Անիտա Մակյանը դարձավ Եվրոպական ամառային երրորդ խաղերի բրոնզե մեդալակիր
19:50 23.06.2023 (Թարմացված է: 21:13 23.06.2023)
© Sputnik / Asatur YesayantsԱնիտա Մակյան
![Անիտա Մակյան Անիտա Մակյան - Sputnik Արմենիա, 1920, 23.06.2023](https://cdn.am.sputniknews.ru/img/07e7/06/17/61640063_0:42:1344:798_1920x0_80_0_0_f6654e1a2b65e8378691762311faf1a6.jpg)
Անիտա Մակյան
© Sputnik / Asatur Yesayants
Բաժանորդագրվել
Կարատեի մրցումներն անցկացվել են լեհական Բելսկո-Բիալա քաղաքում:
ԵՐԵՎԱՆ, 23 հունիսի – Sputnik. Հայաստանի թիմը երկրորդ մեդալը նվաճեց Լեհաստանում ընթացող Եվրոպական ամառային երրորդ խաղերում: Տեղեկությունը հայտնում է ՀՀ կրթության, գիտության, մշակույթի և սպորտի նախարարությունը։
«Կարատե մարզաձևի -68կգ քաշային կարգում Անիտա Մակյանը, հաղթելով իսպանացի Մարիա Նիետոյին և ուկրաինացի Էլինա Մելնիկին, դուրս եկավ եզրափակիչ, որտեղ, սակայն, 0-4 հաշվով զիջեց Շվեյցարիայի ներկայացուցիչ Ելենա Նորինային ու բրոնզե մեդալ նվաճեց»,– ասված է հաղորդագրությունում:
Կարատեի մրցումներն անցկացվել են լեհական Բելսկո-Բիալա քաղաքում:
Այսօր ավելի վաղ Եվրոպական խաղերում վստահ հաղթանակ է տարել բռնցքամարտիկ, Եվրոպայի փոխչեմպիոն Արթուր Բազեյանը: Նա 1/16 եզրափակչում 5-0 հաշվով առավելության է հասել չեխ Վլադիմիր Տրակալիի նկատմամբ՝ մենամարտի ընթացքում երկու անգամ նոկդաունի ենթարկելով մրցակցին: 1/8 եզրափակիչում Բազեյանի մրցակիցը կլինի Բուլղարիան ներկայացնող Խավիեր Իբանյեսը:
Երեկոյան մրցահերթում ռինգ դուրս կգա նաև Նարեկ Մանասյանը:
Հիշեցնենք` Եվրոպական խաղերի բացման արարողությունը կայացավ հունիսի 21-ին Կրակովում, նույն օրը Լևոն Աղասյանը հաղթեց հեռացատկի մրցումներում։