https://arm.sputniknews.ru/20230608/mer-shenqery-geraka-shah-chen-tshanachvelu-arcakhi-pvoghvotaji-bnakichnery-pvoghvoc-durs-kgan-60869668.html

Մեր շենքերը գերակա շահ չեն ճանաչվելու. Արցախի պողոտայի բնակիչները փողոց դուրս կգան

Մեր շենքերը գերակա շահ չեն ճանաչվելու. Արցախի պողոտայի բնակիչները փողոց դուրս կգան

Sputnik Արմենիա

Արցախի պողոտայի վթարային շենքերի բնակիչները պատրաստվում են ստորագրահավաք կազմակերպել և Երևանի քաղաքապետարանին ցույց տալ, որ համաձայն չեն բնակարանների գնման... 08.06.2023, Sputnik Արմենիա

2023-06-08T20:05+0400

2023-06-08T20:05+0400

2023-06-08T20:05+0400

երևան

վթարային շենք

տիգրան ավինյան

երևանի քաղաքապետարան

հանրային գերակա շահ

բնակիչ

բողոքի ակցիա

արցախի պողոտա

https://cdn.am.sputniknews.ru/img/07e7/06/08/60864629_0:86:1600:986_1920x0_80_0_0_0ae9055609f69a5a17c1f54162985a44.jpg

ԵՐԵՎԱՆ, 8 հունիսի – Sputnik, Աստղիկ Սուքիասյան. Արցախի պողոտայի 4-րդ նրբանցքի N10 և N10/1 հասցեներում գտնվող վթարային շենքերի բնակիչները Երևանի փոխքաղաքապետ Տիգրան Ավինյանին մեղադրում են անպատասխանատու հայտարարություններ անելու մեջ։Հունիսի 5-ին քաղաքապետարանում գործակարգավարական հերթական նիստի ժամանակ Երևան փոխքաղաքապետ Տիգրան Ավինյանը Երևանի փոխքաղաքապետ Գևորգ Սիմոնյանին խնդրեց նախապատրաստել գերակա շահի մասին որոշման նախագիծ՝ ընդգծելով, որ «ամբողջ շենքի բնակիչները չպետք է պատանդ մնան մեկ-երկու բնակչի ձեռքում»։«Մենք ուղղակի ապշած ենք, թե ինչպես է Տիգրան Ավինյանը հայտարարում, թե շենքում 1-2 հոգի պատանդ են վերցրել մյուս բնակիչներին։ Այդ քաղաքապետարանն է տարիներ շարունակ մեզ բոլորիս պատանդ վերցրել և այս խնդրին արդար լուծում չի տալիս։ Մարդկանց առանձին առանձին մոտենում են, ասում են` բոլորը համաձայն են, դու համաձայն չես»,–ասաց շենքերից մեկի 36 տարվա բնակչուհի Ժաննա Խաչատուրովան։Մյուս բնակիչները ևս միացան տիկնոջ խոսքերին։ Նրանք պնդում են, որ երկու շենքերում ավելի քան 2 տասնյակ ընտանիքներ դեմ են բնակարանի գնման վկայականներ ստանալուն։«Մենք այդ գումարով նույնիսկ խորդանոց չենք կարող գնել։ Եթե այս վթարային շենքից պետք է գնանք մեկ այլ վթարային շենք, իրենք էլ համարեն, որ խնդիրը լուծված է... Այստեղ մնալով` գոնե հույս ունենք, որ արդարություն կհաստատվի։ Մենք մեր բնակարաններին համարժեք բնակարան ենք ուզում. թող տան, ասեն` տեղափոխվեք»,–ասաց բնակչուհիներից Լուսինե Ջանիկյանը։Նրա խոսքով` 2019 թվականին իրենց խաբել են` ասելով, թե Էրեբունիում շենք են կառուցում և իրենց բնակարաններ կհատկացնեն։Չեն կարող մեզ տեղահան անել, որ իրենք շահույթ ստանան. ֆիրդուսցիները կառավարության մոտ են«Շենքը հանձնեցին, իսկ մեզ բնակարաններ այդպես էլ չհատկացրին։ Ասում էին, թե շենքում խնդիրներ կան։ Եթե իսկապես կային, այլ մարդիկ ինչպե՞ս են այնտեղ ապրում»,–ասաց Ջանիկյանը։Բնակիչները կարծում են, որ իրենք խաբված են։ 3 տարի առաջ քաղաքապետարանը նրանց առաջարկել է ժամանակավորապես տեղափոխվել վարձով բնակարաններ այն պայմանով, որ տարվա կտրվածքով 6 ամիս բնակիչները վարձը կվճարեն, մյուս 6 ամիսը` քաղաքապետարանը։Խնդիրն այն է, որ շենքերի բնակիչների մեծ մասն արդեն բնակարաններ ստացել են և տեղափոխվել, սակայն 4-րդ կարգի վթարային երկու շենքերում դեռ բնակիչներ են ապրում։Երևանի քաղաքապետարանը նրանց առաջարկում է բնակարանի գնման վկայականներ 1 ք/կմ-ի համար 402 հազար դրամ սահմանաչափով։«Սա ոչ թե հանրային շահ է, այլ բիզնես». Ֆիրդուսիի բնակիչները ՀՀ կառավարության շենքի մոտ ենԲնակիչները համաձայն չեն բնակարանի գնման վկայականներին, նրանք համարժեք բնակարան են ուզում, ինչպես տարիներ շարունակ իրենց խոստացել են։Նրանք պատրաստվում են ստորագրահավաք կազմակերպել և քաղաքապետարանին ցույց տալ, որ բնակիչներից 1-2–ը չէ, որ համաձայն չեն առաջարկված պայմանների հետ։ Մտադիր են քաղաքապետարանի դիմաց բողոքի ցույցեր սկսել իրենց ձայնը լսելի դարձնելու համար։«Այս շենքերը գերակա շահ չեն ճանաչվելու, մենք դա թույլ չենք տա։ Մենք այս շենքերի բնակիչներ ենք և սեփականության վկայականներ ունենք»,–ասացին բնակիչները։Հիշեցնենք, որ Երևանի փոխքաղաքապետ Տիգրան Ավինյանը հրահանգել էր բնակիչների հետ շատ երկար բանակցություններ չվարել, այլ ընդունել գերակա շահի որոշում ու համապատասխան միջոցներ ձեռնարկել։

երևան

արցախի պողոտա

2023

Լուրեր

am_HY

երևան, վթարային շենք, տիգրան ավինյան, երևանի քաղաքապետարան, հանրային գերակա շահ, բնակիչ, բողոքի ակցիա, արցախի պողոտա