https://arm.sputniknews.ru/20230614/eraskhic-voreve-vtangavvor-azdecutjun-chi-karvogh-linel-hh-shmnn-pataskhanel-e-adrbejanin-61170413.html
Երասխից որևէ վտանգավոր ազդեցություն չի կարող լինել. ՀՀ ՇՄՆ–ն պատասխանել է Ադրբեջանին
Երասխից որևէ վտանգավոր ազդեցություն չի կարող լինել. ՀՀ ՇՄՆ–ն պատասխանել է Ադրբեջանին
Sputnik Արմենիա
Տարածքում չկա կենդանական և բուսական աշխարհ, Նախիջևանի բնության ամենամոտ հուշարձանն ուղիղ գծով 5կմ հեռավորության վրա է, իսկ հնագիտականը` 12 կմ։ 14.06.2023, Sputnik Արմենիա
2023-06-14T23:21+0400
2023-06-14T23:21+0400
2023-06-14T23:47+0400
երասխ
գործարան
ադրբեջան
հայ-ադրբեջանական
սահման
շրջակա միջավայրի նախարարություն
https://cdn.am.sputniknews.ru/img/07e7/06/0e/61113227_0:84:1600:984_1920x0_80_0_0_a80ba91418d32e735b012b0ac243a64c.jpg
ԵՐԵՎԱՆ, 14 հունիսի – Sputnik. Երասխում մետալուրգիական գործարանը կառուցվում է միջազգային բոլոր չափանիշների, պահանջների, փաստաթղթերի համաձայն։ ՀՀ շրջակա միջավայրի նախարարությունը պարզաբանում է տարածել` անդրադառնալով Ադրբեջանի անհիմն մեղադրանքներին, թե Երասխում գործարանի կառուցումը և շահագործումը վնաս է հասցնելու իրենց երկրի շրջակա միջավայրին։Օրեր առաջ Ադրբեջանի բնապահպանության նախարարությունը հայտարարություն էր տարածել` Հայաստանին մեղադրելով բնապահպանական միջազգային չափանիշները խախտելու համար։ Նշվում էր, թե Երասխում մետալուրգիական գործարան է կառուցվում առանց Բաքվի հետ համաձայնեցնելու:ՀՀ շրջակա միջավայրի նախարարությունը նշում է, որ Նախիջևանի տարածքում բնության հատուկ պահպանվող ամենամոտ տարածքն ուղիղ գծով գտնվում է Երասխ գյուղից մոտ 5 կմ հեռավորության վրա։ Նախատեսվող գործունեությունը չի կարող որևէ բացասական ազդեցություն ունենալ նշված տարածքների վրա։Շեշտվում է, որ տարածքի ընտրությունը, կիրառվող արդիական տեխնոլոգիան և նախատեսվող բնապահպանական միջոցառումները նվազագույնի կհասցնեն մարդկանց առողջության և շրջակա միջավայրի վրա բացասական ազդեցությունը։Բացառվում է նաև մթնոլորտային օդի վրա բացասական ազդեցությունը։ Արտանետվող գազերը պարունակում են ածխածնի օքսիդ և երկօքսիդ, ջրածին, թթվածին, ազոտ։Տեղադրվելու է մաքրման երկաստիճան համակարգ, որի արդյունավետությունը կկազմի 99%։Մտահոգված ենք, որ ԱՄՆ դուստր ձեռնարկության աշխատողներ են վիրավորվել. Պետդեպը` Երասխի մասինՈլորտի պատասխանատուները պնդում են, որ ներդրվող համակարգերը կապահովեն մթնոլորտ արտանետվող գազերում վնասակար նյութերի պարունակությունների սահմանային թույլատրելի կոնցենտրացիաներից ցածր մակարդակ։Ջրային ռեսուրսների վրա ևս ազդեցությունը բացառվում է։Ջրապահանջն ապահովվելու է գրունտային ջրերի հաշվին։ Տեխնիկական կարիքների համար ջուրը ծախսվելու է միայն հովացմաննպատակով։Չի լինելու նաև բացասական ազդեցություն կենդանական և բուսական աշխարհների վրա, քանի որ դրանք տարածքում պարզապես բացակայում են։ Որևէ բացասական ազդեցություն չի կարող դիտարկվել նաև հողային ռեսուրսների վրա։Գործարանը նախատեսվում է կառուցել մի տարածքում, որտեղ մնացել են կիսաքանդված շինություններ, պատնեշի մնացորդներ և այլն։ Գործունեության ենթակա տարածքում հողի բերրի շերտ չկա։Թափոնների կառավարումը ևս իրականացվելու է սահմանված օրենսդրական պահանջներին համապատասխան։Երասխում մետալուրգիական գործարանի աշխատակիցների վրա կրակելու դեպքով հարուցվել է քրգործ. ՔԿՄիաժամանակ շեշտվում է, որ սև մետաղների ջարդոնը համարվում է ոչ վտանգավոր թափոն։Ձուլման արդյունքում առաջացող խարամը նախատեսվում է օգտագործել ճանապարհաշինության և այլ նպատակներով՝ կրճատելով թափոնակուտակումը աղբավայրերում։Հիշեցնենք` 2022 թ. տարեվերջին հայտնի դարձավ, որ «Ջի Թի Բի Սթիլ» ՍՊԸ-ն նախատեսում է Արարատի մարզի Երասխ գյուղում կազմակերպել սև մետաղի ջարդոնի վերամշակում։ Ընկերությունը մտադրվել է ստանալ ամրաններ (արմատուրա) և աղացների համար գնդեր։ Ըստ «Հետքի»` ընկերության բաժնեմասում 50 տոկոս մասնակցություն ունի ՀՀ պաշտպանության նախկին նախարար Վազգեն Սարգսյանի եղբոր դուստրը` Նոնո Արմենի Սարգսյանը, նույնքան էլ՝ ԱՄՆ քաղաքացի Բոբբի Սինգհ Կանգը։Տարածքը, որտեղ նախատեսվում է գործունեությունը ծավալել, գտնվում է սահմանագոտում` Նախիջևանի սահմանից մոտ 800 մ հեռավորության վրա։ Այն նախկինում օգտագործվել է որպես պահեստարան։ Զբաղեցնելու է 1,5 հա տարածք։ Գործարանի համար հումք է հանդիսանալու սև մետաղի ջարդոնը, որը հիմնականում գնվելու է ջարդոնների ընդունման կետերից։ Նախատեսվում է տարեկան 12 000 տոննա սև մետաղի ջարդոն վերամշակել։Հունիսի 3–ին ՀՀ էկոնոմիկայի նախարար Վահան Քերոբյանը հայտնեց, որ Երասխում 70 մլն ԱՄՆ դոլար ներդրմամբ հայ-ամերիկյան խոշոր մետալուրգիական գործարան է կառուցվում զրոյից։ Այնտեղ տարեկան թողարկվելու է 180 000 տոննա արտադրանք։Այս պահին, ըստ նախարարի, աշխատում է 200 մարդ, գործարկելուց հետո կաշխատի 1000–ը։
երասխ
ադրբեջան
Sputnik Արմենիա
media@sputniknews.com
+74956456601
MIA „Rossiya Segodnya“
2023
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
երասխ, գործարան, ադրբեջան, հայ-ադրբեջանական, սահման, շրջակա միջավայրի նախարարություն
երասխ, գործարան, ադրբեջան, հայ-ադրբեջանական, սահման, շրջակա միջավայրի նախարարություն
Երասխից որևէ վտանգավոր ազդեցություն չի կարող լինել. ՀՀ ՇՄՆ–ն պատասխանել է Ադրբեջանին
23:21 14.06.2023 (Թարմացված է: 23:47 14.06.2023) Տարածքում չկա կենդանական և բուսական աշխարհ, Նախիջևանի բնության ամենամոտ հուշարձանն ուղիղ գծով 5կմ հեռավորության վրա է, իսկ հնագիտականը` 12 կմ։
ԵՐԵՎԱՆ, 14 հունիսի – Sputnik. Երասխում մետալուրգիական գործարանը կառուցվում է միջազգային բոլոր չափանիշների, պահանջների, փաստաթղթերի համաձայն։ ՀՀ շրջակա միջավայրի նախարարությունը
պարզաբանում է տարածել` անդրադառնալով Ադրբեջանի անհիմն մեղադրանքներին, թե Երասխում գործարանի կառուցումը և շահագործումը վնաս է հասցնելու իրենց երկրի շրջակա միջավայրին։
Օրեր առաջ Ադրբեջանի բնապահպանության նախարարությունը հայտարարություն էր տարածել` Հայաստանին մեղադրելով բնապահպանական միջազգային չափանիշները խախտելու համար։ Նշվում էր, թե Երասխում մետալուրգիական գործարան է կառուցվում առանց Բաքվի հետ համաձայնեցնելու:
ՀՀ շրջակա միջավայրի նախարարությունը նշում է, որ Նախիջևանի տարածքում բնության հատուկ պահպանվող ամենամոտ տարածքն ուղիղ գծով գտնվում է Երասխ գյուղից մոտ 5 կմ հեռավորության վրա։ Նախատեսվող գործունեությունը չի կարող որևէ բացասական ազդեցություն ունենալ նշված տարածքների վրա։
«Նախատեսվող գործունեության ազդեցությունը բացառվում է նաև այս տարածքում առկա հնագիտական, մշակութային կամ պատմական հուշարձանների վրա՝ հաշվի առնելով, որ հնարավոր ամենամոտ գտնվող հուշարձանը ուղիղ գծով գտնվում է մոտ 12 կմ հեռավորության վրա»,– նշված է նախարարության տարածած հաղորդագրության մեջ։
Շեշտվում է, որ տարածքի ընտրությունը, կիրառվող արդիական տեխնոլոգիան և նախատեսվող բնապահպանական միջոցառումները նվազագույնի կհասցնեն մարդկանց առողջության և շրջակա միջավայրի վրա բացասական ազդեցությունը։
Բացառվում է նաև մթնոլորտային օդի վրա բացասական ազդեցությունը։ Արտանետվող գազերը պարունակում են ածխածնի օքսիդ և երկօքսիդ, ջրածին, թթվածին, ազոտ։
Տեղադրվելու է մաքրման երկաստիճան համակարգ, որի արդյունավետությունը կկազմի 99%։
Ոլորտի պատասխանատուները պնդում են, որ ներդրվող համակարգերը կապահովեն մթնոլորտ արտանետվող գազերում վնասակար նյութերի պարունակությունների սահմանային թույլատրելի կոնցենտրացիաներից ցածր մակարդակ։
Ջրային ռեսուրսների վրա ևս ազդեցությունը բացառվում է։
Ջրապահանջն ապահովվելու է գրունտային ջրերի հաշվին։ Տեխնիկական կարիքների համար ջուրը ծախսվելու է միայն հովացմաննպատակով։
«Կենցաղային կեղտաջրերի համար նախատեսվում է արդիական կենսաբանական մաքրման կայան՝ 95-98 % արդյունավետությամբ: Մաքրված ջրերը կարող են արտանետվել տարածքում գտնվող ցամաքուրդային ջրանցքներ և օգտագործվել նաև տարածքի ոռոգման նպատակով։ Սահմանային Արաքս գետը գտնվում է 6 կմ հեռավրության վրա։ Վնասակար ազդեցությունը բացառվում է՝ հաշվի առնելով, որ արտադրական գործընթացները չեն նախատեսում որևէ վնասակար արտանետում ջրային ավազան»,– ասվում է հաղորդագրության մեջ։
Չի լինելու նաև բացասական ազդեցություն կենդանական և բուսական աշխարհների վրա, քանի որ դրանք տարածքում պարզապես բացակայում են։ Որևէ բացասական ազդեցություն չի կարող դիտարկվել նաև հողային ռեսուրսների վրա։
Գործարանը նախատեսվում է կառուցել մի տարածքում, որտեղ մնացել են կիսաքանդված շինություններ, պատնեշի մնացորդներ և այլն։ Գործունեության ենթակա տարածքում հողի բերրի շերտ չկա։
Թափոնների կառավարումը ևս իրականացվելու է սահմանված օրենսդրական պահանջներին համապատասխան։
Միաժամանակ շեշտվում է, որ սև մետաղների ջարդոնը համարվում է ոչ վտանգավոր թափոն։
Ձուլման արդյունքում առաջացող խարամը նախատեսվում է օգտագործել ճանապարհաշինության և այլ նպատակներով՝ կրճատելով թափոնակուտակումը աղբավայրերում։
Հիշեցնենք` 2022 թ. տարեվերջին հայտնի դարձավ, որ «Ջի Թի Բի Սթիլ» ՍՊԸ-ն նախատեսում է Արարատի մարզի Երասխ գյուղում կազմակերպել սև մետաղի ջարդոնի վերամշակում։ Ընկերությունը մտադրվել է ստանալ ամրաններ (արմատուրա) և աղացների համար գնդեր։ Ըստ
«Հետքի»` ընկերության բաժնեմասում 50 տոկոս մասնակցություն ունի ՀՀ պաշտպանության նախկին նախարար Վազգեն Սարգսյանի եղբոր դուստրը` Նոնո Արմենի Սարգսյանը, նույնքան էլ՝ ԱՄՆ քաղաքացի Բոբբի Սինգհ Կանգը։
Տարածքը, որտեղ նախատեսվում է գործունեությունը ծավալել, գտնվում է սահմանագոտում` Նախիջևանի սահմանից մոտ 800 մ հեռավորության վրա։ Այն նախկինում օգտագործվել է որպես պահեստարան։ Զբաղեցնելու է 1,5 հա տարածք։ Գործարանի համար հումք է հանդիսանալու սև մետաղի ջարդոնը, որը հիմնականում գնվելու է ջարդոնների ընդունման կետերից։ Նախատեսվում է տարեկան 12 000 տոննա սև մետաղի ջարդոն վերամշակել։
Հունիսի 3–ին
ՀՀ էկոնոմիկայի նախարար Վահան Քերոբյանը հայտնեց, որ Երասխում 70 մլն ԱՄՆ դոլար ներդրմամբ հայ-ամերիկյան խոշոր մետալուրգիական գործարան է կառուցվում զրոյից։ Այնտեղ տարեկան թողարկվելու է 180 000 տոննա արտադրանք։
Այս պահին, ըստ նախարարի, աշխատում է 200 մարդ, գործարկելուց հետո կաշխատի 1000–ը։
