https://arm.sputniknews.ru/20230627/rusakan-razmardjunaberakan-hamaliry-pahpanum-e-tekhnvolvogiakan-arajatari-dirqy-61798404.html
Ռուսական ռազմարդյունաբերական համալիրը պահպանում է տեխնոլոգիական առաջատարի դիրքը
Ռուսական ռազմարդյունաբերական համալիրը պահպանում է տեխնոլոգիական առաջատարի դիրքը
Sputnik Արմենիա
Կրոնշտադտում բացված միջազգային ռազմածովային ցուցադրությունն ապացուցեց, որ Ռուսաստանի պաշտպանական և արդյունաբերական համալիրը լիովին հարմարվել է երկարատև... 27.06.2023, Sputnik Արմենիա
2023-06-27T23:47+0400
2023-06-27T23:47+0400
2023-06-27T23:54+0400
ռուսաստան
զենք
ցուցադրություն
նավ
արտադրություն
արտադրանք
https://cdn.am.sputniknews.ru/img/07e7/06/1a/61748207_0:142:3072:1870_1920x0_80_0_0_dd182e34783c32e2f3526696825bc305.jpg
Ալեքսանդր Խրոլենկո, ռազմական վերլուծաբանXI միջազգային ռազմածովային ցուցադրությունն (ՄՌԾՑ-2023) անցկացվեց հունիսի 21-25-ը Կրոնշտադտում: Մասնակցեցին ավելի քան 250 առաջատար ռուսական և արտասահմանյան ընկերություններ, որոնց թվում էին աշխարհահռչակ «Ալմազ–Անթեյ», «Ռոստեխ», «Ռոսատոմ» կոնցեռնները, «Մարտավարական հրթիռային սպառազինություն» կորպորացիան, «Յարոսլավլի նավաշինական գործարանը», «BrahMos Aerospace»-ը։ Ցուցադրությունը միավորել էր Ռուսաստանի ռազմածովային ուժերի և պետական կառույցների ներկայացուցիչներին, առաջատար փորձագետներին, տարբեր երկրների խոշորագույն ձեռնարկությունների և ընկերությունների ղեկավարներին: Այցելեց 11 օտարերկրյա պատվիրակություն Ալժիրից, Ադրբեջանից, Ղազախստանից, Ղրղզստանից, Զիմբաբվեից, Մյանմայից, Վիետնամից, Էրիթրեայից, Հնդկաստանից, Նամիբիայից և Մարոկկոյից:Տաղավարներում կարելի էր տեսնել նավաշինության, զենքի, մարտական կառավարման համակարգերի, նավատորմի նավիգացիայի և կապի, ծովային ավիացիայի, նոր և հեռանկարային տեխնոլոգիաների ոլորտում ակնառու նվաճումները: Կրոնշտադտի նավահանգստում ներկայացվել էին Ռուսաստանի ռազմածովային ուժերի նորագույն ռազմանավերը։ ՄՌԾՑ-ի բիզնես ծրագրում ներառված էինչորս գիտական և տեխնիկական համաժողովներ, չորս տեխնիկական նստաշրջաններ, 12 կլոր սեղաններ, բազմաթիվ շնորհանդեսներ:Իրանական գերձայնայինը․ «Ֆաթթահը» փոխում է ուժերի հավասարակշռությունըՌազմածովային վերջին սպառազինությունների և տեխնիկայի ցուցադրությունը հստակ և համոզիչ կերպով ապացուցեց, որ Ռուսաստանի ռազմարդյունաբերական համալիրը լիովին հարմարվել է Արևմուտքի բազմամյա պատժամիջոցներին, պահպանել է առաջատար դիրքերը աշխարհում բարձր տեխնոլոգիական զարգացումների ոլորտում և կայուն քայլերով մեծացնում է ժամանակակից ռազմանավերի արտադրության ծավալները: Ռուսաստանի ռազմարդյունաբերական համալիրը, որը հիմնադրվել է 1990-ին, ավելի քան 200 ռազմական ձեռնարկություն ունի:Մեծ տպավորություն թողեց Ռուսաստանի ռազմածովային ուժերի «Սև մարգարիտը»՝ «Ուֆա» նորագույն սուզանավը, որը նախատեսված է մոլորակի ցանկացած կետում թշնամու մակերեսային նավերը, սուզանավերը և ցամաքային օբյեկտները ոչնչացնելու համար։Ի հեճուկս փոթորկիԿրոնշտադտի ցուցահանդեսում մասնագետների հատուկ ուշադրությունը գրավեց բարձր հեռահարության (ավելի քան 280 կմ) նոր բարձր ճշգրտության հականավային X-59MK «օդ-մակերես» հրթիռը, որը ստեղծել է «Ռադուգա» կոնստրուկտորական բյուրոն: Հակառակորդի ՀՕՊ-ի համար անտեսանելի հրթիռը կարող է շարքից հանել հածանավը, էսկադրային ականակիրը կամ մինչև երեք մետր հաստությամբ առանձնապես ամուր երկաթբետոնե կոնստրուկցիաները (ցամաքում)։«Գիդրոպրիբոր» կոնցեռնը Կրոնշտադում ցուցադրեց նոր ունիվերսալ տորպեդը։ 220 մմ տրամաչափի խելացի տորպեդը նախատեսված է նավերի և սուզանավերի խոցման համար, հարմարեցված է բոլոր կրիչներին, ներառյալ ինքնաթիռները, ուղղաթիռները և ինքնավար ծովային անօդաչու թռչող սարքերը: Այն տարբերվում է ստանդարտ տորպեդներից ընդամենը 2 մետր երկարությամբ: Ընթացքի հեռավորությունը մինչև 7 կմ է, արագությունը՝ 27 հանգույց, կիրառման խորությունը՝ մինչև 450 մետր:Նոր ՊՊԿ-20-ը հուսալի զենք է Ռուսաստանի օդատիեզերական ուժերի օդաչուների համարՄարտական մասի զանգվածը 35 կգ է։ Համապատասխան համակարգերը թույլ են տալիս տորպեդն արդյունավետ օգտագործել Համաշխարհային օվկիանոսի ցանկացած շրջանում։ՄՌԾԴ-2023-ում ներկայացված բարձր տեխնոլոգիական արտադրանքը թույլ է տալիս հասկանալ, թե Ռուսաստանը որքան պատասխանատվությամբ է մոտեցել զարգացման իր սեփական ուղու ընտրությանը և կորցրած իրավասությունների վերադարձին, Համաշխարհային օվկիանոսում իր 38 հազար կիլոմետր ծովային սահմանների և ազգային շահերի պաշտպանությանը:Միավորված նավաշինական կորպորացիայի գլխավոր տնօրեն Ալեքսեյ Ռախմանովը ՄՌԾՑ-2023-ի ժամանակ նշել է. «Պետք է գործել՝ հաշվի առնելով մինչև 2040-2050-ականների իրադարձությունների տեսլականը։ Ժամանակն է տասնամյակներ առաջ մտածել նավաշինարանների և մեքենաշինական գործարանների նոր հզորությունների, դրանց բեռնման մասին... Իսկ պատժամիջոցների մասին արդեն կարելի է մոռանալ»։Բաժանորդագրվեք ռազմական վերլուծաբան Ալեքսանդր Խրոլենկոյի Telegram-յան ալիքին։
Sputnik Արմենիա
media@sputniknews.com
+74956456601
MIA „Rossiya Segodnya“
2023
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
ռուսաստան, զենք, ցուցադրություն, նավ, արտադրություն, արտադրանք
ռուսաստան, զենք, ցուցադրություն, նավ, արտադրություն, արտադրանք
Ռուսական ռազմարդյունաբերական համալիրը պահպանում է տեխնոլոգիական առաջատարի դիրքը
23:47 27.06.2023 (Թարմացված է: 23:54 27.06.2023) Կրոնշտադտում բացված միջազգային ռազմածովային ցուցադրությունն ապացուցեց, որ Ռուսաստանի պաշտպանական և արդյունաբերական համալիրը լիովին հարմարվել է երկարատև պատժամիջոցների փոթորկի պայմաններին։
Ալեքսանդր Խրոլենկո, ռազմական վերլուծաբան
XI միջազգային ռազմածովային ցուցադրությունն (ՄՌԾՑ-2023) անցկացվեց հունիսի 21-25-ը Կրոնշտադտում: Մասնակցեցին ավելի քան 250 առաջատար ռուսական և արտասահմանյան ընկերություններ, որոնց թվում էին աշխարհահռչակ «Ալմազ–Անթեյ», «Ռոստեխ», «Ռոսատոմ» կոնցեռնները, «Մարտավարական հրթիռային սպառազինություն» կորպորացիան, «Յարոսլավլի նավաշինական գործարանը», «BrahMos Aerospace»-ը։ Ցուցադրությունը միավորել էր Ռուսաստանի ռազմածովային ուժերի և պետական կառույցների ներկայացուցիչներին, առաջատար փորձագետներին, տարբեր երկրների խոշորագույն ձեռնարկությունների և ընկերությունների ղեկավարներին: Այցելեց 11 օտարերկրյա պատվիրակություն Ալժիրից, Ադրբեջանից, Ղազախստանից, Ղրղզստանից, Զիմբաբվեից, Մյանմայից, Վիետնամից, Էրիթրեայից, Հնդկաստանից, Նամիբիայից և Մարոկկոյից:
Տաղավարներում կարելի էր տեսնել նավաշինության, զենքի, մարտական կառավարման համակարգերի, նավատորմի նավիգացիայի և կապի, ծովային ավիացիայի, նոր և հեռանկարային տեխնոլոգիաների ոլորտում ակնառու նվաճումները: Կրոնշտադտի նավահանգստում ներկայացվել էին Ռուսաստանի ռազմածովային ուժերի նորագույն ռազմանավերը։ ՄՌԾՑ-ի բիզնես ծրագրում ներառված էինչորս գիտական և տեխնիկական համաժողովներ, չորս տեխնիկական նստաշրջաններ, 12 կլոր սեղաններ, բազմաթիվ շնորհանդեսներ:
Ռազմածովային վերջին սպառազինությունների և տեխնիկայի ցուցադրությունը հստակ և համոզիչ կերպով ապացուցեց, որ Ռուսաստանի ռազմարդյունաբերական համալիրը լիովին հարմարվել է Արևմուտքի բազմամյա պատժամիջոցներին, պահպանել է առաջատար դիրքերը աշխարհում բարձր տեխնոլոգիական զարգացումների ոլորտում և կայուն քայլերով մեծացնում է ժամանակակից ռազմանավերի արտադրության ծավալները: Ռուսաստանի ռազմարդյունաբերական համալիրը, որը հիմնադրվել է 1990-ին, ավելի քան 200 ռազմական ձեռնարկություն ունի:
Մեծ տպավորություն թողեց Ռուսաստանի ռազմածովային ուժերի «Սև մարգարիտը»՝ «Ուֆա» նորագույն սուզանավը, որը նախատեսված է մոլորակի ցանկացած կետում թշնամու մակերեսային նավերը, սուզանավերը և ցամաքային օբյեկտները ոչնչացնելու համար։
Կրոնշտադտի ցուցահանդեսում մասնագետների հատուկ ուշադրությունը գրավեց բարձր հեռահարության (ավելի քան 280 կմ) նոր բարձր ճշգրտության հականավային X-59MK «օդ-մակերես» հրթիռը, որը ստեղծել է «Ռադուգա» կոնստրուկտորական բյուրոն: Հակառակորդի ՀՕՊ-ի համար անտեսանելի հրթիռը կարող է շարքից հանել հածանավը, էսկադրային ականակիրը կամ մինչև երեք մետր հաստությամբ առանձնապես ամուր երկաթբետոնե կոնստրուկցիաները (ցամաքում)։
«Գիդրոպրիբոր» կոնցեռնը Կրոնշտադում ցուցադրեց նոր ունիվերսալ տորպեդը։ 220 մմ տրամաչափի խելացի տորպեդը նախատեսված է նավերի և սուզանավերի խոցման համար, հարմարեցված է բոլոր կրիչներին, ներառյալ ինքնաթիռները, ուղղաթիռները և ինքնավար ծովային անօդաչու թռչող սարքերը: Այն տարբերվում է ստանդարտ տորպեդներից ընդամենը 2 մետր երկարությամբ: Ընթացքի հեռավորությունը մինչև 7 կմ է, արագությունը՝ 27 հանգույց, կիրառման խորությունը՝ մինչև 450 մետր:
Մարտական մասի զանգվածը 35 կգ է։ Համապատասխան համակարգերը թույլ են տալիս տորպեդն արդյունավետ օգտագործել Համաշխարհային օվկիանոսի ցանկացած շրջանում։
ՄՌԾԴ-2023-ում ներկայացված բարձր տեխնոլոգիական արտադրանքը թույլ է տալիս հասկանալ, թե Ռուսաստանը որքան պատասխանատվությամբ է մոտեցել զարգացման իր սեփական ուղու ընտրությանը և կորցրած իրավասությունների վերադարձին, Համաշխարհային օվկիանոսում իր 38 հազար կիլոմետր ծովային սահմանների և ազգային շահերի պաշտպանությանը:
Միավորված նավաշինական կորպորացիայի գլխավոր տնօրեն Ալեքսեյ Ռախմանովը ՄՌԾՑ-2023-ի ժամանակ նշել է. «Պետք է գործել՝ հաշվի առնելով մինչև 2040-2050-ականների իրադարձությունների տեսլականը։ Ժամանակն է տասնամյակներ առաջ մտածել նավաշինարանների և մեքենաշինական գործարանների նոր հզորությունների, դրանց բեռնման մասին... Իսկ պատժամիջոցների մասին արդեն կարելի է մոռանալ»։
Բաժանորդագրվեք ռազմական վերլուծաբան Ալեքսանդր Խրոլենկոյի
Telegram-յան ալիքին։
