https://arm.sputniknews.ru/20230520/datakhazutjuny-karvogh-e-merzhel-gajane-hakvobjanin-kalanavvorelu-datarani-vorvoshumy-iravaban-59912229.html
Դատախազությունը կարող է մերժել Գայանե Հակոբյանին կալանավորելու որոշումը. իրավաբան
Դատախազությունը կարող է մերժել Գայանե Հակոբյանին կալանավորելու որոշումը. իրավաբան
Sputnik Արմենիա
Արամ Վարդևանյանի խոսքով` ՀՀ քրեական դատավարության օրենսգրքով դատախազությունն օժտված է ցանկացած պահի կալանավորումը վերացնելու լիազորությամբ։ 20.05.2023, Sputnik Արմենիա
2023-05-20T20:54+0400
2023-05-20T20:54+0400
2023-05-22T12:11+0400
հայաստան
գայանե հակոբյան
արամ վարդևանյան
հհ դատախազություն
https://cdn.am.sputniknews.ru/img/07e5/08/03/28530299_0:0:1600:901_1920x0_80_0_0_1efecfca761e20aabbc3ad4ed0994c57.jpg
ԵՐԵՎԱՆ, 20 մայիսի – Sputnik. Հայաստանի դատախազությունը կարող է մերժել ՀՀ վարչապետ զոհված զինծառայողի մորը՝ Գայանե Հակոբյանին կալանավորելու մասին դատարանի որոշումը։ Այս մասին Sputnik Արմենիայի հետ զրույցում ասաց իրավաբան Արամ Վարդևանյանը։Գայանե Հակոբյանը մեղադրվում է ՀՀ վարչապետ Նիկոլ Փաշինյանի որդուն` Աշոտ Փաշինյանին առևանգելու մեջ։ Դատավոր Ժորա Չիչոյանի որոշմամբ` նա այսօր մեկ ամսով կալանավորվեց։Նրա խոսքով` դատախազի այս լիազորությունը նախատեսված է հենց նման դեպքերի համար։Իրավաբանն ընդգծեց` եթե կա հաղորդում հանցագործության մասին, ապա պետք է գործ հարուցել և քննություն անցկացնել, սակայն կալանավորումը բացառիկ միջոց է, հատկապես այն պայմաններում, երբ Քրեական նոր օրենսգիրքը ոչ միայն բազմաթիվ այլընտրանքային միջոցներ է նախատեսում, այլև թույլ է տալիս միանգամից մի քանիսը կիրառել:«Կալանքը պետք է կիրառվի ոչ թե վերացական ռիսկերի, այլ կոնկրետ փաստական տվյալների դեպքում։ Եթե կոնկրետ տվյալ կա, որ մարդը կարող է խոչընդոտել, կարող է խուսափել քննություններից կամ կարող է վկաների վրա ճնշումներ գործադրել»,– նշեց իրավաբանը:Վարդևանյանը հավելեց, որ դատախազությունը կարող է նաև հետ վերցնել Հակոբյանին կալանավորելու միջնորդությունը: Միևնույն ժամանակ փաստաբանը կարծում է, որ կալանավորման մասին դատարանի որոշման բողոքարկումը կարող է տևել 20-30 օր:Հիշեցնենք` վարչապետի ընտանիքին պատկանող «Հայկական ժամանակը» մայիսի 17-ին տեղեկություն տարածեց, թե «Որդիների կանչ» ՀԿ–ի անդամները փորձել են առևանգել վարչապետի որդուն։ Ըստ թերթի` զոհված զինծառայողների ծնողները ստիպել են Աշոտ Փաշինյանին նստել իրենց մեքենան, սակայն նրան հաջողվել է դուրս նետվել մի պահ կանգ առած մեքենայից, ինչի հետևանքով նրան վրաերթի է ենթարկել նույն կազմակերպության անդամների հետևից ընթացող մեքենան: Ավելի ուշ հայտնի դարձավ, որ Աշոտ Փաշինյանի կողմից ՀՀ ոստիկանությունում ներկայացված հաղորդումը փոխանցվել է ՀՀ քննչական կոմիտե, քրեական գործ է հարուցվել մարդուն առևանգելու հոդվածով, ձերբակալվել է մեկ անձ` Գայանե Հակոբյանը։Մայիսի 18-ին Երևանի Շենգավիթ վարչական շրջանի քննչական վարչությունում Աշոտ Փաշինյանի և Գայանե Հակոբյանի միջև առերեսում է եղել։Նույն օրը հայտնի դարձավ, որ զոհված զինծառայողի մայրը հացադուլ է հայտարարել։
Sputnik Արմենիա
media@sputniknews.com
+74956456601
MIA „Rossiya Segodnya“
2023
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
հայաստան, գայանե հակոբյան, արամ վարդևանյան, հհ դատախազություն
հայաստան, գայանե հակոբյան, արամ վարդևանյան, հհ դատախազություն
Դատախազությունը կարող է մերժել Գայանե Հակոբյանին կալանավորելու որոշումը. իրավաբան
20:54 20.05.2023 (Թարմացված է: 12:11 22.05.2023) Արամ Վարդևանյանի խոսքով` ՀՀ քրեական դատավարության օրենսգրքով դատախազությունն օժտված է ցանկացած պահի կալանավորումը վերացնելու լիազորությամբ։
ԵՐԵՎԱՆ, 20 մայիսի – Sputnik. Հայաստանի դատախազությունը կարող է մերժել ՀՀ վարչապետ զոհված զինծառայողի մորը՝ Գայանե Հակոբյանին կալանավորելու մասին դատարանի որոշումը։ Այս մասին
Sputnik Արմենիայի հետ զրույցում ասաց իրավաբան Արամ Վարդևանյանը։
Գայանե Հակոբյանը մեղադրվում է ՀՀ վարչապետ Նիկոլ Փաշինյանի որդուն` Աշոտ Փաշինյանին առևանգելու մեջ։ Դատավոր Ժորա Չիչոյանի որոշմամբ`
նա այսօր մեկ ամսով կալանավորվեց։
«Քրեական դատավարության օրենսգիրքը հստակ նախատեսում է, որ դատախազությունը կարող է կալանավորումը վերացնել՝ անկախ այն հանգամանքից, որ դատարանը բավարարել է կալանավորման միջնորդությունը։ Այս միջոցի կիրառման համար որևէ սահմանափակում կամ սահմանափակող պայման չկա, պարզապես դատախազի հայեցողական լիազորությունն է»,- ասաց Վարդևանյանը։
Նրա խոսքով` դատախազի այս լիազորությունը նախատեսված է հենց նման դեպքերի համար։
Իրավաբանն ընդգծեց` եթե կա հաղորդում հանցագործության մասին, ապա պետք է գործ հարուցել և քննություն անցկացնել, սակայն կալանավորումը բացառիկ միջոց է, հատկապես այն պայմաններում, երբ Քրեական նոր օրենսգիրքը ոչ միայն բազմաթիվ այլընտրանքային միջոցներ է նախատեսում, այլև թույլ է տալիս միանգամից մի քանիսը կիրառել:
«Կալանքը պետք է կիրառվի ոչ թե վերացական ռիսկերի, այլ կոնկրետ փաստական տվյալների դեպքում։ Եթե կոնկրետ տվյալ կա, որ մարդը կարող է խոչընդոտել, կարող է խուսափել քննություններից կամ կարող է վկաների վրա ճնշումներ գործադրել»,– նշեց իրավաբանը:
Վարդևանյանը հավելեց, որ դատախազությունը կարող է նաև հետ վերցնել Հակոբյանին կալանավորելու միջնորդությունը: Միևնույն ժամանակ փաստաբանը կարծում է, որ կալանավորման մասին դատարանի որոշման բողոքարկումը կարող է տևել 20-30 օր:
Հիշեցնենք` վարչապետի ընտանիքին պատկանող «Հայկական ժամանակը» մայիսի 17-ին տեղեկություն
տարածեց, թե «Որդիների կանչ» ՀԿ–ի անդամները փորձել են առևանգել վարչապետի որդուն։ Ըստ թերթի` զոհված զինծառայողների ծնողները ստիպել են Աշոտ Փաշինյանին նստել իրենց մեքենան, սակայն նրան հաջողվել է դուրս նետվել մի պահ կանգ առած մեքենայից, ինչի հետևանքով նրան վրաերթի է ենթարկել նույն կազմակերպության անդամների հետևից ընթացող մեքենան: Ավելի ուշ հայտնի դարձավ, որ Աշոտ Փաշինյանի կողմից ՀՀ ոստիկանությունում ներկայացված հաղորդումը փոխանցվել է ՀՀ քննչական կոմիտե,
քրեական գործ է հարուցվել մարդուն առևանգելու հոդվածով, ձերբակալվել է մեկ անձ` Գայանե Հակոբյանը։
Մայիսի 18-ին Երևանի Շենգավիթ վարչական շրջանի քննչական վարչությունում Աշոտ Փաշինյանի և Գայանե Հակոբյանի միջև
առերեսում է եղել։
Նույն օրը
հայտնի դարձավ, որ զոհված զինծառայողի մայրը հացադուլ է հայտարարել։
