«ԵՄ դիտորդները նպաստում են ավելի անվտանգ տարածաշրջան ունենալուն». ԱԽ քարտուղար
© Photo : press office of the Parliament of RAԱրմեն Գրիգորյանը հանդիպել է Եվրոպական խորհրդարանի անվտանգության և պաշտպանության հարցերով ենթակոմիտեի նախագահ Նատալի Լուազոյի գլխավորած պատվիրակության հետ
![Արմեն Գրիգորյանը հանդիպել է Եվրոպական խորհրդարանի անվտանգության և պաշտպանության հարցերով ենթակոմիտեի նախագահ Նատալի Լուազոյի գլխավորած պատվիրակության հետ Արմեն Գրիգորյանը հանդիպել է Եվրոպական խորհրդարանի անվտանգության և պաշտպանության հարցերով ենթակոմիտեի նախագահ Նատալի Լուազոյի գլխավորած պատվիրակության հետ - Sputnik Արմենիա, 1920, 20.06.2023](https://cdn.am.sputniknews.ru/img/07e7/06/14/61438526_0:0:1600:901_1920x0_80_0_0_685f613d4395db94d35e0e20df66a9fa.jpg)
Արմեն Գրիգորյանը հանդիպել է Եվրոպական խորհրդարանի անվտանգության և պաշտպանության հարցերով ենթակոմիտեի նախագահ Նատալի Լուազոյի գլխավորած պատվիրակության հետ
© Photo : press office of the Parliament of RA
Բաժանորդագրվել
Արմեն Գրիգորյանը Նատալի Լուազոյի հետ հանդիպմանը բարձր է գնահատել ԵՄ քաղաքացիական առաքելության գործունեությունը Հայաստանում։
ԵՐԵՎԱՆ, 20 հունիսի – Sputnik. ԵՄ քաղաքացիական առաքելության գործունեությունը Հայաստանում նպաստում է ավելի կայուն ու անվտանգ տարածաշրջան ունենալուն: Այս մասին հայտարարել է ՀՀ անվտանգության խորհրդի քարտուղար Արմեն Գրիգորյանը Եվրոպական խորհրդարանի անվտանգության և պաշտպանության հարցերով ենթակոմիտեի նախագահ Նատալի Լուազոյի գլխավորած պատվիրակության հետ հանդիպմանը։ Տեղեկությունը հայտնում է ԱԽ գրասենյակը։
«ՀՀ-ԵՄ երկկողմ հարաբերությունները կայուն զարգացում են ապրում, որը ներառում է նաև անվտանգության ոլորտը»,–ասել է Գրիգորյանը Լուազոյին` այդ համատեքստում ընդգծելով, որ բարձր է գնահատում ԵՄ քաղաքացիական առաքելության գործունեությունը Հայաստանում։
Լուազոն էլ նշել է, որ երկկողմ բարեկամական հարաբերությունները և համագործակցությունն ամրացնելու համար անհրաժեշտ է գործուն քայլեր ձեռնարկել, մասնավորապես Հայաստանի համար նման դժվարին քաղաքական պայմաններում:
Հիշեցնենք, որ փետրվարի 20-ին Հայաստանում տեղակայվեց 100 հոգուց բաղկացած եվրոպական նոր առաքելություն՝ երկու տարվա մանդատով: Առաքելության նպատակն է նպաստել Հայաստանի սահմանամերձ շրջաններում կայունությանը, տեղերում վստահության ամրապնդմանը և Հայաստանի ու Ադրբեջանի միջև հարաբերությունների կարգավորմանն ուղղված ջանքերին նպաստող պայմանների ապահովմանը: