https://arm.sputniknews.ru/20230523/eph-n-ev-eatm-chvors-buher-pastatught-kstvoragren-eritasardakan-hamazhvoghvovi-shrjanakum-60018241.html
ԵՊՀ-ն և ԵԱՏՄ չորս բուհեր փաստաթուղթ կստորագրեն Երիտասարդական համաժողովի շրջանակում
ԵՊՀ-ն և ԵԱՏՄ չորս բուհեր փաստաթուղթ կստորագրեն Երիտասարդական համաժողովի շրջանակում
Sputnik Արմենիա
Հայաստանը համաժողովում շուրջ 15 պատվիրակ կունենա։ 23.05.2023, Sputnik Արմենիա
2023-05-23T17:38+0400
2023-05-23T17:38+0400
2023-05-23T17:39+0400
հայաստան
եվրասիական տնտեսական միություն (եատմ)
երևանի պետական համալսարան (եպհ)
երիտասարդ
համաժողով
https://cdn.am.sputniknews.ru/img/2318/00/23180053_0:0:1600:901_1920x0_80_0_0_f0f84ea380dbb975731ea55682ad1809.jpg
ԵՐԵՎԱՆ, 23 մայիսի – Sputnik. ԵԱՏՄ անդամ երկրների հինգ բուհերի ներկայացուցիչներ, որոնց թվում է նաև Երևանի պետական համալսարանը, մագիստրոսական ցանցային ծրագիր կստորագրեն ԱՊՀ և ԵԱՏՄ երիտասարդական IIհամաժողովի շրջանակում: Տեղեկությունը հայտնեց ԵՏՀ արարողակարգի վարչության տնօրեն, ԵՏՀ երիտասարդական խորհրդի նախագահ Դանիյար Տուրուսբեկովը` պատասխանելով Sputnik Արմենիայի հարցին։Մոսկվա–Բիշքեկ–Աստանա–Մինսկ–Երևան տեսակամուրջի ընթացքում Տուրուսբեկովը նշեց, որ բացի երևանյան բուհից, ծրագրի տակ կստորագրեն նաև Բելառուսի պետական համալսարանը, Ղազախստանի Գումիլյովի անվան համալսարանը, Ղրղզստանի ԱԳՆ դիվանագիտական ակադեմիան և Մոսկվայի միջազգային հարաբերությունների պետական ինստիտուտը:Նա հիշեցրեց, որ նախորդ տարի ԵԱՏՄ ցանցային համալսարան ստեղծելու պայմանավորվածություն է ձեռք բերվել։ Դրա շրջանակում նախատեսվում է ԵԱՏՄ առաջատար բուհերի միջև կրթական ծրագրեր իրականացնել: Ավելին` ԵՏՀ-ն հատուկ ձեռնարկ է հրատարակել առաջատար բուհերի ուսանողների համար։Տուրուսբեկովի խոսքով՝ այս տարի Երիտասարդական համաժողովի ձևաչափը եզակի է լինելու՝ առանց միջնորդների շփում կառավարությունների ղեկավարների հետ: Նախորդ տարի հանդիպումը տեղի է ունեցել կառավարությունների ղեկավարների տեղակալների մակարդակով։Երիտասարդության հարցերով դաշնային գործակալության ղեկավարի տեղակալ Դենիս Ամիրովն իր հերթին նշեց, որ համաժողովին կմասնակցի 150 մարդ, որոնցից 50-ը ՌԴ ներկայացուցիչներ են, մնացածը՝ ԱՊՀ մյուս երկրների: Հայկական պատվիրակության 15–հոգանոց կազմում ընդգրկված են լինելու ոչ միայն երիտասարդ ձեռներեցներ, այլև պետական ծառայողներ և ուսանողներ։Տեսակամուրջի մասնակիցների խոսքով՝ ԵԱՏՄ-ում երիտասարդական ձեռներեցության զարգացմանը խանգարում է ֆինանսական ենթակառուցվածքների անբավարար զարգացումը և համատեղ նախագծերի աջակցության պակասը: Այժմ ԵԱՏՄ անդամ պետությունների համատեղ ձեռնարկությունների ստեղծման նոր գործիքներ են մշակվում։Բարձրագույն խորհրդի նիստում նախատեսվում է հաստատել համատեղ կոոպերացիոն նախագծերի ֆինանսավորման մեխանիզմը, որը կիրառվելու է միության շրջանակում հակադեմպինգային և հատուկ տուրքերի միջոցների 10 տոկոսի հաշվին (տարեկան 190-230 մլն դոլար):Երիտասարդական համաժողովի պես հարթակները նպաստում են, որ երիտասարդները միանան Եվրասիական տնտեսական ինտեգրման գործընթացներին, իրենց համար արդիական թեմաներ նախաձեռնեն ԵԱՏՄ օրակարգում ընդգրկվելու համար:ԱՊՀ-ի և ԵԱՏՄ-ի երիտասարդական II համաժողովը տեղի կունենա Սոչիում հունիսի 7-9-ը ԵԱՏՄ-ում Ռուսաստանի նախագահության առաջնահերթությունների և առանցքային միջոցառումների շրջանակում:Երիտասարդական համաժողովին կմասնակցեն գործարարներ, պետծառայողներ, ուսանողներ և բուհական համայնքի ներկայացուցիչներ ԱՊՀ և ԵԱՏՄ երկրներից: Համաժողովի առանցքային առաքելությունը երիտասարդական ձեռներեցության զարգացման համար կոնկրետ լուծումների ձևավորումն է, ԵԱՏՄ հետագա զարգացման վերաբերյալ առաջարկությունների մշակումը:Պուտինը մայիսի 24-25-ը հանդիպումներ կունենա ԵԱՏՄ երկրների ղեկավարների հետ
Sputnik Արմենիա
media@sputniknews.com
+74956456601
MIA „Rosiya Segodnya“
2023
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
հայաստան, եվրասիական տնտեսական միություն (եատմ), երևանի պետական համալսարան (եպհ), երիտասարդ, համաժողով
հայաստան, եվրասիական տնտեսական միություն (եատմ), երևանի պետական համալսարան (եպհ), երիտասարդ, համաժողով
ԵՊՀ-ն և ԵԱՏՄ չորս բուհեր փաստաթուղթ կստորագրեն Երիտասարդական համաժողովի շրջանակում
17:38 23.05.2023 (Թարմացված է: 17:39 23.05.2023) Հայաստանը համաժողովում շուրջ 15 պատվիրակ կունենա։
ԵՐԵՎԱՆ, 23 մայիսի – Sputnik. ԵԱՏՄ անդամ երկրների հինգ բուհերի ներկայացուցիչներ, որոնց թվում է նաև Երևանի պետական համալսարանը, մագիստրոսական ցանցային ծրագիր կստորագրեն ԱՊՀ և ԵԱՏՄ երիտասարդական IIհամաժողովի շրջանակում: Տեղեկությունը հայտնեց ԵՏՀ արարողակարգի վարչության տնօրեն, ԵՏՀ երիտասարդական խորհրդի նախագահ Դանիյար Տուրուսբեկովը` պատասխանելով
Sputnik Արմենիայի հարցին։
Մոսկվա–Բիշքեկ–Աստանա–Մինսկ–Երևան տեսակամուրջի ընթացքում Տուրուսբեկովը նշեց, որ բացի երևանյան բուհից, ծրագրի տակ կստորագրեն նաև Բելառուսի պետական համալսարանը, Ղազախստանի Գումիլյովի անվան համալսարանը, Ղրղզստանի ԱԳՆ դիվանագիտական ակադեմիան և Մոսկվայի միջազգային հարաբերությունների պետական ինստիտուտը:
Նա հիշեցրեց, որ նախորդ տարի ԵԱՏՄ ցանցային համալսարան ստեղծելու պայմանավորվածություն է ձեռք բերվել։ Դրա շրջանակում նախատեսվում է ԵԱՏՄ առաջատար բուհերի միջև կրթական ծրագրեր իրականացնել: Ավելին` ԵՏՀ-ն հատուկ ձեռնարկ է հրատարակել առաջատար բուհերի ուսանողների համար։
Տուրուսբեկովի խոսքով՝ այս տարի Երիտասարդական համաժողովի ձևաչափը եզակի է լինելու՝ առանց միջնորդների շփում կառավարությունների ղեկավարների հետ: Նախորդ տարի հանդիպումը տեղի է ունեցել կառավարությունների ղեկավարների տեղակալների մակարդակով։
«Կառավարությունների ղեկավարները կմասնակցեն նախաճաշի, որի ընթացքում երիտասարդները կկարողանան ուղիղ խոսել նրանց հետ, ներկայացնել իրենց նախաձեռնությունները», - ասաց նա:
Երիտասարդության հարցերով դաշնային գործակալության ղեկավարի տեղակալ Դենիս Ամիրովն իր հերթին նշեց, որ համաժողովին կմասնակցի 150 մարդ, որոնցից 50-ը ՌԴ ներկայացուցիչներ են, մնացածը՝ ԱՊՀ մյուս երկրների: Հայկական պատվիրակության 15–հոգանոց կազմում ընդգրկված են լինելու ոչ միայն երիտասարդ ձեռներեցներ, այլև պետական ծառայողներ և ուսանողներ։
Ըստ Ամիրովի` համաժողովում լայնորեն կներկայացվեն ամենատարբեր ոլորտները, հատկապես տեխնոլոգիական ձեռներեցությունը և սոցիալական կրթության ոլորտը:
Տեսակամուրջի մասնակիցների խոսքով՝ ԵԱՏՄ-ում երիտասարդական ձեռներեցության զարգացմանը խանգարում է ֆինանսական ենթակառուցվածքների անբավարար զարգացումը և համատեղ նախագծերի աջակցության պակասը: Այժմ ԵԱՏՄ անդամ պետությունների համատեղ ձեռնարկությունների ստեղծման նոր գործիքներ են մշակվում։
Բարձրագույն խորհրդի նիստում նախատեսվում է հաստատել համատեղ կոոպերացիոն նախագծերի ֆինանսավորման մեխանիզմը, որը կիրառվելու է միության շրջանակում հակադեմպինգային և հատուկ տուրքերի միջոցների 10 տոկոսի հաշվին (տարեկան 190-230 մլն դոլար):
Երիտասարդական համաժողովի պես հարթակները նպաստում են, որ երիտասարդները միանան Եվրասիական տնտեսական ինտեգրման գործընթացներին, իրենց համար արդիական թեմաներ նախաձեռնեն ԵԱՏՄ օրակարգում ընդգրկվելու համար:
ԱՊՀ-ի և ԵԱՏՄ-ի երիտասարդական II համաժողովը տեղի կունենա Սոչիում հունիսի 7-9-ը ԵԱՏՄ-ում Ռուսաստանի նախագահության առաջնահերթությունների և առանցքային միջոցառումների շրջանակում:
Երիտասարդական համաժողովին կմասնակցեն գործարարներ, պետծառայողներ, ուսանողներ և բուհական համայնքի ներկայացուցիչներ ԱՊՀ և ԵԱՏՄ երկրներից: Համաժողովի առանցքային առաքելությունը երիտասարդական ձեռներեցության զարգացման համար կոնկրետ լուծումների ձևավորումն է, ԵԱՏՄ հետագա զարգացման վերաբերյալ առաջարկությունների մշակումը:
