https://arm.sputniknews.ru/20230622/erevani-ev-baqvi-ughigh-erkkhvosutjuny-amerikjan-altruizm-che-markedvonvov-61563092.html
Երևանի և Բաքվի «ուղիղ երկխոսությունը» ամերիկյան ալտրուիզմ չէ. Մարկեդոնով
Երևանի և Բաքվի «ուղիղ երկխոսությունը» ամերիկյան ալտրուիզմ չէ. Մարկեդոնով
Sputnik Արմենիա
Ռուս փորձագետը կարծում է, որ ամերիկացիները խորամանկում են, երբ խոսում են Հայաստանի և Ադրբեջանի միջև ուղիղ երկխոսության անհրաժեշտության մասին: 22.06.2023, Sputnik Արմենիա
2023-06-22T16:51+0400
2023-06-22T16:51+0400
2023-06-22T16:54+0400
հայաստան
ռուսաստան
ամն
ադրբեջան
սերգեյ մարկեդոնով
https://cdn.am.sputniknews.ru/img/07e7/05/01/59004190_0:0:1280:720_1920x0_80_0_0_c01f9b1cac1677d099156d9df1bafbdf.jpg
ԵՐԵՎԱՆ, 22 հունիսի – Sputnik. Ամերիկացիները ոչ թե ինչ-որ ալտրուիստական մղումներից ելնելով են պնդում, որ Հայաստանի և Ադրբեջանի միջև ուղիղ երկխոսություն լինի, այլ Ռուսաստանի հետ մրցակցության համատեքստում։ Այս տեսակետը հայտնել է ռուս քաղաքագետ Սերգեյ Մարկեդոնովը «Bunin & Co» Telegram–յան ալիքի համար գրած իր հոդվածում` մեկնաբանելով ՌԴ ԱԳՆ-ի և ԱՄՆ Պետդեպարտամենտի հեռակա բանավեճը։Ավելի վաղ Ռուսաստանի արտգործնախարար Սերգեյ Լավրովը հայտարարել էր, որ ԱՄՆ-ի և նրա դաշնակիցների նպատակը ոչ թե Ադրբեջանին ու Հայաստանին հաշտեցնելու բանաձևեր փնտրելն է, այլ քաղաքական էքսպանսիան և իրենց համար կարևոր տարածաշրջանից ՌԴ-ին դուրս մղելը։ ԱՄՆ Պետդեպարտամենտի ներկայացուցիչ Վեդանտ Պատելը, արձագանքելով Լավրովի հայտարարությանը, ասել էր` եթե Ռուսաստանը կարծում է, որ կարող է կառուցողական դեր խաղալ, ապա ԱՄՆ-ն ողջունում է այդ ջանքերը։Մարկեդոնովը կարծում է, որ և՛ ԱՄՆ-ն, և՛ Ռուսաստանը փորձում են առաջատար դիրքեր զբաղեցնել հայ-ադրբեջանական հակամարտության կարգավորման հարցում: Ընդ որում` ի տարբերություն ուկրաինական ուղղության, որտեղ Մոսկվայի և Վաշինգտոնի մոտեցումները բացահայտ հակադիր են (և լարվածության թուլացում դեռ չի ակնկալվում), ղարաբաղյան հարցում ԱՄՆ-ն նույնիսկ պատրաստ է ինչ-որ չափով ընդունել ՌԴ–ի կառուցողական դերակատարությունը։ Սակայն ԵԱՀԿ Մինսկի խմբի շրջանակում նախկին համագործակցությունից այսօր հետք անգամ չկա։Փորձագետն ուշադրություն է հրավիրել այն հանգամանքի վրա, որ Վաշինգտոնն առաջ է մղում այսպես կոչված «ուղիղ երկխոսության» նախագիծը, ինչի մասին հունիսի 21-ին հայտարարել է նաև Վեդանտ Պատելը՝ նման ձևաչափը համարելով հայ-ադրբեջանական կարգավորման և Հարավային Կովկասում կայուն ու արժանապատիվ խաղաղության հասնելու բանալի:Սակայն, ըստ նրա, ԱՄՆ-ն իր հարթակները ներկայացնում է որպես հակամարտող կողմերի իրական երկխոսություն՝ Մոսկվայի դերը ներկայացնելով որպես միջնորդություն։ «Պարզ է, որ ցանկացած հաշտարարություն սեփական շահ է ենթադրում։ Եվ այս համատեքստում Վաշինգտոնի գործողությունները որպես ալտրուիզմի դրսևորումներ դիտարկելը առնվազն միամտություն կլիներ»,– նշել է Մարկեդոնովը։Քաղաքագետի գնահատմամբ՝ Եվրասիայում թեժ մրցակցություն է ընթանում, որն ընդգրկում է ոչ միայն ռազմական, այլև դիվանագիտական ոլորտ:Նշենք, որ մյուս շաբաթ Վաշինգտոնում կկայանա Հայաստանի և Ադրբեջանի արտգործնախարարների` Արարատ Միրզոյանի և Ջեյհուն Բայրամովի հանդիպումը, որը նախատեսված էր դեռևս հունիսի 12-ին, սակայն Բաքվի խնդրանքով հետաձգվել էր:
ամն
ադրբեջան
Sputnik Արմենիա
media@sputniknews.com
+74956456601
MIA „Rossiya Segodnya“
2023
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
հայաստան, ռուսաստան, ամն, ադրբեջան, սերգեյ մարկեդոնով
հայաստան, ռուսաստան, ամն, ադրբեջան, սերգեյ մարկեդոնով
Երևանի և Բաքվի «ուղիղ երկխոսությունը» ամերիկյան ալտրուիզմ չէ. Մարկեդոնով
16:51 22.06.2023 (Թարմացված է: 16:54 22.06.2023) Ռուս փորձագետը կարծում է, որ ամերիկացիները խորամանկում են, երբ խոսում են Հայաստանի և Ադրբեջանի միջև ուղիղ երկխոսության անհրաժեշտության մասին:
ԵՐԵՎԱՆ, 22 հունիսի – Sputnik. Ամերիկացիները ոչ թե ինչ-որ ալտրուիստական մղումներից ելնելով են պնդում, որ Հայաստանի և Ադրբեջանի միջև ուղիղ երկխոսություն լինի, այլ Ռուսաստանի հետ մրցակցության համատեքստում։ Այս տեսակետը հայտնել է ռուս քաղաքագետ Սերգեյ Մարկեդոնովը «Bunin & Co» Telegram–յան ալիքի համար գրած իր հոդվածում` մեկնաբանելով ՌԴ ԱԳՆ-ի և ԱՄՆ Պետդեպարտամենտի հեռակա բանավեճը։
Ավելի վաղ Ռուսաստանի արտգործնախարար Սերգեյ Լավրովը
հայտարարել էր, որ ԱՄՆ-ի և նրա դաշնակիցների նպատակը ոչ թե Ադրբեջանին ու Հայաստանին հաշտեցնելու բանաձևեր փնտրելն է, այլ քաղաքական էքսպանսիան և իրենց համար կարևոր տարածաշրջանից ՌԴ-ին դուրս մղելը։ ԱՄՆ Պետդեպարտամենտի ներկայացուցիչ Վեդանտ Պատելը, արձագանքելով Լավրովի հայտարարությանը,
ասել էր` եթե Ռուսաստանը կարծում է, որ կարող է կառուցողական դեր խաղալ, ապա ԱՄՆ-ն ողջունում է այդ ջանքերը։
Մարկեդոնովը կարծում է, որ և՛ ԱՄՆ-ն, և՛ Ռուսաստանը փորձում են առաջատար դիրքեր զբաղեցնել հայ-ադրբեջանական հակամարտության կարգավորման հարցում: Ընդ որում` ի տարբերություն ուկրաինական ուղղության, որտեղ Մոսկվայի և Վաշինգտոնի մոտեցումները բացահայտ հակադիր են (և լարվածության թուլացում դեռ չի ակնկալվում), ղարաբաղյան հարցում ԱՄՆ-ն նույնիսկ պատրաստ է ինչ-որ չափով ընդունել ՌԴ–ի կառուցողական դերակատարությունը։ Սակայն ԵԱՀԿ Մինսկի խմբի շրջանակում նախկին համագործակցությունից այսօր հետք անգամ չկա։
Փորձագետն ուշադրություն է հրավիրել այն հանգամանքի վրա, որ Վաշինգտոնն առաջ է մղում այսպես կոչված «ուղիղ երկխոսության» նախագիծը, ինչի մասին հունիսի 21-ին հայտարարել է նաև Վեդանտ Պատելը՝ նման ձևաչափը համարելով հայ-ադրբեջանական կարգավորման և Հարավային Կովկասում կայուն ու արժանապատիվ խաղաղության հասնելու բանալի:
«Բայց Պատելի, ինչպես նաև նրա ղեկավարի՝ պետքարտուղար Էնթոնի Բլինկենի խոսքերում որոշակի դիվանագիտական խորամանկություն կա։ Չէ՞ որ «ուղիղ երկխոսությունը», ինչպես դա հասկանում են Պետդեպարտամենտի ներկայացուցիչները, ոչ թե Բաքվի և Երևանի ներկայացուցիչների նախաձեռնած խոսակցությունն է, այլ Վաշինգտոնի կազմակերպած հարթակը։ ԱՄՆ–ն հանդես է գալիս այդ երկխոսության պրոդյուսերի դերում։ Պատելի ձևակերպումից ելնելով՝ մենք կարող ենք Կրեմլի կամ ԱԳՆ–ի հովանու ներքո անցկացված մոսկովյան բանակցություններն էլ «ուղիղ» անվանել, քանի որ Ադրբեջանի և Հայաստանի ղեկավարները, այդ պետությունների բարձրաստիճան պաշտոնյաները հանդիպում և քննարկում են խաղաղության հաստատման հեռանկարները», - նշել է Մարկեդոնովը։
Սակայն, ըստ նրա, ԱՄՆ-ն իր հարթակները ներկայացնում է որպես հակամարտող կողմերի իրական երկխոսություն՝ Մոսկվայի դերը ներկայացնելով որպես միջնորդություն։ «Պարզ է, որ ցանկացած հաշտարարություն սեփական շահ է ենթադրում։ Եվ այս համատեքստում Վաշինգտոնի գործողությունները որպես ալտրուիզմի դրսևորումներ դիտարկելը առնվազն միամտություն կլիներ»,– նշել է Մարկեդոնովը։
Քաղաքագետի գնահատմամբ՝ Եվրասիայում թեժ մրցակցություն է ընթանում, որն ընդգրկում է ոչ միայն ռազմական, այլև դիվանագիտական ոլորտ:
Նշենք, որ մյուս շաբաթ Վաշինգտոնում կկայանա Հայաստանի և Ադրբեջանի արտգործնախարարների` Արարատ Միրզոյանի և Ջեյհուն Բայրամովի հանդիպումը, որը նախատեսված էր դեռևս հունիսի 12-ին, սակայն Բաքվի խնդրանքով հետաձգվել էր:
