https://arm.sputniknews.ru/20230525/tankarzheq-meqenaner-ofshvorajin-gvortsarqner-surik-khachatrjani-meghadranqy-lracvel-e-60147865.html

Թանկարժեք մեքենաներ, օֆշորային գործարքներ. Սուրիկ Խաչատրյանի մեղադրանքը լրացվել է

Թանկարժեք մեքենաներ, օֆշորային գործարքներ. Սուրիկ Խաչատրյանի մեղադրանքը լրացվել է

Sputnik Արմենիա

Դատախազությունը ներկայացրել է, թե ինչ գործարքներ է կատարել Սուրիկ Խաչատրյանը, ինչ գույք է ձեռք բերել ու հաշվառել իր հետ փոխկապակցված անձանց անուններով։ 25.05.2023, Sputnik Արմենիա

2023-05-25T19:00+0400

2023-05-25T19:00+0400

2023-05-25T19:08+0400

հայաստան

պաշտոնյա

մեղադրանք

սուրիկ խաչատրյան

հհ դատախազություն

https://cdn.am.sputniknews.ru/img/33/86/338641_0:0:1024:577_1920x0_80_0_0_5a6622a8b04e65867bb072db5636603d.jpg

ԵՐԵՎԱՆ, 25 մայիսի – Sputnik. Սյունիքի նախկին մարզպետ Սուրիկ Խաչատրյանի նկատմամբ փողերի լվացման հանցանքի կատարումը վկայող փաստերի հիման հարուցել է նոր հանրային քրեական հետապնդում։ Տեղեկությունը հայտնում է ՀՀ դատախազությունը։Ըստ հաղորդագրության` Սյունիքի մարզպետի պաշտոնը զբաղեցնելու տարիներին (2004-2003 և 2014-2016 թվականներ) նա հակառակ արգելքին մասնակցել է լեռնարդյունաբերության բնագավառում ձեռնարկատիրական գործունեություն իրականացնող «Լեռ-ԷՔՍ» ՍՊ ընկերության կառավարմանը։ Այդ գործունեությունից օրինականացրել է հանցավոր ճանապարհով ստացված 16 մլրդ 805 մլն 587 հազար դրամը:Ես Ֆրանսիայից քաղաքական ապաստան չեմ խնդրել. Սուրիկ Խաչատրյան«Ստացված գումարը Ս.Խ.–ն միախառնել է իր այլ եկամուտների հետ ու տարատեսակ քաղաքացիաիրավական գործարքների, այդ թվում՝ տարբեր գույքեր ձեռք բերելու, իր և մերձավորների անվամբ հաշվառված տարբեր ընկերություններում ներդրումներ կատարելու եղանակներով, դրանց հաղորդել է օրինական տեսք»,–նշում է դատախազությունը։Գերատեսչությունը ներկայացրել է նաև, թե 2012 թվականից ի վեր ինչ գործարքներ է կատարել Սուրիկ Խաչատրյանը, ինչ գույք է ձեռք բերել ու հաշվառել իր հետ փոխկապակցված անձանց անուններով։Ըստ այդմ` 2012 թվականի սեպտեմբերի 12-ին և 13-ին նա մոտ 10 մլրդ դրամ է փոխանցել օֆշորում գործող ընկերությանը։ Օգոստոսի 22-ին 16 մլն դրամ է փոխանցել ջրային և ամենագնաց մոտոցիկլետներ ձեռք բերելու համար։ Նոյեմբերի 29-ին մոտ 22 մլն դրամ փոխանցում է կատարել 2 ավտոմեքենա ձեռք բերելու նպատակով։ Նույն ժամանակահատվածում մոտ 2,5 մլրդ դրամի ավանդներ է ներդրել երկու բանկում։Նույն թվականի դեկտեմբերի 19-ին և 27-ին իր հաշվեհամարից մոտ 92 մլն դրամի փոխանցումներ է կատարել ավտոմեքենա ձեռք բերելու նպատակով։Հաջորդ տարի` 2013 թվականի մայիսի 15-ին և 21-ին, մոտ 1,6 մլն ԱՄՆ դոլար է փոխանցել Ռուսաստանի Դաշնությունում անշարժ գույք ձեռք բերելու նպատակով։ Մոտ 146 մլն դրամի ներդրում է կատարել իր և այլ անձի անվամբ ձեռք բերված ընկերության կանոնադրական կապիտալում։2014 թվականի ապրիլի 25-ին Խաչատրյանը մոտ 54 մլն դրամով ձեռք է բերել նույն թվականի արտադրության ավտոմեքենա։ Իսկ հուլիսի 14-ին ներդրման պայմանագրերի հիման վրա 10 մլրդ դրամի ներդրում է կատարել իր կողմից ստեղծված մեկ այլ իրավաբանական անձի կանոնադրական կապիտալում։ Դեկտեմբերի 1-ին կատարել է մոտ 75 մլն դրամի ներդրում։2015 թվականի ընթացքում նրա կողմից ներդրվել է մոտ 950 մլն դրամի ավանդ և այլն:Այսպիսով` Սուրիկ Խաչատրյանին 2021 թվականին առաջադրված մեղադրանքը լրացվել է: Նրան վերագրվում են հանցանքների կատարում՝ նախատեսված 18.04.2003 թվականին ընդունված Քրեական օրենսգրքի 190-րդ հոդվածի 3-րդ մասի 1-ին կետով (hանցավոր ճանապարհով ստացված գույքն օրինականացնելը (փողերի լվացում)), 309-րդ հոդվածի 1-ին մասով (պաշտոնեական լիազորություններն անցնելը), 05.05.2021 թվականին ընդունված Քրեական օրենսգրքի 46-256-րդ հոդվածի 3-րդ մասի 1-ին կետով (վստահված գույքը հափշտակելուն դրդելը) և 46-445-րդ հոդվածի 1-ին մասով (պաշտոնեական կեղծիք կատարելուն դրդելը) (2 դրվագ):Հիշեցնենք, որ Սյունիքի նախկին մարզպետի նկատմամբ 2021 թվականի ապրիլի 8-ին մեղադրանք էր առաջադրվել այն բանի համար, որ նա Նորավան համայնքի ղեկավարին դրդել է կատարել առանձնապես խոշոր չափերի՝ 5 մլն 132 հազար 891 դրամ արժողությամբ գույքի վատնում, ինչպես նաև երկու այլ դեպքերով դրդել էր պաշտոնատար անձանց կատարել պաշտոնեական կեղծիքներ, ինչի հետևանքով էական վնաս է պատճառվել պետության օրինական շահերին:

2023

Լուրեր

am_HY

հայաստան, պաշտոնյա, մեղադրանք, սուրիկ խաչատրյան, հհ դատախազություն