https://arm.sputniknews.ru/20230620/khelvoq-mardu-hatkanishnery-yst-zhvoghvovrdi-ev-yst-masnagetneri-61443010.html
Խելոք մարդու հատկանիշները՝ ըստ ժողովրդի և ըստ մասնագետների
Խելոք մարդու հատկանիշները՝ ըստ ժողովրդի և ըստ մասնագետների
Sputnik Արմենիա
Ինչ հատկանիշներով պետք է օժտված լինի այսպես ասած խելոք մարդը։ Իհարկե, կարելի է ղեկավարվել հայտնի ժողովրդական բնորոշմամբ՝ խելոքն այն մարդն է, որին հաջողվում է... 20.06.2023, Sputnik Արմենիա
2023-06-20T22:00+0400
2023-06-20T22:00+0400
2023-06-20T22:01+0400
հայաստան
մարդ
գիտնական
պատերազմ
5 րոպե դուլյանի հետ
https://cdn.am.sputniknews.ru/img/2222/83/22228391_0:0:1601:901_1920x0_80_0_0_a5e1385f9a9ea2b50367ee162506846d.jpg
Խելոք մարդու հատկանիշները՝ ըստ ժողովրդի եւ ըստ մասնագետների
Sputnik Արմենիա
Խելոք մարդու հատկանիշները՝ ըստ ժողովրդի եւ ըստ մասնագետների
Համաձայնեք` շատ հիմնավոր պնդում է, որովհետև երբ, օրինակ, ինձ անընդհատ հարց են տալիս՝ լավ, այսքանից հետո ինչպես կարող էին մարդիկ ձայն տալ մտավոր կարողությունների նման մակարդակ ունեցող մեկին, ես միշտ հակադարձում եմ՝ բայց ախր նա կարողացել է մեզ համոզել, որ իրեն ընտրենք։ Եվ եթե մենք բոլորովին հակված չենք ընդունելու, որ մենք ինքներս հիմար ենք, կներեք, ուրեմն պիտի տրամաբանորեն եզրակացնենք, որ ինքն էլ ամենևին հիմար չէ։ Այդպես չէ՞՝ մտավոր կարողություններով աչքի չընկնողը հո չէր կարող համոզել մեզ` խելոքներիս։Զիջում էլ կա, զիջում էլ. ինչու է Հայաստանի ղեկավարությունն ընտրել վատագույն մոդելըԼեհ հետազոտողների խումբը վերջերս հրապարակել է մարդկային ինտելեկտի հատկանիշները, որոնք ոչ բոլոր դեպքերում են համապատասխանում լայն հասարակայնության շրջանում տարածված պատկերացումներին։ Վերցնենք թեկուզ այսպես ասած էմոցիոնալ մտածողությունը։Հաստատ նկատած կլինեք՝ մանավանդ վերջին տարիներին, ղարաբաղյան պարտությունից հետո միանգամից հայտնվեցին բազմաթիվ վերլուծաբաններ, քաղաքագետներ, մեկնաբաններ, որոնք համառորեն մեխում են մարդկանց գիտակցության մեջ այն միտքը, թե հայերի բոլոր դժբախտությունները Նոյի թվից ի վեր պայմանավորված են նրանով, որ մենք ամեն ինչին մոտենում ենք ոչ թե բանականության դիրքերից, այլ զգացմունքներով ղեկավարվելով։ Ընդ որում` նրանց այս պնդումներում բացարձակ որևէ նոր բան չկա։Տարիներ շարունակ, փաստում են լեհ գիտնականները, բանականությունն ու սիրտը ողջ աշխարհում դիտարկվում էին որպես հակադիր ուժեր, և հույզերով ղեկավարվելը համարվում էր խելոք մարդու վարքին անհարիր։29 800 ք/կմ, 12 տոկոս տնտեսական աճ, 4 000 զոհ. Հայաստանը թվերի երկիր է դարձելՍակայն վերջին հետազոտություններն ապացուցել են, որ շատ ամուր փոխկապակցվածություն գոյություն ունի մարդու այսպես ասած էմոցիոնալ ինտելեկտի և նրա IQ-ի միջև։ Այնպես որ, եթե դուք ղեկավարվում եք սրտով, մեծ հավանականությամբ, դուք ղեկավարվում եք նաև բանականությամբ։ Որոշ փորձագետներ սրա ամենավառ արտահայտությունն են համարում ղարաբաղյան առաջին և վերջին պատերազմները` արձանագրելով՝ 90-ականների սկզբին էլ Ադրբեջանը հսկայական գերազանցություն ուներ ամեն ինչում՝ զենք, զինամթերք, ավիացիա, մարդկային ուժ, այնինչ հայերն ունեին մի հիմնական առավելություն՝ աննախադեպ բարձր էմոցիոնալ ինտելեկտ։Հիմա, ինչպես գիտեք, պատկերը ճիշտ հակառակն է`բանականության գերիշխանություն՝ «մենք տկար ենք, դասալիք, դավաճան, գերի հանձնվող», չունենք ժամանակակից զենք։ «Հինգերորդ շարասյան» մասին էլ չեմ ասում։ Չվիճենք, խորհրդարանական հանձնաժողովը թող պարզի մեր պարտության պատճառները։Հաջորդ հատկանիշը` խելոք մարդը ուշիմ դիտորդ է։ Այո, այս դեպքում էլ եմ համաձայն լեհ մասնագետների հետ, որոնք փաստում են՝ սենյակի ամենաաղմկոտ մարդը ամենևին ոչ բոլոր դեպքերում է ամենախելոքը։ Խելոքը սովորաբար լուռ հետևում է մարդկանց վարքագծին` փորձելով հասկանալ նրանց բնավորության գծերը, առանձնահատկությունները, որոնք օգնում են ըմբռնել նրբությունները և ճիշտ հետևություններ անել, ինչը երևի ամենակարևորն է մարդկային շփումներում։Խելոք մարդու չորրորդ հատկանիշն այն է, որ նա ինքնավերահսկողության ունակություն ունի, այսինքն` կարողանում է կառավարել սեփական զգացմունքներն ու մղումները։ Դա նշանակում է, որ դուք ավելի հաճախ եք մտածում խոսելուց կամ գործելուց առաջ։ Դե, եթե մտածում եք, ուրեմն հաստատ մտածող մարդ եք։ Ի դեպ, մտածող մարդու ևս մի հատկանիշ՝ նա գիտի, որ ունի սահմանափակումներ։ Երևի դուք էլ կհավաստեք՝ խելոք մարդիկ երբեք չեն փորձում ձևացնել, թե ամեն ինչ գիտեն։ Ճիշտ հակառակը` միայն կասկածելի մտավոր կարողության տեր մարդն է փորձում ցույց տալ, որ շատ լավ հասկանում է պատերազմի նրբություններից, տնտեսությունից, դիվանագիտությունից և նույնիսկ եվրոպական կանոններից (թե որ մսի կամ ձկան հետ որ գույնի ու հնության գինի են խմում)։Գիտնականների այս հետազոտության արդյունքներն օրերս հրապարակվել են լեհական մամուլում։ Մեկնաբանությունները շատ–շատ են, մեջբերեմ ընդամենը մեկը. «Ուշադրությամբ կարդացի և հասկացա, որ ես հիմար եմ։ Խելոք լինեի՝ վաղուց արդեն Լեհաստանում չէի ապրի»։Քաղաքականությամբ կարող է զբաղվել ով ասես, նույնիսկ նախկին լրագրողը
https://arm.sputniknews.ru/20230609/hunisjan-khtshankar-banakcajin-herqumner-ev-ishkhanakanneri-masnakcutjamb-mijadeper-60912698.html
Sputnik Արմենիա
media@sputniknews.com
+74956456601
MIA „Rossiya Segodnya“
2023
Արմեն Դուլյան
https://cdn.am.sputniknews.ru/img/2070/97/20709751_477:42:1221:786_100x100_80_0_0_49effa12a5c8a33e31f066cb33af3898.jpg
Արմեն Դուլյան
https://cdn.am.sputniknews.ru/img/2070/97/20709751_477:42:1221:786_100x100_80_0_0_49effa12a5c8a33e31f066cb33af3898.jpg
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
Արմեն Դուլյան
https://cdn.am.sputniknews.ru/img/2070/97/20709751_477:42:1221:786_100x100_80_0_0_49effa12a5c8a33e31f066cb33af3898.jpg
հայաստան, մարդ, գիտնական, պատերազմ, 5 րոպե դուլյանի հետ
հայաստան, մարդ, գիտնական, պատերազմ, 5 րոպե դուլյանի հետ
Խելոք մարդու հատկանիշները՝ ըստ ժողովրդի և ըստ մասնագետների
22:00 20.06.2023 (Թարմացված է: 22:01 20.06.2023) Ինչ հատկանիշներով պետք է օժտված լինի այսպես ասած խելոք մարդը։ Իհարկե, կարելի է ղեկավարվել հայտնի ժողովրդական բնորոշմամբ՝ խելոքն այն մարդն է, որին հաջողվում է համոզել մյուսներին, որ ինքը հիմար չէ։
Համաձայնեք` շատ հիմնավոր պնդում է, որովհետև երբ, օրինակ, ինձ անընդհատ հարց են տալիս՝ լավ, այսքանից հետո ինչպես կարող էին մարդիկ ձայն տալ մտավոր կարողությունների նման մակարդակ ունեցող մեկին, ես միշտ հակադարձում եմ՝ բայց ախր նա կարողացել է մեզ համոզել, որ իրեն ընտրենք։ Եվ եթե մենք բոլորովին հակված չենք ընդունելու, որ մենք ինքներս հիմար ենք, կներեք, ուրեմն պիտի տրամաբանորեն եզրակացնենք, որ ինքն էլ ամենևին հիմար չէ։ Այդպես չէ՞՝ մտավոր կարողություններով աչքի չընկնողը հո չէր կարող համոզել մեզ` խելոքներիս։
Լեհ հետազոտողների խումբը վերջերս հրապարակել է մարդկային ինտելեկտի հատկանիշները, որոնք ոչ բոլոր դեպքերում են համապատասխանում լայն հասարակայնության շրջանում տարածված պատկերացումներին։ Վերցնենք թեկուզ այսպես ասած էմոցիոնալ մտածողությունը։
Հաստատ նկատած կլինեք՝ մանավանդ վերջին տարիներին, ղարաբաղյան պարտությունից հետո միանգամից հայտնվեցին բազմաթիվ վերլուծաբաններ, քաղաքագետներ, մեկնաբաններ, որոնք համառորեն մեխում են մարդկանց գիտակցության մեջ այն միտքը, թե հայերի բոլոր դժբախտությունները Նոյի թվից ի վեր պայմանավորված են նրանով, որ մենք ամեն ինչին մոտենում ենք ոչ թե բանականության դիրքերից, այլ զգացմունքներով ղեկավարվելով։ Ընդ որում` նրանց այս պնդումներում բացարձակ որևէ նոր բան չկա։
Տարիներ շարունակ, փաստում են լեհ գիտնականները, բանականությունն ու սիրտը ողջ աշխարհում դիտարկվում էին որպես հակադիր ուժեր, և հույզերով ղեկավարվելը համարվում էր խելոք մարդու վարքին անհարիր։
Սակայն վերջին հետազոտություններն ապացուցել են, որ շատ ամուր փոխկապակցվածություն գոյություն ունի մարդու այսպես ասած էմոցիոնալ ինտելեկտի և նրա IQ-ի միջև։ Այնպես որ, եթե դուք ղեկավարվում եք սրտով, մեծ հավանականությամբ, դուք ղեկավարվում եք նաև բանականությամբ։ Որոշ փորձագետներ սրա ամենավառ արտահայտությունն են համարում ղարաբաղյան առաջին և վերջին պատերազմները` արձանագրելով՝ 90-ականների սկզբին էլ Ադրբեջանը հսկայական գերազանցություն ուներ ամեն ինչում՝ զենք, զինամթերք, ավիացիա, մարդկային ուժ, այնինչ հայերն ունեին մի հիմնական առավելություն՝ աննախադեպ բարձր էմոցիոնալ ինտելեկտ։
Հիմա, ինչպես գիտեք, պատկերը ճիշտ հակառակն է`բանականության գերիշխանություն՝ «մենք տկար ենք, դասալիք, դավաճան, գերի հանձնվող», չունենք ժամանակակից զենք։ «Հինգերորդ շարասյան» մասին էլ չեմ ասում։ Չվիճենք, խորհրդարանական հանձնաժողովը թող պարզի մեր պարտության պատճառները։
Բարձր ինտելեկտի երկրորդ հատկանիշը։ Գիտնականներն ասում են` խելոք մարդը անպայման հետաքրքրվում է աշխարհով։ Թող ներեն ինձ այն մարդիկ, որոնք հպարտորեն հայտարարում են. «Քաղաքականությունը ինձ բացարձակ չի հետաքրքրում», բայց ես լիովին համաձայն եմ լեհ մասնագետների հետ՝ եթե քեզ որևէ բան չի հետաքրքրում, բա բոլորովին բարձր ինտելեկտի նշան չէ։
Հաջորդ հատկանիշը` խելոք մարդը ուշիմ դիտորդ է։ Այո, այս դեպքում էլ եմ համաձայն լեհ մասնագետների հետ, որոնք փաստում են՝ սենյակի ամենաաղմկոտ մարդը ամենևին ոչ բոլոր դեպքերում է ամենախելոքը։ Խելոքը սովորաբար լուռ հետևում է մարդկանց վարքագծին` փորձելով հասկանալ նրանց բնավորության գծերը, առանձնահատկությունները, որոնք օգնում են ըմբռնել նրբությունները և ճիշտ հետևություններ անել, ինչը երևի ամենակարևորն է մարդկային շփումներում։
Խելոք մարդու չորրորդ հատկանիշն այն է, որ նա ինքնավերահսկողության ունակություն ունի, այսինքն` կարողանում է կառավարել սեփական զգացմունքներն ու մղումները։ Դա նշանակում է, որ դուք ավելի հաճախ եք մտածում խոսելուց կամ գործելուց առաջ։ Դե, եթե մտածում եք, ուրեմն հաստատ մտածող մարդ եք։ Ի դեպ, մտածող մարդու ևս մի հատկանիշ՝ նա գիտի, որ ունի սահմանափակումներ։ Երևի դուք էլ կհավաստեք՝ խելոք մարդիկ երբեք չեն փորձում ձևացնել, թե ամեն ինչ գիտեն։ Ճիշտ հակառակը` միայն կասկածելի մտավոր կարողության տեր մարդն է փորձում ցույց տալ, որ շատ լավ հասկանում է պատերազմի նրբություններից, տնտեսությունից, դիվանագիտությունից և նույնիսկ եվրոպական կանոններից (թե որ մսի կամ ձկան հետ որ գույնի ու հնության գինի են խմում)։
Գիտնականների այս հետազոտության արդյունքներն օրերս հրապարակվել են լեհական մամուլում։ Մեկնաբանությունները շատ–շատ են, մեջբերեմ ընդամենը մեկը. «Ուշադրությամբ կարդացի և հասկացա, որ ես հիմար եմ։ Խելոք լինեի՝ վաղուց արդեն Լեհաստանում չէի ապրի»։
