ԱՄՆ Կանզաս նահանգի ներկայացուցիչները այցելել են ՊՆ զինվորական հոսպիտալ
17:16 25.06.2023 (Թարմացված է: 17:17 25.06.2023)
© Photo : ՀՀ ՊՆ մամուլի քարտուղար Press Secretary of the RA Ministry of Defence ԱՄՆ Կանզաս նահանգի ներկայացուցիչները այցելել են ՊՆ զինվորական հոսպիտալ
![ԱՄՆ Կանզաս նահանգի ներկայացուցիչները այցելել են ՊՆ զինվորական հոսպիտալ ԱՄՆ Կանզաս նահանգի ներկայացուցիչները այցելել են ՊՆ զինվորական հոսպիտալ - Sputnik Արմենիա, 1920, 25.06.2023](https://cdn.am.sputniknews.ru/img/07e7/06/19/61675481_0:111:768:543_1920x0_80_0_0_604c7429c3724c2ad587d6abb65f0ba2.jpg)
ԱՄՆ Կանզաս նահանգի ներկայացուցիչները այցելել են ՊՆ զինվորական հոսպիտալ
Բաժանորդագրվել
Այցի ընթացքում ամփոփվել են ռազմական բժշկության ոլորտում համագործակցության ձեռքբերումները։
ԵՐԵՎԱՆ, 25 հունիսի – Sputnik. ԱՄՆ Կանզաս նահանգի ներկայացուցիչները ադյուտանտ գեներալ, գվարդիայի հրամանատար, բրիգադի գեներալ Մայքլ Վեներդիի գլխավորությամբ այցելել են ՊՆ կենտրոնական կլինիկական զինվորական հոսպիտալ։ Տեղեկությունը հայտնում է ՀՀ պաշտպանության նախարարությունը։
Այցը կազմակերպվել էր Հայաստան-Կանզաս գործընկերության 20-րդ տարեդարձին նվիրված միջոցառումների շրջանակներում։
Պատվիրակությունը շրջել է հոսպիտալում, ծանոթացել հոսպիտալի հնարավորություններին, ինչպես նաև ծառայության կազմում գործող շարժական դաշտային հոսպիտալի կարողություններին ու դրա միջազգային գնահատման նախապատրաստական աշխատանքներին։
© Photo : ՀՀ ՊՆ մամուլի քարտուղար Press Secretary of the RA Ministry of Defence ԱՄՆ Կանզաս նահանգի ներկայացուցիչները այցելել են ՊՆ զինվորական հոսպիտալ
![Представители американского штата Канзас во главе с генерал-адъютантом, командующим гвардией, бригадным генералом Майклом Венерди посетили Центральный клинический военный госпиталь Министерства обороны Представители американского штата Канзас во главе с генерал-адъютантом, командующим гвардией, бригадным генералом Майклом Венерди посетили Центральный клинический военный госпиталь Министерства обороны - Sputnik Արմենիա, 1920, 25.06.2023](https://cdn.am.sputniknews.ru/img/07e7/06/19/61675503_0:0:1600:1099_1920x0_80_0_0_665a3cf16c9a9848ec86b3c6a314b90a.jpg)
ԱՄՆ Կանզաս նահանգի ներկայացուցիչները այցելել են ՊՆ զինվորական հոսպիտալ
Այցի ընթացքում ամփոփվել են ռազմական բժշկության ոլորտում համագործակցության ձեռքբերումները, ընդգծվեցին գործընկերության հետագա ընդլայնման կարևորությունը և փոխգործակցության համար առավել հետաքրքրություն ներկայացնող ռազմական բժշկության ուղղությունները։
Հոսպիտալում բուժում ստացող զինծառայողների համար ելույթ է ունեցել ԱՄՆ ազգային գվարդիայի նվագախումբը։
Հիշեցնենք, որ ԱՄՆ–ի Կանզաս նահանգի նահանգապետ Լորա Քելին և Կանզասի Ազգային գվարդիայի հրամանատար, գեներալ-մայոր Մայքլ Վերներդին Հայաստան են ժամանել հունիսի 22-ին` Հայաստան-Կանզաս գործընկերության 20-րդ տարեդարձին նվիրված միջոցառումների շրջանակում: Նրանք հանդիպել են ՀՀ վարչապետ Նիկոլ Փաշինյանի, ՀՀ պաշտպանության նախարար Սուրեն Պապիկյանի հետ, հարգանքի տուրք մատուցել Մեծ եղեռնի սրբադասված նահատակների հիշատակին։