Տոյվո Կլաարը Փաշինյանի և Միրզոյանի հետ խոսել է Բրյուսելի և Քիշնևի հանդիպումներից
16:46 06.06.2023 (Թարմացված է: 17:26 06.06.2023)
© Photo : official site of MFA of RA Տոյվո Կլաար
![Տոյվո Կլաար Տոյվո Կլաար - Sputnik Արմենիա, 1920, 06.06.2023](https://cdn.am.sputniknews.ru/img/07e7/06/06/60718389_0:0:1600:901_1920x0_80_0_0_10261d3d977ad3d1869a1443d38c8cb8.jpg)
© Photo : official site of MFA of RA
Բաժանորդագրվել
Քննարկվել են միջազգայնորեն երաշխավորված երկխոսության մեխանիզմի ներքո Լեռնային Ղարաբաղի ժողովրդի իրավունքների և անվտանգության խնդիրների հասցեագրմանը վերաբերող հարցեր։
ԵՐԵՎԱՆ, 6 հունիսի – Sputnik. ՀՀ վարչապետ Նիկոլ Փաշինյանն ու Հարավային Կովկասի ու Վրաստանի ճգնաժամի հարցերով ԵՄ հատուկ ներկայացուցիչ Տոյվո Կլաարը քննարկել են Բրյուսելում և Քիշնևում տեղի ունեցած եռակողմ ու հնգակողմ հանդիպումների ժամանակ ձեռք բերված պայմանավորվածությունների կատարման ընթացքը։ Տեղեկությունը հայտնում է վարչապետի մամուլի ծառայությունը։
© Photo : official site of the Prime Minister of RAՀՀ վարչապետ Նիկոլ Փաշինյանն ու Հարավային Կովկասի ու Վրաստանի ճգնաժամի հարցերով ԵՄ հատուկ ներկայացուցիչ Տոյվո Կլաարը
![Премьер-министр Никол Пашинян принял специального представителя ЕС по Южному Кавказу и кризису в Грузии Тойво Клаара (6 июня 2023). Еревaн Премьер-министр Никол Пашинян принял специального представителя ЕС по Южному Кавказу и кризису в Грузии Тойво Клаара (6 июня 2023). Еревaн - Sputnik Արմենիա, 1920, 06.06.2023](https://cdn.am.sputniknews.ru/img/07e7/06/06/60717418_0:0:1600:1066_1920x0_80_0_0_33e7bfce86ccfde3d41463043fae32d0.jpg)
ՀՀ վարչապետ Նիկոլ Փաշինյանն ու Հարավային Կովկասի ու Վրաստանի ճգնաժամի հարցերով ԵՄ հատուկ ներկայացուցիչ Տոյվո Կլաարը
Հանդիպմանը մասնակցել է նաև Հայաստանում ԵՄ պատվիրակության ղեկավար, դեսպան Անդրեա Վիկտորինը:
Նշվում է, որ վարչապետը կարևորել է տարբեր ձևաչափերով հանդիպումների արդյունքում ձեռք բերված պայմանավորվածությունների հետևողական իրականացումը:
«Անդրադարձ է կատարվել Հայաստանի և Ադրբեջանի միջև հարաբերությունների կարգավորման գործընթացին, Ադրբեջանի կողմից Լաչինի միջանցքի ապօրինի շրջափակման հետևանքով Լեռնային Ղարաբաղում ստեղծված հումանիտար ճգնաժամին, միջազգայնորեն երաշխավորված երկխոսության մեխանիզմի ներքո Լեռնային Ղարաբաղի ժողովրդի իրավունքների և անվտանգության խնդիրների հասցեագրմանը վերաբերող հարցերի»,– նշված է հաղորդագրության մեջ։
Նշենք, որ Հարավային Կովկասի և Վրաստանում ճգնաժամի հարցերով ԵՄ հատուկ ներկայացուցիչ Տոյվո Կլաարին այսօր ընդունել է նաև ՀՀ ԱԳ նախարար Արարատ Միրզոյանը։ Այս հանդիպման առանցքում ևս տարածաշրջանային անվտանգությանն ու կայունությանը վերաբերող հարցեր են եղել։ Կարևորվել է Հայաստանի և Ադրբեջանի միջև հարաբերությունների կարգավորման գործընթացի շարունակումն առանց ռազմատենչ հռետորաբանության և ուժի կիրառման սպառնալիքից զերծ միջավայրում։
© Photo : official site of MFA of RA Հարավային Կովկասի և Վրաստանում ճգնաժամի հարցերով ԵՄ հատուկ ներկայացուցիչ Տոյվո Կլաարի հանդիպումը ՀՀ ԱԳ նախարար Արարատ Միրզոյանի հետ
![Министр иностранных дел Арарат Мирзоян принял специального представителя ЕС по Южному Кавказу и кризису в Грузии Тойво Клаара (6 июня 2023). Еревaн Министр иностранных дел Арарат Мирзоян принял специального представителя ЕС по Южному Кавказу и кризису в Грузии Тойво Клаара (6 июня 2023). Еревaн - Sputnik Արմենիա, 1920, 06.06.2023](https://cdn.am.sputniknews.ru/img/07e7/06/06/60718367_0:0:1600:1066_1920x0_80_0_0_f0c84d13a2a38e88f755b0ebfb26ffc2.jpg)
Հարավային Կովկասի և Վրաստանում ճգնաժամի հարցերով ԵՄ հատուկ ներկայացուցիչ Տոյվո Կլաարի հանդիպումը ՀՀ ԱԳ նախարար Արարատ Միրզոյանի հետ
© Photo : official site of MFA of RA
Ինչպես արդեն հայտել ենք, Հարավային Կովկասի և Վրաստանում ճգնաժամի հարցերով ԵՄ հատուկ ներկայացուցիչն այսօր հանդիպել է նաև ՀՀ փոխվարչապետ Մհեր Գրիգորյանի հետ։
Նշենք, որ Կլաարը հունիսի 5-ին Twitter–ի իր էջում հայտնել էր, որ Երևան է գալիս` ԵՄ - ի բարձր մակարդակով բանակցությունները շարունակելու համար։ Սա արդեն Տոյվո Կլաարի` այս տարի Հայաստան կատարած 4–րդ այցն է։ Նա Հայաստանում է եղել նաև մարտին, փետրվարին և հունվարին։