https://arm.sputniknews.ru/20230609/arajarkvum-e-tskhakhvoti-akcizajin-harky-bardzracnel-10-vovpvoghvosjany-riskeri-masin-60893540.html
Առաջարկվում է ծխախոտի ակցիզային հարկը բարձրացնել 10%-ով․Պողոսյանը՝ ռիսկերի մասին
Առաջարկվում է ծխախոտի ակցիզային հարկը բարձրացնել 10%-ով․Պողոսյանը՝ ռիսկերի մասին
Sputnik Արմենիա
Ծխախոտի գինը շատ բարձրացնելու դեպքում ռիսկ կա, որ ծխողները կանցնեն ավելի ցածրարժեք, անորակ ու անգամ տնայնագործական եղանակով պատրաստվող ծխախոտի օգտագործման։ 09.06.2023, Sputnik Արմենիա
2023-06-09T14:53+0400
2023-06-09T14:53+0400
2023-06-09T14:57+0400
հայաստան
ծխախոտ
ակցիզ
հարկեր
https://cdn.am.sputniknews.ru/img/1258/29/12582938_0:46:3479:2003_1920x0_80_0_0_ee2e8edb08d837cead755d5f1f7d2bff.jpg
ԵՐԵՎԱՆ, 9 հունիսի - Sputnik. Առաջիկա երեք տարիների համար առաջարկվում է ծխախոտի ակցիզային հարկը բարձրացնել 10 տոկոսով։ Այսօր ԱԺ-ում լրագրողների հետ ճեպազրույցում ասաց ֆինանսների փոխնախարար Արման Պողոսյանը՝ անդրադառնալով ԱԺ տնտեսական հարցերի հանձնաժողովի այսօրվա նիստում բարձրացված հարցերին։Նա հիշեցրեց, որ նախորդ տարիներին ծխախոտի ակցիզային հարկը բարձրացվել է 15 տոկոսով։ Փոխնախարարի խոսքով՝ հաշվի է առնվել Հայաստանի հետ համադրելի այլ երկրների փորձը, որոնք որոշակի բարձրացումից հետո դադար են վերցնում։10, ոչ թե 15 տոկոսով ակցիզային հարկը բարձրացնելու որոշման համար հիմք է դարձել նաև այն, որ, որպես կանոն, երբ շատ է բարձրանում ծխախոտի արտադրանքի ակցիզային հարկը, հիմնականում արտադրողներն ու ներմուծողները փորձում են դա տեղափոխել գնի մեջ։ Այսինքն՝ հարկը վճարում են ոչ թե իրենց շահույթների հաշվին, այլ, ինչպես ասում են, թողնում են սպառողի վրա։«Իսկ երբ գինը էականորեն բարձրանում է, շատ սպառողներ, բախվելով իրենց վճարունակության սահմանափակման խնդրին, սկսում են ավելի ցածրարժեք ծխախոտի արտադրանք սպառել, որը, ըստ հետազոտությունների, կարող է ավելի վնասակար լինել առողջության համար: Էլ չեմ ասում, որ տնայնագործական մակարդակում պատրաստված ծխախոտի արտադրանք կարող են սկսել օգտագործել»,- շեշտեց փոխնախարարը։Հունվարի 1-ից Հայաստանում ծխախոտը կվաճառվի սպիտակ տուփերովՆա նշեց, որ ևս մեկ մտահոգող հանգամանք կա։ Երբ բարձրարժեք ծխախոտից անցում է արվում միջին կամ ցածր արժեք ունեցող ծխախոտի արտադրանքի սպառման, կառավարությունը՝ որպես հանրային ֆինանսների կառավարման պատասխանատու, կորցնում է ավելացված արժեքի հարկի որոշակի մաս։Պողոսյանն ընդգծեց, որ այս որոշումը հավասարակշռված տարբերակ է, որին կառավարությունը եկել է տնտեսվարող սուբյեկտների հետ քննարկումների արդյունքում։ Ըստ նրա՝ կարևոր է, որ կառավարության որոշումները հասկանալի ու նաև ընդունելի լինեն գործարարների համար, որովհետև նրանք աշխատատեղեր են բացում, հարկեր են վճարում և այլն։Փոխնախարարը հիշեցրեց, որ այս ոլորտը տարեկան շուրջ 120 մլրդ դրամի հարկ է վճարում, մեր ներքին շուկայի տարեկան տարողությունը շուրջ 5 մլրդ գլանակ է։ Դրա մոտ կեսը տեղում է արտադրվում, մյուս մասը՝ ներմուծվում։
Sputnik Արմենիա
media@sputniknews.com
+74956456601
MIA „Rossiya Segodnya“
2023
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
հայաստան, ծխախոտ, ակցիզ, հարկեր
հայաստան, ծխախոտ, ակցիզ, հարկեր
Առաջարկվում է ծխախոտի ակցիզային հարկը բարձրացնել 10%-ով․Պողոսյանը՝ ռիսկերի մասին
14:53 09.06.2023 (Թարմացված է: 14:57 09.06.2023) Ծխախոտի գինը շատ բարձրացնելու դեպքում ռիսկ կա, որ ծխողները կանցնեն ավելի ցածրարժեք, անորակ ու անգամ տնայնագործական եղանակով պատրաստվող ծխախոտի օգտագործման։
ԵՐԵՎԱՆ, 9 հունիսի - Sputnik. Առաջիկա երեք տարիների համար առաջարկվում է ծխախոտի ակցիզային հարկը բարձրացնել 10 տոկոսով։ Այսօր ԱԺ-ում լրագրողների հետ ճեպազրույցում ասաց ֆինանսների փոխնախարար Արման Պողոսյանը՝ անդրադառնալով ԱԺ տնտեսական հարցերի հանձնաժողովի այսօրվա նիստում բարձրացված հարցերին։
Նա հիշեցրեց, որ նախորդ տարիներին ծխախոտի ակցիզային հարկը բարձրացվել է 15 տոկոսով։ Փոխնախարարի խոսքով՝ հաշվի է առնվել Հայաստանի հետ համադրելի այլ երկրների փորձը, որոնք որոշակի բարձրացումից հետո դադար են վերցնում։
«Մենք առաջարկում ենք յուրաքանչյուր տարի բարձրացնել 10 տոկոսով։ Պատճառներից մեկն էլ այն է, որ ակցիզային հարկի գումարը նաև ավելացված արժեքի հարկի բազայում է հաշվառվում, և սպառման հարկի բարձրացումը գնահատելիս պետք է երկու հարկատեսակները միասին վերցնել»,- նշեց փոխնախարարը։
10, ոչ թե 15 տոկոսով ակցիզային հարկը բարձրացնելու որոշման համար հիմք է դարձել նաև այն, որ, որպես կանոն, երբ շատ է բարձրանում ծխախոտի արտադրանքի ակցիզային հարկը, հիմնականում արտադրողներն ու ներմուծողները փորձում են դա տեղափոխել գնի մեջ։ Այսինքն՝ հարկը վճարում են ոչ թե իրենց շահույթների հաշվին, այլ, ինչպես ասում են, թողնում են սպառողի վրա։
«Իսկ երբ գինը էականորեն բարձրանում է, շատ սպառողներ, բախվելով իրենց վճարունակության սահմանափակման խնդրին, սկսում են ավելի ցածրարժեք ծխախոտի արտադրանք սպառել, որը, ըստ հետազոտությունների, կարող է ավելի վնասակար լինել առողջության համար: Էլ չեմ ասում, որ տնայնագործական մակարդակում պատրաստված ծխախոտի արտադրանք կարող են սկսել օգտագործել»,- շեշտեց փոխնախարարը։
Նա նշեց, որ ևս մեկ մտահոգող հանգամանք կա։ Երբ բարձրարժեք ծխախոտից անցում է արվում միջին կամ ցածր արժեք ունեցող ծխախոտի արտադրանքի սպառման, կառավարությունը՝ որպես հանրային ֆինանսների կառավարման պատասխանատու, կորցնում է ավելացված արժեքի հարկի որոշակի մաս։
Պողոսյանն ընդգծեց, որ այս որոշումը հավասարակշռված տարբերակ է, որին կառավարությունը եկել է տնտեսվարող սուբյեկտների հետ քննարկումների արդյունքում։ Ըստ նրա՝ կարևոր է, որ կառավարության որոշումները հասկանալի ու նաև ընդունելի լինեն գործարարների համար, որովհետև նրանք աշխատատեղեր են բացում, հարկեր են վճարում և այլն։
Փոխնախարարը հիշեցրեց, որ այս ոլորտը տարեկան շուրջ 120 մլրդ դրամի հարկ է վճարում, մեր ներքին շուկայի տարեկան տարողությունը շուրջ 5 մլրդ գլանակ է։ Դրա մոտ կեսը տեղում է արտադրվում, մյուս մասը՝ ներմուծվում։
