https://arm.sputniknews.ru/20230529/telegramvov-tmrashrjanarutjany-verabervogh-qreakan-varujtum-250-andz-e-nergravvats-ghazarjan-60340378.html
Telegram–ով թմրաշրջանառությանը վերաբերող քրեական վարույթում 250 անձ է ներգրավված. Ղազարյան
Telegram–ով թմրաշրջանառությանը վերաբերող քրեական վարույթում 250 անձ է ներգրավված. Ղազարյան
Sputnik Արմենիա
Համացանցով թմրամիջոցների առևտրի հետ կապված բացահայտումները բարդ են, քանի որ դժվար է նույնականացնել հանցագործներին։ 29.05.2023, Sputnik Արմենիա
2023-05-29T16:44+0400
2023-05-29T16:44+0400
2023-05-29T16:48+0400
հայաստան
կոկաին
վահե ղազարյան
https://cdn.am.sputniknews.ru/img/07e7/05/1d/60332972_0:70:1600:971_1920x0_80_0_0_b23fefaa3f1c5b719e909171b6428b33.jpg
ԵՐԵՎԱՆ, 29 մայիսի – Sputnik. Ապօրինի թմրաշրջանառության բացահայտման հետ կապված դրական ցուցանիշներ կան, ինչը և՛ գոհացնող է, և՛ մտահոգիչ։ Այսօր Ազգային ժողովում պաշտպանության և անվտանգության հարցերի ու ֆինանսավարկային և բյուջետային հարցերի մշտական հանձնաժողովների համատեղ նիստում այս հայտարարությունն արեց ՀՀ ներքին գործերի նախարար Վահե Ղազարյանը։Ինչ վերաբերում է Հայաստան մտած 1 տոննա կոկաինի խմբաքանակին, Ղազարյանը նշեց` նախաքննությունից ելնելով` շատ բան չի ցանկանում հայտնել։Նա հիշեցրեց, որ 2021 թվականին Քրեական ոստիկանության գլխավոր վարչությունում բացվել է համացանցի միջոցով թմրամիջոցների ապօրինի շրջանառության դեմ պայքարի բաժին, և ընդգծեց` առանձնահատուկ բարդ է տելեգրամյան ալիքների միջոցով թմրամիջոցների վաճառքի հետ կապված հետաքննությունները։ Այստեղ դժվարություններ են առաջանում հանցագործներին նույնականացնելու հարցում։Նախարարը հավելեց, որ ՀՀ քննչական կոմիտեում հենց այս պահին այդպիսի քրեական վարույթ կա նախաձեռնված, որի ուղղությամբ իրավապահները լուրջ աշխատանք են կատարում, ընդհանուր առմամբ 250 մարդ է ներգրավված։Նա խոստացավ, որ շուտով դրական արդյունքների մասին կլսենք։Ավելի վաղ հայտնել էինք, որ Իտալիայի մաքսային ոստիկանությունը երկրի հարավում գտնվող Ջոյա Տաուրո նավահանգստում 2 տոննա 734 կգ բարձր մաքրության կոկաին է հայտնաբերել։ Թմրանյութը գտնվել է երկու կոնտեյներների մեջ, այն թաքցրել են 78 տոննա բանանի խմբաքանակում: Բեռը Էկվադորի Գուայակիլ նավահանգստից Հայաստան պետք է տեղափոխվեր վրացական Բաթումի նավահանգստով։ Դրանից հետո Հայաստանի ԱԱԾ–ն հայտնեց, որ Էկվադորից Հայաստան է ներմուծվել շուրջ մեկ տոննա կոկաին (մոտ 250 միլիոն եվրո արժողության):
Sputnik Արմենիա
media@sputniknews.com
+74956456601
MIA „Rosiya Segodnya“
2023
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
հայաստան, կոկաին, վահե ղազարյան
հայաստան, կոկաին, վահե ղազարյան
Telegram–ով թմրաշրջանառությանը վերաբերող քրեական վարույթում 250 անձ է ներգրավված. Ղազարյան
16:44 29.05.2023 (Թարմացված է: 16:48 29.05.2023) Համացանցով թմրամիջոցների առևտրի հետ կապված բացահայտումները բարդ են, քանի որ դժվար է նույնականացնել հանցագործներին։
ԵՐԵՎԱՆ, 29 մայիսի – Sputnik. Ապօրինի թմրաշրջանառության բացահայտման հետ կապված դրական ցուցանիշներ կան, ինչը և՛ գոհացնող է, և՛ մտահոգիչ։ Այսօր Ազգային ժողովում պաշտպանության և անվտանգության հարցերի ու ֆինանսավարկային և բյուջետային հարցերի մշտական հանձնաժողովների համատեղ նիստում այս հայտարարությունն արեց ՀՀ ներքին գործերի նախարար Վահե Ղազարյանը։
«Ցուցանիշները մտահոգիչ են, որովհետև թմրամիջոցները շատ են, դրա համար էլ այսօր հայտնաբերման թիվը մեծ է. մեկը մյուսին շաղկապված գործընթաց է»,– ասաց նա։
Ինչ վերաբերում է Հայաստան մտած 1 տոննա կոկաինի խմբաքանակին, Ղազարյանը նշեց` նախաքննությունից ելնելով` շատ բան չի ցանկանում հայտնել։
Նա հիշեցրեց, որ 2021 թվականին Քրեական ոստիկանության գլխավոր վարչությունում բացվել է համացանցի միջոցով թմրամիջոցների ապօրինի շրջանառության դեմ պայքարի բաժին, և ընդգծեց` առանձնահատուկ բարդ է տելեգրամյան ալիքների միջոցով թմրամիջոցների վաճառքի հետ կապված հետաքննությունները։ Այստեղ դժվարություններ են առաջանում հանցագործներին նույնականացնելու հարցում։
Նախարարը հավելեց, որ ՀՀ քննչական կոմիտեում հենց այս պահին այդպիսի քրեական վարույթ կա նախաձեռնված, որի ուղղությամբ իրավապահները լուրջ աշխատանք են կատարում, ընդհանուր առմամբ 250 մարդ է ներգրավված։
Նա խոստացավ, որ շուտով դրական արդյունքների մասին կլսենք։
Ավելի վաղ
հայտնել էինք, որ Իտալիայի մաքսային ոստիկանությունը երկրի հարավում գտնվող Ջոյա Տաուրո նավահանգստում 2 տոննա 734 կգ բարձր մաքրության կոկաին է հայտնաբերել։ Թմրանյութը գտնվել է երկու կոնտեյներների մեջ, այն թաքցրել են 78 տոննա բանանի խմբաքանակում: Բեռը Էկվադորի Գուայակիլ նավահանգստից Հայաստան պետք է տեղափոխվեր վրացական Բաթումի նավահանգստով։ Դրանից հետո
Հայաստանի ԱԱԾ–ն հայտնեց, որ Էկվադորից Հայաստան է ներմուծվել շուրջ մեկ տոննա կոկաին (մոտ 250 միլիոն եվրո արժողության):
