https://arm.sputniknews.ru/20230620/eraskhi-metaghadzularani-ghekavarutjuny-amn-nerkajacucichneri-het-kapi-mej-e-hakvobjan-61448805.html
Երասխի գործարանի ղեկավարությունը ԱՄՆ ներկայացուցիչների հետ կապի մեջ է. Հակոբյան
Երասխի գործարանի ղեկավարությունը ԱՄՆ ներկայացուցիչների հետ կապի մեջ է. Հակոբյան
Sputnik Արմենիա
Տիրան Հակոբյանը շեշտում է, որ գործարանի տարածք մի քանի անգամ այցելել են ԵՄ դիտորդները։ 20.06.2023, Sputnik Արմենիա
2023-06-20T17:47+0400
2023-06-20T17:47+0400
2023-06-20T18:30+0400
երասխ
գործարան
https://cdn.am.sputniknews.ru/img/07e7/06/14/61450356_0:154:1600:1055_1920x0_80_0_0_0ef7d07bebfc26fdcf2be833708d549e.jpg
ԵՐԵՎԱՆ, 20 հունիսի – Sputnik. Երասխի մետալուրգիական գործարանի ղեկավարությունը կապի մեջ է ԱՄՆ ներկայացուցիչների հետ։ Այս մասին Երասխում կառուցվող գործարանի տարածքում Հայաստանի և ԱՄՆ դրոշները բարձրացնելուց հետո լրագրողների հետ զրույցում ասաց գործարանը կառուցող «Ջի Թի Բի Սթիլ» ընկերության տնօրեն Տիրան Հակոբյանը։Այսօր` դրոշների բարձրացման օրը, ԵՄ դիտորդները հերթական անգամ այցելել են Երասխ։«ԵՄ դիտորդները մի քանի անգամ այստեղ եղել են, մշտադիտարկում են անցկացրել, փաստական և վավերագրական նյութեր են հավաքել»,– ասաց Հակոբյանը։Անդրադառնալով հարցին, արդյոք գործարանի շինհրապարակում դրոշներ բարձրացնելուց հետո կարող են համարել, որ տարածքն անվտանգ կլինի, Հակոբյանը շեշտեց, որ դա չի կարող երաշխիք լինել, որ ադրբեջանցիները էլ չեն կրակելու ու չեն փորձելու խոչընդոտել շինարարությանը։ Նա շեշտեց, որ դրոշների տեղադրումով արձանագրել են` այնտեղից որևէ տեղ չեն գնալու և շարունակելու են գործարանի կառուցումը։«Բոլոր կրակոցներն արձանագրված են տեսանյութերով և լուսանկարներով։ Մենք դիմելու ենք միջազգային բոլոր հնարավոր մարմիններին ու օգտագործելու ենք բոլոր գործիքները, թե՛ ՀՀ-ի օրենսդրական դաշտում, թե՛ ԵՄ-ի, թե՛ ԱՄՆ-ի։ Նրանք պետք է հասկանան` որևէ կրակոց անպատասխան չի մնալու և՛ օրենսդրական, և՛ հուսով եմ` պաշտպանական դաշտերում»,– ասաց Հակոբյանը։Նշենք, որ դրոշները բարձրացնելուց մի քանի ժամ հետո ՀՀ պաշտպանության նախարարությունը հայտնեց, որ ադրբեջանական ԶՈւ–ն կրկին կրակել է գործարանի շինհրապարակի ուղղությամբ։Հիշեցնենք` ադրբեջանական ստորաբաժանումները հունիսի 13-ից պարբերաբար կրակում են Երասխի հատվածում տեղակայված հայկական դիրքերի ուղղությամբ։ Հունիսի 14-ին ՊՆ–ն հայտնեց, որ Ադրբեջանի զինված ուժերը ժամը 11:45-ի սահմաններում կրակ են բացել Երասխում օտարերկրյա ներդրումների միջոցով կառուցվող մետալուրգիական գործարանի ուղղությամբ, ինչի հետևանքով վիրավորվել է Հնդկաստանի 2 քաղաքացի։
երասխ
Sputnik Արմենիա
media@sputniknews.com
+74956456601
MIA „Rossiya Segodnya“
2023
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
երասխ, գործարան
Երասխի գործարանի ղեկավարությունը ԱՄՆ ներկայացուցիչների հետ կապի մեջ է. Հակոբյան
17:47 20.06.2023 (Թարմացված է: 18:30 20.06.2023) Տիրան Հակոբյանը շեշտում է, որ գործարանի տարածք մի քանի անգամ այցելել են ԵՄ դիտորդները։
ԵՐԵՎԱՆ, 20 հունիսի – Sputnik. Երասխի մետալուրգիական գործարանի ղեկավարությունը կապի մեջ է ԱՄՆ ներկայացուցիչների հետ։ Այս մասին Երասխում կառուցվող գործարանի տարածքում Հայաստանի և ԱՄՆ դրոշները բարձրացնելուց հետո լրագրողների հետ զրույցում ասաց գործարանը կառուցող «Ջի Թի Բի Սթիլ» ընկերության տնօրեն Տիրան Հակոբյանը։
Նրա խոսքով` Հայաստանում հավատարմագրված օտարերկրյա դիվանագիտական ներկայացուցիչների` Երասխ այցից հետո, ադրբեջանական զինված ուժերը երեկոյան կրկին կրակել են այնտեղ կառուցվող մետաղաձուլարանի ուղղությամբ։ Հակոբյանը նաև շեշտեց, որ այդ այցից հետո անգամ մի քանի հայտարարություն է եղել, օրինակ` Ֆրանսիայից, մինչ այդ էլ ԱՄՆ–ից։
Այսօր` դրոշների բարձրացման օրը, ԵՄ դիտորդները հերթական անգամ այցելել են Երասխ։
«ԵՄ դիտորդները մի քանի անգամ այստեղ եղել են, մշտադիտարկում են անցկացրել, փաստական և վավերագրական նյութեր են հավաքել»,– ասաց Հակոբյանը։
Անդրադառնալով հարցին, արդյոք գործարանի շինհրապարակում դրոշներ բարձրացնելուց հետո կարող են համարել, որ տարածքն անվտանգ կլինի, Հակոբյանը շեշտեց, որ դա չի կարող երաշխիք լինել, որ ադրբեջանցիները էլ չեն կրակելու ու չեն փորձելու խոչընդոտել շինարարությանը։ Նա շեշտեց, որ դրոշների տեղադրումով արձանագրել են` այնտեղից որևէ տեղ չեն գնալու և շարունակելու են գործարանի կառուցումը։
«Բոլոր կրակոցներն արձանագրված են տեսանյութերով և լուսանկարներով։ Մենք դիմելու ենք միջազգային բոլոր հնարավոր մարմիններին ու օգտագործելու ենք բոլոր գործիքները, թե՛ ՀՀ-ի օրենսդրական դաշտում, թե՛ ԵՄ-ի, թե՛ ԱՄՆ-ի։ Նրանք պետք է հասկանան` որևէ կրակոց անպատասխան չի մնալու և՛ օրենսդրական, և՛ հուսով եմ` պաշտպանական դաշտերում»,– ասաց Հակոբյանը։
Նշենք, որ դրոշները բարձրացնելուց մի քանի ժամ հետո ՀՀ պաշտպանության նախարարությունը հայտնեց, որ
ադրբեջանական ԶՈւ–ն կրկին կրակել է գործարանի շինհրապարակի ուղղությամբ։
Հիշեցնենք` ադրբեջանական ստորաբաժանումները հունիսի 13-ից պարբերաբար կրակում են Երասխի հատվածում տեղակայված հայկական դիրքերի ուղղությամբ։ Հունիսի 14-ին
ՊՆ–ն հայտնեց, որ Ադրբեջանի զինված ուժերը ժամը 11:45-ի սահմաններում կրակ են բացել Երասխում օտարերկրյա ներդրումների միջոցով կառուցվող մետալուրգիական գործարանի ուղղությամբ, ինչի հետևանքով վիրավորվել է
Հնդկաստանի 2 քաղաքացի։
