https://arm.sputniknews.ru/20230607/anvtangajin-iravitshak-ev-arka-khndirner-hh-nakhagahn-u-mirzvojany-yndunel-en-mikhajel-rvotin-60802168.html
Անվտանգային իրավիճակ և առկա խնդիրներ. ՀՀ նախագահն ու Միրզոյանը ընդունել են Միխայել Ռոթին
Անվտանգային իրավիճակ և առկա խնդիրներ. ՀՀ նախագահն ու Միրզոյանը ընդունել են Միխայել Ռոթին
Sputnik Արմենիա
Հանդիպումներին ընթացքում ընդգծվել է Լեռնային Ղարաբաղի ժողովրդի իրավունքների և անվտանգության հարցերի հասցեագրման կարևորությունը: 07.06.2023, Sputnik Արմենիա
2023-06-07T20:33+0400
2023-06-07T20:33+0400
2023-06-07T20:34+0400
հայաստան
գերմանիա
վահագն խաչատուրյան
արարատ միրզոյան
https://cdn.am.sputniknews.ru/img/07e7/06/07/60799661_0:89:2000:1214_1920x0_80_0_0_7106ece9af3fb34ddbe004badccb313c.jpg
ԵՐԵՎԱՆ, 7 հունիսի – Sputnik. ՀՀ նախագահ Վահագն Խաչատուրյանը և արտաքին գործերի նախարար Արարատ Միրզոյանը տարածաշրջանում ստեղծված անվտանգային իրավիճակն ու առկա խնդիրները քննարկել են ԳԴՀ Բունդեսթագի արտաքին հարաբերությունների մշտական հանձնաժողովի նախագահ Միխայել Ռոթի հետ:Ինչպես հայտնում է ՀՀ ԱԳՆ մամուլի ծառայությունը, հանդիպմանը նշվել է, որ այդ անվտանգային խնդիրները հետևանք են Լեռնային Ղարաբաղի ժողովրդի և Հայաստանի ինքնիշխան տարածքի նկատմամբ Ադրբեջանի ագրեսիվ քաղաքականության:Հանդիպման ընթացքում անդրադարձ է կատարվել Հայաստանի և Ադրբեջանի միջև հարաբերությունների կարգավորման գործընթացին, այս համատեքստում շահագրգիռ միջազգային գործընկերների կողմից այդ ուղղությամբ իրականացվող ջանքերին: Միրզոյանը ներկայացրել է գործընթացում առանցքային խնդիրների վերաբերյալ հայկական կողմի դիրքորոշումը: Ի թիվս այլ հարցերի, երկարատև կարգավորման համատեքստում երկուստեք ընդգծվել է Լեռնային Ղարաբաղի ժողովրդի իրավունքների և անվտանգության հարցերի հասցեագրման կարևորությունը:ՀՀ նախագահի մամուլի ծառայությունն էլ հայտնում է, որ Վահագն Խաչատուրյանը Ռոթի հետ հանդիպմանը մանրամասներ է ներկայացրել տարածաշրջանային իրողությունների, Հայաստանի անվտանգային խնդիրների և դրանց հաղթահարման հնարավորությունների վերաբերյալ:Խաչատուրյանն ընդգծել է, որ Հայաստանը որդեգրել է տարածաշրջանում կայուն խաղաղության և հարևանների հետ բարիդրացիական հարաբերություններ հաստատելու հստակ դիրքորոշում:Միխայել Ռոթը հավաստիացրել է, որ Գերմանիան լիարժեքորեն աջակցում է Հայաստանի և Հայաստանի կառավարության ջանքերին, որոնք միտված են տարածաշրջանային խնդիրների լուծմանն ու վերջնական խաղաղության հաստատմանը:Հանդիպմանը մտքեր են փոխանակվել հայ-գերմանական բազմաշերտ համագործակցության հետագա ընդլայնման ուղիների վերաբերյալ:Հիշեցնենք` Միխայել Ռոթի գլխավորած պատվիրակությունն այսօր ՀՀ ԱԺ արտաքին հարաբերությունների մշտական հանձնաժողովի նախագահ Սարգիս Խանդանյանի ուղեկցությամբ Ծիծեռնակաբերդի հուշահամալիրում հարգանքի տուրք է մատուցել Հայոց ցեղասպանության զոհերի հիշատակին:
գերմանիա
Sputnik Արմենիա
media@sputniknews.com
+74956456601
MIA „Rosiya Segodnya“
2023
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
հայաստան, գերմանիա, վահագն խաչատուրյան, արարատ միրզոյան
հայաստան, գերմանիա, վահագն խաչատուրյան, արարատ միրզոյան
Անվտանգային իրավիճակ և առկա խնդիրներ. ՀՀ նախագահն ու Միրզոյանը ընդունել են Միխայել Ռոթին
20:33 07.06.2023 (Թարմացված է: 20:34 07.06.2023) Հանդիպումներին ընթացքում ընդգծվել է Լեռնային Ղարաբաղի ժողովրդի իրավունքների և անվտանգության հարցերի հասցեագրման կարևորությունը:
ԵՐԵՎԱՆ, 7 հունիսի – Sputnik. ՀՀ նախագահ Վահագն Խաչատուրյանը և արտաքին գործերի նախարար Արարատ Միրզոյանը տարածաշրջանում ստեղծված անվտանգային իրավիճակն ու առկա խնդիրները քննարկել են ԳԴՀ Բունդեսթագի արտաքին հարաբերությունների մշտական հանձնաժողովի նախագահ Միխայել Ռոթի հետ:
Ինչպես հայտնում է
ՀՀ ԱԳՆ մամուլի ծառայությունը, հանդիպմանը նշվել է, որ այդ անվտանգային խնդիրները հետևանք են Լեռնային Ղարաբաղի ժողովրդի և Հայաստանի ինքնիշխան տարածքի նկատմամբ Ադրբեջանի ագրեսիվ քաղաքականության:
«Ընդգծելով դրանց հանգուցալուծման հարցում հայկական կողմի հանձնառությունը՝ Միրզոյանը շեշտել է այդ մոտեցումն Ադրբեջանի կողմից փոխադարձելու և հանձնառությունները կատարելու հրամայականը»,– ասել է Միրզոյանը:
Հանդիպման ընթացքում անդրադարձ է կատարվել Հայաստանի և Ադրբեջանի միջև հարաբերությունների կարգավորման գործընթացին, այս համատեքստում շահագրգիռ միջազգային գործընկերների կողմից այդ ուղղությամբ իրականացվող ջանքերին: Միրզոյանը ներկայացրել է գործընթացում առանցքային խնդիրների վերաբերյալ հայկական կողմի դիրքորոշումը: Ի թիվս այլ հարցերի, երկարատև կարգավորման համատեքստում երկուստեք ընդգծվել է Լեռնային Ղարաբաղի ժողովրդի իրավունքների և անվտանգության հարցերի հասցեագրման կարևորությունը:
ՀՀ նախագահի մամուլի ծառայությունն էլ հայտնում է, որ Վահագն Խաչատուրյանը Ռոթի հետ հանդիպմանը մանրամասներ է ներկայացրել տարածաշրջանային իրողությունների, Հայաստանի անվտանգային խնդիրների և դրանց հաղթահարման հնարավորությունների վերաբերյալ:
Խաչատուրյանն ընդգծել է, որ Հայաստանը որդեգրել է տարածաշրջանում կայուն խաղաղության և հարևանների հետ բարիդրացիական հարաբերություններ հաստատելու հստակ դիրքորոշում:
Միխայել Ռոթը հավաստիացրել է, որ Գերմանիան լիարժեքորեն աջակցում է Հայաստանի և Հայաստանի կառավարության ջանքերին, որոնք միտված են տարածաշրջանային խնդիրների լուծմանն ու վերջնական խաղաղության հաստատմանը:
Հանդիպմանը մտքեր են փոխանակվել հայ-գերմանական բազմաշերտ համագործակցության հետագա ընդլայնման ուղիների վերաբերյալ:
Հիշեցնենք` Միխայել Ռոթի գլխավորած պատվիրակությունն այսօր ՀՀ ԱԺ արտաքին հարաբերությունների մշտական հանձնաժողովի նախագահ Սարգիս Խանդանյանի ուղեկցությամբ
Ծիծեռնակաբերդի հուշահամալիրում հարգանքի տուրք է մատուցել Հայոց ցեղասպանության զոհերի հիշատակին:
