Վահագն Խաչատուրյանը հանդիպել է Հունգարիայի և Գերմանիայի նախագահների հետ
12:58 18.06.2023 (Թարմացված է: 13:12 18.06.2023)
© Photo : official site of the President of RAՎահագն Խաչատուրյանը հանդիպել է Հունգարիայի նախագահ Կատալին Նովակի հետ
![Վահագն Խաչատուրյանը հանդիպել է Հունգարիայի նախագահ Կատալին Նովակի հետ Վահագն Խաչատուրյանը հանդիպել է Հունգարիայի նախագահ Կատալին Նովակի հետ - Sputnik Արմենիա, 1920, 18.06.2023](https://cdn.am.sputniknews.ru/img/07e7/06/12/61338136_0:88:2000:1213_1920x0_80_0_0_7402d5a226751b218f224fb7313024ee.jpg)
Վահագն Խաչատուրյանը հանդիպել է Հունգարիայի նախագահ Կատալին Նովակի հետ
© Photo : official site of the President of RA
Բաժանորդագրվել
Գերմանիայի նախագահը կարևորել է Հայաստանի կողմից Ադրբեջանի տարածքային ամբողջականության ճանաչումը, ինչն էական քայլ է հարաբերությունների հետագա կարգավորման գործընթացում:
ԵՐԵՎԱՆ, 18 հունիսի – Sputnik. Աշխատանքային այցով Գերմանիայի Դաշնային Հանրապետությունում գտնվող ՀՀ նախագահ Վահագն Խաչատուրյանը հանդիպել է Հունգարիայի նախագահ Կատալին Նովակի և Գերմանիայի նախագահ Ֆրանկ-Վալտեր Շտայնմայերի հետ։ Տեղեկությունը հայտնում է ՀՀ նախագահի մամուլի ծառայությունը։
Ֆրանկ-Վալտեր Շտայնմայերի հետ հանդիպման ընթացքում նախագահներն անդրադարձել են Հարավկովկասյան տարածաշրջանի և ղարաբաղյան հիմնախնդրի շուրջ տիրող ընդհանուր իրավիճակին:
«Եվրոպայի համար գնահատելի են այն ջանքերը, որոնք Հայաստանը ներդնում է խաղաղության հասնելու համար»,– ասել է Գերմանիայի նախագահը:
Նա մասնավորապես կարևորել է Հայաստանի կողմից Ադրբեջանի տարածքային ամբողջականության ճանաչումը, ինչն էական քայլ է հարաբերությունների հետագա կարգավորման գործընթացում:
Հանդիպմանը մտքեր են փոխանակվել նաև Հայաստանի և Թուրքիայի միջև երկխոսության ներկա փուլի վերաբերյալ: Նախագահ Վահագն Խաչատուրյանն ընդգծել է, որ Հայաստանը լիովին պատրաստ է առանց նախապայմանների շարժվել հարաբերությունների կարգավորման ուղիով:
Հունգարիայի նախագահ Կատալին Նովակի հետ հանդիպման ընթացքում քննարկվել է երկկողմ հարաբերությունների ու համագործակցության խթանման հնարավորություններն ու ուղիները:
© Photo : official site of the President of RAՎահագն Խաչատուրյանը հանդիպել է Հունգարիայի նախագահ Կատալին Նովակի հետ
![В рамках рабочего визита в Германию президент Ваагн Хачатурян встретился с президентом Венгрии Каталин Новак (18 июня 2023). Берлин В рамках рабочего визита в Германию президент Ваагн Хачатурян встретился с президентом Венгрии Каталин Новак (18 июня 2023). Берлин - Sputnik Արմենիա, 1920, 18.06.2023](https://cdn.am.sputniknews.ru/img/07e7/06/12/61338092_0:0:2000:1434_1920x0_80_0_0_2dae3ff98981a3ca4ca8d034f6a44bf3.jpg)
Վահագն Խաչատուրյանը հանդիպել է Հունգարիայի նախագահ Կատալին Նովակի հետ
© Photo : official site of the President of RA
Նախագահները մտքեր են փոխանակել հայ և հունգար ժողովուրդների արժեքային և գաղափարախոսական ընդհանրությունների վերաբերյալ՝ մասնավորապես շեշտվել է երկու ժողովուրդների համար քրիստոնեական ու ավանդական արժեքների կարևորությունը:
Հանդիպման ավարտին պայմանավորվածություն է ձեռք բերվել շարունակել հետագա արդյունավետ շփումները, որոնք նպաստում են երկու երկրների միջև փոխգործակցության սերտացմանը: