https://arm.sputniknews.ru/20230617/misaq-manushjani-atshjuny-kverahugharkavvorvi-parizi-pantevonum-61333786.html
Միսաք Մանուշյանի աճյունը կվերահուղարկավորվի Փարիզի պանթեոնում
Միսաք Մանուշյանի աճյունը կվերահուղարկավորվի Փարիզի պանթեոնում
Sputnik Արմենիա
Մանուշյանը հետմահու պարգևատրվել է ֆրանսիական «Պատվո լեգեոնի» շքանշանով, նրա անունով է կոչվել Փարիզի փողոցներից մեկը։ 17.06.2023, Sputnik Արմենիա
2023-06-17T20:47+0400
2023-06-17T20:47+0400
2023-06-17T20:49+0400
միսաք մանուշյան
փարիզ
աճյուն
ֆրանսիա
պանթեոն
https://cdn.am.sputniknews.ru/img/07e6/03/18/40114809_0:52:700:446_1920x0_80_0_0_770b995825c83288a1a3f22c3cf43240.jpg
ԵՐԵՎԱՆ, 17 հունիսի – Sputnik. Ֆրանսիական Դիմադրության շարժման հերոս Միսաք Մանուշյանի աճյունը 2024 թվականին կվերահուղարկավորվի Փարիզի պանթեոնում: Տեղեկությունը հայտնում է «France Inter» ռադիոկայանը՝ հղում անելով Ֆրանսիայի նախագահ Էմանուել Մակրոնի խորհրդականին։Մանուկյանը Ֆրանսիայի ազգային հերոս է, նրան հիշում և մեծարում են որպես ֆաշիզմի դեմ ամենաակտիվ և անվախ մարտիկներից մեկը: 1946 թվականին Փարիզում լույս է տեսել նրա բանաստեղծությունների ժողովածուն, որն այնուհետև թարգմանվել և հրատարակվել է Երևանում։ Մանուշյանը հետմահու պարգևատրվել է ֆրանսիական «Պատվո լեգեոնի» շքանշանով, նրա անունով է կոչվել Փարիզի փողոցներից մեկը՝ ի նշան երախտագիտության և հիացմունքի:Ըստ լրատվամիջոցի` պանթեոնում կհուղարկավորվի նաև նրա կինը՝ Մելինե Մանուշյանը, որը նույնպես Դիմադրության մասնակիցներից է եղել։ Համապատասխան որոշումը նախագահ Մակրոնը պաշտոնապես կհաստատի հունիսի 18-ին: Արարողությունը տեղի կունենա 2024 թվականի փետրվարի 21-ին՝ Մանուշյանի գնդակահարությունից 80 տարի անց։Ֆրանսիայում հարգել են երկրում պատերազմած հայերի հիշատակը. լուսանկարՄիսակ Մանուշյանը(1906-1944) ծնվել է Արևմտյան Հայաստանի Ադիյաման գյուղում, այգեգործների ընտանիքում: Նրա ծնողները սպանվել են 1915 թվականի Հայոց ցեղասպանության ժամանակ։ Տարրական կրթություն է ստացել Լիբանանի Ճյոնիա քաղաքի հայկական որբանոցում 1925 թվականին տեղափոխվել է Ֆրանսիա, որտեղ 1932-1937 թվականներին առաջադիմական ամսագրեր է խմբագրել։Այստեղ էլ 1933 թվականին Մանուշյանը միացել է ֆրանսիական Կոմունիստական կուսակցությանը։ Երբ գերմանացիները ներխուժել են Ֆրանսիա, Մանուշյանն իր ընկերների հետ ակտիվ մասնակցություն է ունեցել ֆրանսիական Դիմադրության շարժմանը։1943 թվականի մարտին նշանակվել է «Ստալինգրադ» ջոկատի հրամանատար, ավելի ուշ դարձել «Ազատ հրաձիգների» և Փարիզի ու արվարձանների բոլոր միջազգային ջոկատների հրամանատարը։1943-ի աշնանը ֆաշիստներին հաջողվել է գտնել անվախ ընդհատակյա մարտիկների հետքը, և 1943-ի նոյեմբերի 16-ին Մանուշյանն ու նրա ընկերները ձերբակալվել են և 3 ամիս անց գնդակահարվել։Միսաք Մանուշյանի և այլ մարդկանց հիշատակին հարգանքի տուրք են մատուցել Դիժոնում
փարիզ
ֆրանսիա
Sputnik Արմենիա
media@sputniknews.com
+74956456601
MIA „Rossiya Segodnya“
2023
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
միսաք մանուշյան, փարիզ, աճյուն, ֆրանսիա, պանթեոն
միսաք մանուշյան, փարիզ, աճյուն, ֆրանսիա, պանթեոն
Միսաք Մանուշյանի աճյունը կվերահուղարկավորվի Փարիզի պանթեոնում
20:47 17.06.2023 (Թարմացված է: 20:49 17.06.2023) Մանուշյանը հետմահու պարգևատրվել է ֆրանսիական «Պատվո լեգեոնի» շքանշանով, նրա անունով է կոչվել Փարիզի փողոցներից մեկը։
ԵՐԵՎԱՆ, 17 հունիսի – Sputnik. Ֆրանսիական Դիմադրության շարժման հերոս Միսաք Մանուշյանի աճյունը 2024 թվականին կվերահուղարկավորվի Փարիզի պանթեոնում: Տեղեկությունը հայտնում է
«France Inter» ռադիոկայանը՝ հղում անելով Ֆրանսիայի նախագահ Էմանուել Մակրոնի խորհրդականին։
Մանուկյանը Ֆրանսիայի ազգային հերոս է, նրան հիշում և մեծարում են որպես ֆաշիզմի դեմ ամենաակտիվ և անվախ մարտիկներից մեկը: 1946 թվականին Փարիզում լույս է տեսել նրա բանաստեղծությունների ժողովածուն, որն այնուհետև թարգմանվել և հրատարակվել է Երևանում։ Մանուշյանը հետմահու պարգևատրվել է ֆրանսիական «Պատվո լեգեոնի» շքանշանով, նրա անունով է կոչվել Փարիզի փողոցներից մեկը՝ ի նշան երախտագիտության և հիացմունքի:
«Նախագահի խորհրդականը «France Inter»-ին հաստատել է, որ Դիմադրության մասնակից Միսակ Մանուշյանի աճյունը կամփոփվի պանթեոնում»,-ասված է ռադիոկայանի հաղորդագրության մեջ:
Ըստ լրատվամիջոցի` պանթեոնում կհուղարկավորվի նաև նրա կինը՝ Մելինե Մանուշյանը, որը նույնպես Դիմադրության մասնակիցներից է եղել։ Համապատասխան որոշումը նախագահ Մակրոնը պաշտոնապես կհաստատի հունիսի 18-ին: Արարողությունը տեղի կունենա 2024 թվականի փետրվարի 21-ին՝ Մանուշյանի գնդակահարությունից 80 տարի անց։
Միսակ Մանուշյանը(1906-1944) ծնվել է Արևմտյան Հայաստանի Ադիյաման գյուղում, այգեգործների ընտանիքում: Նրա ծնողները սպանվել են 1915 թվականի Հայոց ցեղասպանության ժամանակ։ Տարրական կրթություն է ստացել Լիբանանի Ճյոնիա քաղաքի հայկական որբանոցում 1925 թվականին տեղափոխվել է Ֆրանսիա, որտեղ 1932-1937 թվականներին առաջադիմական ամսագրեր է խմբագրել։
Այստեղ էլ 1933 թվականին Մանուշյանը միացել է ֆրանսիական Կոմունիստական կուսակցությանը։ Երբ գերմանացիները ներխուժել են Ֆրանսիա, Մանուշյանն իր ընկերների հետ ակտիվ մասնակցություն է ունեցել ֆրանսիական Դիմադրության շարժմանը։
1943 թվականի մարտին նշանակվել է «Ստալինգրադ» ջոկատի հրամանատար, ավելի ուշ դարձել «Ազատ հրաձիգների» և Փարիզի ու արվարձանների բոլոր միջազգային ջոկատների հրամանատարը։
1943-ի աշնանը ֆաշիստներին հաջողվել է գտնել անվախ ընդհատակյա մարտիկների հետքը, և 1943-ի նոյեմբերի 16-ին Մանուշյանն ու նրա ընկերները ձերբակալվել են և 3 ամիս անց գնդակահարվել։
