Էրդողանն իր ընտրատեղամասի մոտ խաղալիքներ և գումար է բաժանել
19:29 28.05.2023 (Թարմացված է: 19:33 28.05.2023)
Ռեջեփ Թայիփ Էրդողանը. Արխիվային լուսանկար
© Sputnik / Павел Бедняков
Բաժանորդագրվել
Գրանցվել են նաև դիտորդների վրա հարձակումների դեպքեր, ընտրացուցակներում նաև տարիներ առաջ մահացած մարդկանց տվյալներ են հայտնվել։
ԵՐԵՎԱՆ, 28 մայիսի – Sputnik. Թուրքիայի գործող նախագահ Ռեջեփ Թայիփ Էրդողանն իր ընտրատեղամասի մոտ խաղալիքներ և գումար է բաժանել։ Տեղեկությունը հայտնում է Ալ Ջազիրա հեռուստաալիքը:
Հեռուստաալիքը հրապարակել է քեմալիստ ակտիվիստ Բուրչու Ուղուրի թվիթը։ Նա տեսանյութ է հրապարակել, որում Էրդողանը Ստամբուլի Սկյուտարի շրջանի դպրոցներից մեկում քվեարկում է։
«Էրդողանը խաղալիքներ և փող է բաժանում, այդ թվում՝ երեխաներին»,– տեսանյութի նկարագրությունում գրել է Ուղուրը:
Görevli olduğumuz bölgelerden Akçakale Yazlıca kırsal mahallesindeyiz. Burda toplu oy kullanımını engellerken hem biz hem de sandık görevlilerimiz saldırıya uğradık, tehdit ve hakaretlere maruz kaldık.
— Ronayi PAYDAŞ (@ronayipaydas) May 28, 2023
Şu an can güvenliğimiz olmadığı için, suç duyurusu ve şikayet için köyden… pic.twitter.com/3bzZ63WsK8
Պարբերականը նշում է, որ դիտորդների վրա հարձակումների մի քանի դեպքեր են գրանցվել։ Իր հերթին թուրքական BirGun թերթը գրել է ընտրողներից մեկի բողոքի մասին։ Նա հայտարարել է, որ 8 տարի առաջ մահացած իր մայրը հայտնվել է Ստամբուլի թաղամասերից մեկի ընտրացուցակներում։
Խախտումներ են գրանցվել նաև երկրի հարավում՝ երկրաշարժից տուժած շրջաններում։ Սիրիայի հետ սահմանից ոչ հեռու գտնվող Յազլիջա գյուղում դիտորդների վրա հարձակման դեպք է գրանցվել այն բանից հետո, երբ նրանք փորձել են կանխել քվեախցիկներում կուտակումները:
Նշենք, որ այսօր Թուրքիայում կայացավ նախագահական ընտրությունների 2–րդ փուկը։
Նախագահական ընտրությունների առաջին փուլում Էրդողանը ստացել էր քվեների 49,52%–ը, նրա մրցակիցը` ընդդիմադիր Քըլըչդարօղլուն` 44,88%։
Նախագահական ընտրությունների առաջին փուլում Էրդողանը ստացել էր քվեների 49,52%–ը, նրա մրցակիցը` ընդդիմադիր Քըլըչդարօղլուն` 44,88%։
