https://arm.sputniknews.ru/20230623/adrbejany-betvone-argelapatnesh-e-drel-arcakhy-hajastanin-kapvogh-miak-tshanaparhin-tesanjut-61629116.html
Ադրբեջանը բետոնե արգելապատնեշ է դրել Արցախը Հայաստանին կապող միակ ճանապարհին. տեսանյութ
Ադրբեջանը բետոնե արգելապատնեշ է դրել Արցախը Հայաստանին կապող միակ ճանապարհին. տեսանյութ
Sputnik Արմենիա
Ադրբեջանական իշխանությունները փորձում են արտաքին աշխարհից լիովին մեկուսացնել Արցախի ժողովրդին։ 23.06.2023, Sputnik Արմենիա
2023-06-23T17:46+0400
2023-06-23T17:46+0400
2023-06-23T17:49+0400
անցակետ
տեսանյութեր
տեսադարան
արցախ
հայ-ադրբեջանական
ադրբեջան
հակարի կամուրջ
խաղաղապահներն արցախում
https://cdn.am.sputniknews.ru/img/07e7/06/17/61629411_0:0:1920:1080_1920x0_80_0_0_06f0ff616729acd2cf23b0404d70f4ae.jpg
Ադրբեջանը բետոնե արգելապատնեշ է տեղադրել Լաչինի միջանցքում ու փակել Արցախը Հայաստանին կապող միակ ճանապարհը։ Այս մասին վկայող տեսանյութ է հրապարակել Արցախի տեղեկատվական շտաբը։ Տեսանյութում երևում է` ինչպես են ադրբեջանցիները վերամբարձ կռունկով արգելապատնեշները տեղադրում ճանապարհին։Նշվում է, որ ադրբեջանական հերթական այս սադրանքը տեղի է ունեցել հունիսի 22-ին։Շեշտվում է, որ սա հերթական անգամ բացահայտում է Ադրբեջանի իշխանությունների հանցավոր նպատակները, այն է` արտաքին աշխարհից լիովին մեկուսացնել Արցախի ժողովրդին, բռնաճնշումներ կիրառել։Հիշեցնենք` 2022–ի դեկտեմբերի 12-ին քաղաքացիական հագուստով մի խումբ ադրբեջանցիներ բնապահպանական պատճառաբանությամբ փակեցին Արցախը Հայաստանին կապող Ստեփանակերտ-Գորիս մայրուղին, որտեղից հեռացան ապրիլի 28-ին։Մինչ այդ` 2022 թվականի փետրվարի 22-ին, Արդարադատության միջազգային դատարանը Ադրբեջանի նկատմամբ հրատապ միջոց կիրառեց` պարտադրելով ապաշրջափակել Լաչինի ճանապարհը։ Այս որոշումը ոչ միայն չկիրառվեց, այլև ապրիլի 23-ին Ադրբեջանն անցակետ տեղադրեց Լաչինի ճանապարհի վրա` այն ամբողջությամբ առնելով իր վերահսկողության տակ։Հունիսի 15-ի առավոտյան՝ ժամը 08:40-ի սահմաններում, Ադրբեջանի սահմանապահ ծառայության մի խումբ զինծառայողներ Հակարիի կամրջի ուղղությամբ առաջխաղացման փորձ են կատարել՝ ՀՀ տարածքում դրոշ տեղադրելու նպատակով։ Հայկական կողմի ձեռնարկած միջոցների արդյունքում ադրբեջանցի զինծառայողների առաջխաղացման փորձը կանխվել է։Հակարիի կամրջի մոտ տեղի ունեցած ադրբեջանական սադրանքից հետո Քաշաթաղի (Լաչինի) միջանցքով բոլոր հումանիտար ուղևորափոխադրումներն ու բեռնափոխադրումները արգելվել են Ադրբեջանի կողմից:
ադրբեջան
հակարի կամուրջ
Sputnik Արմենիա
media@sputniknews.com
+74956456601
MIA „Rossiya Segodnya“
2023
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
անցակետ, տեսանյութեր, տեսադարան, արցախ, հայ-ադրբեջանական, ադրբեջան, հակարի կամուրջ, խաղաղապահներն արցախում, видео
անցակետ, տեսանյութեր, տեսադարան, արցախ, հայ-ադրբեջանական, ադրբեջան, հակարի կամուրջ, խաղաղապահներն արցախում, видео
Ադրբեջանը բետոնե արգելապատնեշ է դրել Արցախը Հայաստանին կապող միակ ճանապարհին. տեսանյութ
17:46 23.06.2023 (Թարմացված է: 17:49 23.06.2023) Ադրբեջանական իշխանությունները փորձում են արտաքին աշխարհից լիովին մեկուսացնել Արցախի ժողովրդին։
Ադրբեջանը բետոնե արգելապատնեշ է տեղադրել Լաչինի միջանցքում ու փակել Արցախը Հայաստանին կապող միակ ճանապարհը։ Այս մասին վկայող տեսանյութ է հրապարակել
Արցախի տեղեկատվական շտաբը։ Տեսանյութում երևում է` ինչպես են ադրբեջանցիները վերամբարձ կռունկով արգելապատնեշները տեղադրում ճանապարհին։
Նշվում է, որ ադրբեջանական հերթական այս սադրանքը տեղի է ունեցել հունիսի 22-ին։
«Փաստորեն, բացի անցակետի ապօրինի տեղադրումից և զրահատեխնիկայի տեղադրման միջոցով ճանապարհը փակելուց, Ադրբեջանն այժմ ցուցադրաբար արգելափակում է ճանապարհը՝ խոչընդոտելով ցանկացած երթևեկության, այդ թվում՝ Կարմիր խաչի և ռուս խաղաղապահների մեքենաների համար»,– ասվում է տեսանյութին կից:
Շեշտվում է, որ սա հերթական անգամ բացահայտում է Ադրբեջանի իշխանությունների հանցավոր նպատակները, այն է` արտաքին աշխարհից լիովին մեկուսացնել Արցախի ժողովրդին, բռնաճնշումներ կիրառել։
Հիշեցնենք` 2022–ի դեկտեմբերի 12-ին
քաղաքացիական հագուստով մի խումբ ադրբեջանցիներ բնապահպանական պատճառաբանությամբ փակեցին Արցախը Հայաստանին կապող Ստեփանակերտ-Գորիս մայրուղին, որտեղից հեռացան ապրիլի 28-ին։
Մինչ այդ` 2022 թվականի փետրվարի 22-ին,
Արդարադատության միջազգային դատարանը Ադրբեջանի նկատմամբ հրատապ միջոց կիրառեց` պարտադրելով ապաշրջափակել Լաչինի ճանապարհը։ Այս որոշումը ոչ միայն չկիրառվեց, այլև ապրիլի 23-ին Ադրբեջանն
անցակետ տեղադրեց Լաչինի ճանապարհի վրա` այն ամբողջությամբ առնելով իր վերահսկողության տակ։
Հունիսի 15-ի առավոտյան՝ ժամը 08:40-ի սահմաններում, Ադրբեջանի սահմանապահ ծառայության մի խումբ զինծառայողներ Հակարիի կամրջի ուղղությամբ առաջխաղացման փորձ են կատարել՝ ՀՀ տարածքում դրոշ տեղադրելու նպատակով։ Հայկական կողմի ձեռնարկած միջոցների արդյունքում ադրբեջանցի զինծառայողների
առաջխաղացման փորձը կանխվել է։
