https://arm.sputniknews.ru/20230529/inchpes-e-hajtnabervel-1-tvonna-kvokainy-mihran-pvoghvosjany-tesanjut-e-hraparakel-60356982.html
Ինչպե՞ս է հայտնաբերվել 1 տոննա կոկաինը. Միհրան Պողոսյանը տեսանյութ է հրապարակել
Ինչպե՞ս է հայտնաբերվել 1 տոննա կոկաինը. Միհրան Պողոսյանը տեսանյութ է հրապարակել
Sputnik Արմենիա
Կադրերում երևում է նաև այս պահին կալանքի տակ գտնվող պահեստապետ Սամվել Գալստյանը։ 29.05.2023, Sputnik Արմենիա
2023-05-29T21:15+0400
2023-05-29T21:15+0400
2023-05-29T22:20+0400
միհրան պողոսյան
կոկաին
թմրամիջոցներ
բանան
հհ ազգային անվտանգության ծառայություն. աած
https://cdn.am.sputniknews.ru/img/1250/90/12509050_0:0:1601:901_1920x0_80_0_0_83e6094582acb13f13a9e9dcb0a4655d.jpg
ԵՐԵՎԱՆ, 29 մայիսի – Sputnik. ՀՀ ԱԺ նախկին պատգամավոր, ԴԱՀԿ նախկին ղեկավար Միհրան Պողոսյանն ընդհատակից տեսանյութ է հրապարակել, որում երևում է, թե ինչպես է «Մրգենի» ՍՊԸ աշխատակիցը բանանի արկղի մեջ պատահաբար կոկաին հայտնաբերում։ Տեսանյութը հրապարակել է news.am–ը։Նշենք, որ ավելի վաղ Միհրան Պողոսյանը հայտարարել էր, որ իր պահեստում առկա թմրանյութի մասին անձամբ է հայտնել ՀՀ ԱԱԾ տնօրենին, և որ լուրն իր համար շոկային է եղել: Մայիսի 27–ին Պողոսյանն ընդհատակից տեսաուղերձ էր հղել, որում անդրադառնում էր իր կողմից «Մրգենի» կազմակերպության միջոցով Հայաստան ներմուծված բանանի խմբաքանակում 1 տոննա կոկաին հայտնաբերելուն։ Նա նշել էր, որ այն ամենն, ինչ ասել է ինքը տեսաուղերձում, իրավապահ մարմինները կարող են համարել որպես հաղորդում և օգտագործել բացված քրեական գործում։Տեսանյութն ուղեկցվում է մեկնաբանություններով, որոնցով ներկայացվում է, թե ինչ է կատարվում տեսանյութում։Կադրերում աշխատակիցները դատարկում են կոնտեյներն ու բանանի արկղերը պահեստ տեղափոխում։ Այդ ժամանակ աշխատակիցներից մեկը բանանի մի քանի արկղերում տարօրինակ զանգված է նկատում. դրանք առանձնացնում են, մի կողմ տանում։ Կանչում են պահեստապետին` Սամվել Գալստյանին, որն այս պահին կալանավորված է։Պահեստապետը մոտենում է, շոշափում զանգվածը, բացում արկղն ու լուսանկարում հեռախոսով։ Դրանից հետո այլ աշխատակիցներ էլ են մոտենում, տարակուսած նայում հայտնաբերված զանգվածին։ Սամվել Գալստյանը հեռախոսազանգեր է անում, աշխատակիցները շարունակում են իրենց աշխատանքն ու դատարկում են կոնտեյները։Հիշեցնենք` Իտալիայի մաքսային ոստիկանությունը երկրի հարավում գտնվող Ջոյա Տաուրո նավահանգստում 2 տոննա 734 կգ բարձր մաքրության կոկաին էր հայտնաբերել։ Թմրանյութը գտնվել է երկու կոնտեյներների մեջ, այն թաքցրել են 78 տոննա բանանի խմբաքանակում: Բեռը Էկվադորի Գուայակիլ նավահանգստից Հայաստան պետք է տեղափոխվեր վրացական Բաթումի նավահանգստով։ Դրանից հետո Հայաստանի ԱԱԾ–ն հայտնեց, որ Էկվադորից Հայաստան է ներմուծվել շուրջ մեկ տոննա կոկաին (մոտ 250 միլիոն եվրո արժողության):Մայիսի 24-ին ՀՀ վարչապետ Նիկոլ Փաշինյանն ԱԺ–ում հայտարարեց, թե Հայաստան ներմուծված 1 տոննա կոկաինի հասցեատերը բանանի ներկրմամբ զբաղվող հայտնի ընկերություն է, որի սեփականատերը ԱԺ նախկին պատգամավոր է և այժմ գտնվում է հետախուզման մեջ (նկատի ուներ ՀՀԿ–ական նախկին պատգամավոր, ԴԱՀԿ նախկին պետ Միհրան Պողոսյանին,–խմբ.)։ Վերջինս իր հերթին հայտարարություն տարածեց՝ նշելով` ինքն է ԱԱԾ տնօրենին տեղեկացրել, որ կոնտեյների մեջ բանանի փոխարեն կոկաին է եղել։
Sputnik Արմենիա
media@sputniknews.com
+74956456601
MIA „Rossiya Segodnya“
2023
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
միհրան պողոսյան, կոկաին, թմրամիջոցներ, բանան, հհ ազգային անվտանգության ծառայություն. աած
միհրան պողոսյան, կոկաին, թմրամիջոցներ, բանան, հհ ազգային անվտանգության ծառայություն. աած
Ինչպե՞ս է հայտնաբերվել 1 տոննա կոկաինը. Միհրան Պողոսյանը տեսանյութ է հրապարակել
21:15 29.05.2023 (Թարմացված է: 22:20 29.05.2023) Կադրերում երևում է նաև այս պահին կալանքի տակ գտնվող պահեստապետ Սամվել Գալստյանը։
ԵՐԵՎԱՆ, 29 մայիսի – Sputnik. ՀՀ ԱԺ նախկին պատգամավոր, ԴԱՀԿ նախկին ղեկավար Միհրան Պողոսյանն ընդհատակից տեսանյութ է հրապարակել, որում երևում է, թե ինչպես է «Մրգենի» ՍՊԸ աշխատակիցը բանանի արկղի մեջ պատահաբար կոկաին հայտնաբերում։ Տեսանյութը հրապարակել է
news.am–ը։
Նշենք, որ ավելի վաղ
Միհրան Պողոսյանը հայտարարել էր, որ իր պահեստում առկա թմրանյութի մասին անձամբ է հայտնել ՀՀ ԱԱԾ տնօրենին, և որ լուրն իր համար շոկային է եղել: Մայիսի 27–ին Պողոսյանն
ընդհատակից տեսաուղերձ էր հղել, որում անդրադառնում էր իր կողմից «Մրգենի» կազմակերպության միջոցով Հայաստան ներմուծված բանանի խմբաքանակում 1 տոննա կոկաին հայտնաբերելուն։ Նա նշել էր, որ այն ամենն, ինչ ասել է ինքը տեսաուղերձում, իրավապահ մարմինները կարող են համարել որպես հաղորդում և օգտագործել բացված քրեական գործում։
Տեսանյութն ուղեկցվում է մեկնաբանություններով, որոնցով ներկայացվում է, թե ինչ է կատարվում տեսանյութում։
Կադրերում աշխատակիցները դատարկում են կոնտեյներն ու բանանի արկղերը պահեստ տեղափոխում։ Այդ ժամանակ աշխատակիցներից մեկը բանանի մի քանի արկղերում տարօրինակ զանգված է նկատում. դրանք առանձնացնում են, մի կողմ տանում։ Կանչում են պահեստապետին` Սամվել Գալստյանին, որն այս պահին կալանավորված է։
Պահեստապետը մոտենում է, շոշափում զանգվածը, բացում արկղն ու լուսանկարում հեռախոսով։ Դրանից հետո այլ աշխատակիցներ էլ են մոտենում, տարակուսած նայում հայտնաբերված զանգվածին։ Սամվել Գալստյանը հեռախոսազանգեր է անում, աշխատակիցները շարունակում են իրենց աշխատանքն ու դատարկում են կոնտեյները։
Հիշեցնենք` Իտալիայի մաքսային ոստիկանությունը երկրի հարավում գտնվող Ջոյա Տաուրո նավահանգստում
2 տոննա 734 կգ բարձր մաքրության կոկաին էր հայտնաբերել։ Թմրանյութը գտնվել է երկու կոնտեյներների մեջ, այն թաքցրել են 78 տոննա բանանի խմբաքանակում: Բեռը Էկվադորի Գուայակիլ նավահանգստից Հայաստան պետք է տեղափոխվեր վրացական Բաթումի նավահանգստով։ Դրանից հետո
Հայաստանի ԱԱԾ–ն հայտնեց, որ Էկվադորից Հայաստան է ներմուծվել շուրջ մեկ տոննա կոկաին (մոտ 250 միլիոն եվրո արժողության):
Մայիսի 24-ին ՀՀ վարչապետ
Նիկոլ Փաշինյանն ԱԺ–ում հայտարարեց, թե Հայաստան ներմուծված 1 տոննա կոկաինի հասցեատերը բանանի ներկրմամբ զբաղվող հայտնի ընկերություն է, որի սեփականատերը ԱԺ նախկին պատգամավոր է և այժմ գտնվում է հետախուզման մեջ (նկատի ուներ ՀՀԿ–ական նախկին պատգամավոր, ԴԱՀԿ նախկին պետ Միհրան Պողոսյանին,–խմբ.)։ Վերջինս իր հերթին
հայտարարություն տարածեց՝ նշելով` ինքն է ԱԱԾ տնօրենին տեղեկացրել, որ կոնտեյների մեջ բանանի փոխարեն կոկաին է եղել։
