Սա ցեղասպանության շարունակություն է. ՀՅԴ–ն 24–ժամյա նստացույցեր է անցկացնում Երևանում

Sputnik Արմենիա

Ակցիայի մասնակիցները ԵԱՀԿ Մինսկի խմբի համանախագահ երկրներից պահանջում են գործուն քայլեր ձեռնարկել, ոչ թե բավարարվել հայտարարություններով։ 27.06.2023, Sputnik Արմենիա

2023-06-27T09:54+0400

2023-06-27T09:54+0400

2023-06-27T11:31+0400

հայաստան

հայ յեղափոխական դաշնակցություն (հյդ)

բողոքի ակցիա

դեսպանատուն

տեսանյութ

տեսանյութեր

https://cdn.am.sputniknews.ru/img/07e7/06/1b/61782575_0:0:1920:1080_1920x0_80_0_0_66dbd97c5a7200b9b8cd6f570808b084.jpg

ԵՐԵՎԱՆ, 27 հունիսի – Sputnik. Այսօր առավոտյան 8։30-ից Երևանում մեկնարկեց «SOS Artsakh» խորագրով 24-ժամյա նստացույց–ակցիան։«Արցախը դիմակայում է ֆաշիզմին», «Սա Ցեղասպանության շարունակություն է», «Արցախը Հայաստանի զրահաբաճկոնն է», «Արցախում 120 հազար հայեր են ապրում». այսպիսի ցուցապաստառներով մի քանի տասնյակ մարդիկ հավաքվել են Հայաստանում հավատարմագրված օտարերկրյա դիվանագիտական ներկայացուցչությունների առջև։ Ակցիան նախաձեռնել է ՀՅԴ Հայաստանի Գերագույն մարմինը։ Մասնակիցները մինչև հունիսի 28-ը` առավոտյան ժամը 10։00-ն, նստացույց են իրականացնելու ԱՄՆ-ի, Ռուսաստանի Դաշնության, Ֆրանսիայի Հանրապետության դեսպանատների և ԵՄ ներկայացուցչության դիմաց։Հունիսի 26-ին ՀՅԴ ԳՄ ներկայացուցիչ Իշխան Սաղաթելյանը ֆեյսբուքյան իր էջում հայտնել էր, որ նստացույցի նպատակն է ԵԱՀԿ Մինսկի խմբի համանախագահ երկրներից և ԵՄ-ից պահանջել չբավարարվել լոկ հայտարարություններով, այլ գործուն քայլեր ձեռնարկել Ադրբեջանի կողմից Արցախի շրջափակումն անհապաղ վերացնելու ուղղությամբ։Հիշեցնենք` 2022–ի դեկտեմբերի 12-ին քաղաքացիական հագուստով մի խումբ ադրբեջանցիներ բնապահպանական պատճառաբանությամբ փակեցին Արցախը Հայաստանին կապող Ստեփանակերտ-Գորիս մայրուղին, որտեղից հեռացան ապրիլի 28-ին, քանի որ ապրիլի 23-ին Ադրբեջանն անցակետ տեղադրեց Լաչինի ճանապարհի վրա` այն ամբողջությամբ առնելով իր վերահսկողության տակ։

2023

Լուրեր

am_HY

հայաստան, հայ յեղափոխական դաշնակցություն (հյդ), բողոքի ակցիա, դեսպանատուն, տեսանյութ, տեսանյութեր