Զելենսկու խաղաղության ծրագիրը խաղաղության մասին չէ. Մեդվեդչուկ
Ուկրաինացի ընդդիմադիր քաղաքական գործիչ Վիկտոր Մեդվեդչուկը. Արխիվային լուսանկար
© Sputnik / Стрингер
/ Բաժանորդագրվել
Զելենսկին 2022 թվականի նոյեմբերին հայտարարել էր, որ Կիևը «խաղաղության հասնելու իր ծրագիրն ունի», որը բաղկացած է 10 կետից։
ԵՐԵՎԱՆ, 24 մայիսի - Sputnik. Ուկրաինայի նախագահ Վլադիմիր Զելենսկու հայտարարած խաղաղության ծրագիրը Ուկրաինայում հակամարտության կարգավորման ծրագիրը չէ։ Այս մասին հայտարարել է ուկրաինացի ընդդիմադիր քաղաքական գործիչ Վիկտոր Մեդվեդչուկը:
«Զելենսկու` լայնորեն հայտարարված խաղաղության ծրագիրը, որով նա գովազդային նպատակներով ճանապարհորդում է ամբողջ աշխարհում, առհասարակ ծրագիր չէ, դա պարզապես Զելենսկու և նրա շրջապատի չափազանց հավակնոտ ցանկությունների ցուցակն է»,- գրել է Մեդվեդչուկը «Որիշ Ուկրաինա» Telegram-ալիքի մեկնաբանությունում:
Նրա խոսքով` ծրագրով առաջարկված ձևակերպումները հանգում են երեք դրույթների, որոնք վերաբերում են Ուկրաինայի տարածքից ՌԴ զորքերի դուրսբերմանը, Ռուսաստանին պատժելուն և դրա հիման վրա նոր աշխարհակարգի և անվտանգության համակարգի կառուցմանը:
«Ինչպես տեսնում ենք` այդ պլանի առանցքային կետերն են Ռուսաստանին պատժելը, թուլացնելը և ռազմական պարտության հասցնելը։ Բայց եթե խոսքը կողմերից մեկի պարտության մասին է, ապա դա չի կարելի խաղաղությանծրագիր անվանել»,-ընդգծել է Մեդվեդչուկը։
«Ինչպես տեսնում ենք` այդ պլանի առանցքային կետերն են Ռուսաստանին պատժելը, թուլացնելը և ռազմական պարտության հասցնելը։ Բայց եթե խոսքը կողմերից մեկի պարտության մասին է, ապա դա չի կարելի խաղաղությանծրագիր անվանել»,-ընդգծել է Մեդվեդչուկը։
Նրա խոսքով` այս ծրագրի հետևում «Զելենսկին չի կանգնած, ինչով էլ, ըստ էության, բացատրվում է նման լայն աջակցությունը»։ Ուկրաինացի քաղաքական գործիչը նաև ուշադրություն է հրավիրել այն փաստին, որ Զելենսկին չի հիշատակել հակամարտության պատճառները, որոնք վերաբերում են «ՆԱՏՕ-ի Ուկրաինա մտնելուն, ինչը սպառնալիք էր Ռուսաստանի համար», «նեոնացիզմի և իրավական անօրինության» քաղաքականությանը, որը, Մեդվեդչուկի խոսքով, պետական էր դարձել, ինչպես նաև «ռուսալեզու բնակչության հալածումը, այլախոհության ոչնչացումը, քաղաքական ընդդիմության և Ռուսաստանի հետ բարիդրացիական և բարեկամական հարաբերությունների տրամադրված քաղաքացիների մաքրումը»:
Զելենսկին 2022 թվականի նոյեմբերին հայտարարել էր, որ Կիևը «խաղաղության հասնելու իր ծրագիրն ունի», որը բաղկացած է 10 կետից։ Դրանց թվում են միջուկային, պարենային և էներգետիկ անվտանգության ապահովումը, «բոլորը բոլորի դիմաց» բանաձևով «պահվող անձանց» փոխանակումը, Ուկրաինայի տարածքային ամբողջականության վերականգնումը։
Ուկրաինայի նախագահըկրկին հիշեցրել էր, որ Կիևը պնդում է, որ իրեն անվտանգության միջազգային երաշխիքներ տրամադրեն և համապատասխան փաստաթղթի նախագիծ է մշակել։ Նա հավելել էր, որ Կիևը ցանկանում է հասնել միջազգային մեխանիզմի ստեղծման` ռուսական ակտիվների հաշվին երկրին ռազմական գործողությունների պատճառով հասցված վնասները փոխհատուցելու համար:
Ավելի վաղ Կրեմլում հայտարարել էին, որ Ուկրաինայում իրավիճակը խաղաղ հուն տեղափոխելու նախադրյալներ հիմա չկան, Ռուսաստանի համար բացարձակ առաջնահերթությունը հատուկ գործողության նպատակներին հասնելն է, այս պահին դա հնարավոր է միայն ռազմական ճանապարհով: ՌԴ-ն բարձր է գնահատում բոլոր երկրների ջանքերը, որոնք փորձում են խաղաղ հուն մտցնել Ուկրաինայի հակամարտության լուծումը, սակայն դա առայժմ անհնար է։ Կրեմլից հայտարարել են, որ Ուկրաինայում իրավիճակը կարող է խաղաղ հունի մեջ մտնել` դե ֆակտո իրավիճակը և նոր իրողությունները հաշվի առնելու պայմանով, Մոսկվայի բոլոր պահանջները շատ լավ հայտնի են:
