Գարեգին Երկրորդն ընդունել է զոհված և գերեվարված զինծառայողների ընտանիքների անդամներին
17:44 22.06.2023 (Թարմացված է: 17:45 22.06.2023)
© Photo : Info Service Dept of the Mother SeeԳարեգին Երկրորդն ընդունել է զոհված և գերեվարված զինծառայողների ընտանիքների անդամներին
![Գարեգին Երկրորդն ընդունել է զոհված և գերեվարված զինծառայողների ընտանիքների անդամներին Գարեգին Երկրորդն ընդունել է զոհված և գերեվարված զինծառայողների ընտանիքների անդամներին - Sputnik Արմենիա, 1920, 22.06.2023](https://cdn.am.sputniknews.ru/img/07e7/06/16/61566598_0:4:1500:848_1920x0_80_0_0_a4874ceaadeea1af080cb8152132b444.jpg)
Գարեգին Երկրորդն ընդունել է զոհված և գերեվարված զինծառայողների ընտանիքների անդամներին
© Photo : Info Service Dept of the Mother See
Բաժանորդագրվել
Քննարկվել է «Աջակցություն պատերազմից տուժած ընտանիքներին» ծրագիրը, որի շրջանակներում աջակցություն կտրամադրվի 50 ընտանիքի։
ԵՐԵՎԱՆ, 22 հունիսի – Sputnik. Ամենայն հայոց կաթողիկոսը Գարեգին Բ–ն Մայր աթոռ սուրբ Էջմիածնում ընդունել է զոհված և գերեվարված զինծառայողների ընտանիքների անդամներին։ Այս մասին հայտնում է Մայր աթոռի տեղեկատվական համակարգը։
Նրանք այցելել էին Մայր աթոռի Եկեղեցիների համաշխարհային խորհրդի (ԵՀԽ) հայաստանյան Կլոր սեղան հիմնադրամի կողմից իրականացվող «Աջակցություն պատերազմից տուժած ընտանիքներին» ծրագրի շրջանակներում։
© Photo : Info Service Dept of the Mother SeeԳարեգին Երկրորդն ընդունել է զոհված և գերեվարված զինծառայողների ընտանիքների անդամներին
![Католикос Гарегин Второй принял членов семей погибших военнослужащих (22 июня 2023)․ Эчмиадзин Католикос Гарегин Второй принял членов семей погибших военнослужащих (22 июня 2023)․ Эчмиадзин - Sputnik Արմենիա, 1920, 22.06.2023](https://cdn.am.sputniknews.ru/img/07e7/06/16/61566576_0:0:1500:1000_1920x0_80_0_0_030a5c9097dcc100f60441c289b24ce4.jpg)
Գարեգին Երկրորդն ընդունել է զոհված և գերեվարված զինծառայողների ընտանիքների անդամներին
© Photo : Info Service Dept of the Mother See
ԵՀԽ հայաստանյան Կլոր սեղան հիմնադրամի գործադիր տնօրեն Կարեն Նազարյանը Նորին Սրբությանը տեղեկացրել է, որ հիմնադրամը Մասյացոտն թեմի հոգևոր դասի հետ համագործակցելովնյութական, բարոյական ու հոգեխնամ աջակցություն է ցուցաբերում որդեկորույս ընտանիքներին։
Ծրագիրը նախատեսվում է իրականացնել ինչպես Արարատի, այնպես էլ Գեղարքունիքի ու Սյունիքի մարզերում, որի շրջանակներում աջակցություն կտրամադրվի 50 ընտանիքների։
«Հերոս զավակների քաջության օրինակն առաջնորդելու է հայորդիներին քաջարի ոգով շարունակելու տեր լինել իրենց երկրին, ազատ ու անկախ ապրելու իրավունքին»,– ասել է Ամենայն հայոց կաթողիկոսը։
Վերջում, ի պատասխան զոհված զինծառայողների ընտանիքների անդամների հարցերի, Նորին Սրբությունն անդրադարձել է պատերազմում անհայտ կորած զինվորականների հայտնաբերման և ռազմագերիների վերադարձման ուղղությամբ Հայ եկեղեցու կողմից կատարված ու կատարվող աշխատանքներին։