https://arm.sputniknews.ru/20230517/ashvot-pashinjani-arevangman-pvordzi-gvortsvov-dzerbakalvel-e-mek-andz-qkn-manramasner-e-hajtnum-59766851.html
Աշոտ Փաշինյանի առևանգման փորձի գործով ձերբակալվել է մեկ անձ. ՔԿ–ն մանրամասներ է հայտնում
Աշոտ Փաշինյանի առևանգման փորձի գործով ձերբակալվել է մեկ անձ. ՔԿ–ն մանրամասներ է հայտնում
Sputnik Արմենիա
Ձեռնարկվել են անհետաձգելի գործողություններ՝ դեպքի հանգամանքները պարզելու, ներգրավված անձանց արարքներին իրավական գնահատական տալու նպատակով։ 17.05.2023, Sputnik Արմենիա
2023-05-17T21:39+0400
2023-05-17T21:39+0400
2023-05-17T21:48+0400
հհ քննչական կոմիտե
աշոտ փաշինյան
https://cdn.am.sputniknews.ru/img/07e5/04/18/27301812_0:0:1600:901_1920x0_80_0_0_3cef6109c7392379849684787162d2b1.jpg
ԵՐԵՎԱՆ, 17 մայիսի – Sputnik. Աշոտ Փաշինյանի ստացած վնասվածքի առնչությամբ նշանակվել է դատաբժշկական փորձաքննություն։ Տեղեկությունը հայտնում է ՀՀ քննչական կոմիտեն և մանրամասներ ներկայացնում Նիկոլ Փաշինյանի որդուն` Աշոտ Փաշինյանի`ոստիկանություն ներկայացրած հաղորդումից։Նշենք, որ այսօր տեղեկություններ տարածվեցին, թե «Որդիների կանչով» ՀԿ անդամ, զոհվածների մի քանի ծնողներ փորձել են առևանգել Նիկոլ Փաշինյանի որդուն` Աշոտ Փաշինյանին, սակայն վերջինիս հաջողվել է փախչել։Ըստ հաղորդման` մի կին մոտեցել է, ներկայացել որպես զոհված զինծառայողի մայր, առաջարկել է նստել մոտակայքում կայանված իր ավտոմեքենան` հանգիստ զրուցելու համար: Երբ նստել է, կինն անսպասելի վարել է՝ ասելով, թե փոքր-ինչ հեռու կգնան, որ իրենց չխանգարեն։«Ավտոմեքենայում նշված կինը սկսել է խոսել 2020թ․պատերազմից, տարածքային ու մարդկային կորուստներից։ Տեսնելով, որ վերջինս դրսևորում է ոչ ադեկվատ վարքագիծ, երթևեկում է արագությունը գերազանցելով՝ երթևեկության կանոնների խախտմամբ, պահանջել կանգնեցնել ավտոմեքենան, որպեսզի ինքն իջնի: Նշված կինն ասել է, որ իր տղային առանց իրեն հարցնելու տարել և սպանել են, ինքը կորցնելու ոչինչ չունի, կարող է նրան սպանել, ուստի առանց հարցնելու իրեն տանում է Եռաբլուր, որտեղ, իր էմոցիաներից ելնելով կորոշի՝ ազատ թողնել, թե ոչ»,– նշված է հաղորդագրության մեջ։Հաղորդման առթիվ ՀՀ քրեական օրենսգրքի 191-րդ հոդվածի (Մարդուն առևանգելը) 2-րդ մասի 1-ին կետի հատկանիշներով նախաձեռնվել է քրեական վարույթ։ՔԿ-ից հայտնում են, որ կինը ձերբակալվել է։Ձեռնարկվել են անհետաձգելի վարութային և ապացուցողական գործողություններ։ Միջոցներ են ձեռնարկվել տեսագրող սարքերի տեսագրություններն առգրավելու ուղղությամբ։Նախաքննությունը շարունակվում է։Նշենք, որ Sputnik Արմենիայի հետ զրույցում ՀԿ նախագահ Վահիդ Սահակյանը հերքել էր այս տեղեկատվությունը` նշելով, որ միջադեպ եղել է, բայց առևանգման փորձ` ոչ, և սա ապատեղեկատվություն է։44-օրյա պատերազմում զոհված Մխիթար Գալեյանի հայրը՝ Գարիկ Գալեյանը, նույնպես հերքել է այն տեղեկությունը, որ ինքը «Որդիների կանչ» հասարակական կազմակերպության այլ անդամների հետ փորձել է առևանգել ՀՀ վարչապետ Նիկոլ Փաշինյանի որդուն։
Sputnik Արմենիա
media@sputniknews.com
+74956456601
MIA „Rossiya Segodnya“
2023
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
հհ քննչական կոմիտե, աշոտ փաշինյան
հհ քննչական կոմիտե, աշոտ փաշինյան
Աշոտ Փաշինյանի առևանգման փորձի գործով ձերբակալվել է մեկ անձ. ՔԿ–ն մանրամասներ է հայտնում
21:39 17.05.2023 (Թարմացված է: 21:48 17.05.2023) Ձեռնարկվել են անհետաձգելի գործողություններ՝ դեպքի հանգամանքները պարզելու, ներգրավված անձանց արարքներին իրավական գնահատական տալու նպատակով։
ԵՐԵՎԱՆ, 17 մայիսի – Sputnik. Աշոտ Փաշինյանի ստացած վնասվածքի առնչությամբ նշանակվել է դատաբժշկական փորձաքննություն։ Տեղեկությունը
հայտնում է ՀՀ քննչական կոմիտեն և մանրամասներ ներկայացնում Նիկոլ Փաշինյանի որդուն` Աշոտ Փաշինյանի`ոստիկանություն ներկայացրած հաղորդումից։
Նշենք, որ այսօր տեղեկություններ տարածվեցին, թե «Որդիների կանչով» ՀԿ անդամ, զոհվածների մի քանի ծնողներ փորձել են առևանգել Նիկոլ Փաշինյանի որդուն` Աշոտ Փաշինյանին, սակայն վերջինիս հաջողվել է փախչել։
Ըստ ՔԿ հաղորդագրության` այսօր Աշոտ Փաշինյանը ժամը 12:47-ի սահմաններում Երևանի Գ.Նժդեհի փողոցում գտնվող ՀՀ վերաքննիչ դատարանի մոտով քայլելիս դատարանի բակում տեսել է հավաքված զոհված զինծառայողների ծնողների։ Նրանք արագ քայլելով մոտեցել են իրեն, ձայն տվել, ոմանք նաև «ռեպլիկներ» են հնչեցնել:
Ըստ հաղորդման` մի կին մոտեցել է, ներկայացել որպես զոհված զինծառայողի մայր, առաջարկել է նստել մոտակայքում կայանված իր ավտոմեքենան` հանգիստ զրուցելու համար: Երբ նստել է, կինն անսպասելի վարել է՝ ասելով, թե փոքր-ինչ հեռու կգնան, որ իրենց չխանգարեն։
«Ավտոմեքենայում նշված կինը սկսել է խոսել 2020թ․պատերազմից, տարածքային ու մարդկային կորուստներից։ Տեսնելով, որ վերջինս դրսևորում է ոչ ադեկվատ վարքագիծ, երթևեկում է արագությունը գերազանցելով՝ երթևեկության կանոնների խախտմամբ, պահանջել կանգնեցնել ավտոմեքենան, որպեսզի ինքն իջնի: Նշված կինն ասել է, որ իր տղային առանց իրեն հարցնելու տարել և սպանել են, ինքը կորցնելու ոչինչ չունի, կարող է նրան սպանել, ուստի առանց հարցնելու իրեն տանում է Եռաբլուր, որտեղ, իր էմոցիաներից ելնելով կորոշի՝ ազատ թողնել, թե ոչ»,– նշված է հաղորդագրության մեջ։
«Ծերեթելիի» խաչմերուկում Աշոտ Փաշինյանն իրեն դուրս է նետել մեքենայից, երբ կինը դանդաղեցրել է ընթացքը։ Վարչապետի որդու հաղորդման համաձայն` դրանից հետո իրեն սպիտակ «Տոյոտա» մակնիշի ավտոմեքենա է հարվածել: Շրջվելով նկատել է, որ նշված ավտոմեքենայի վարորդը և ուղևորները դատարանի մոտ կանգնած ծնողներն են: Անվտանգության համար մտել է մոտակա սուպերմարկետ:
Հաղորդման առթիվ ՀՀ քրեական օրենսգրքի 191-րդ հոդվածի (Մարդուն առևանգելը) 2-րդ մասի 1-ին կետի հատկանիշներով նախաձեռնվել է քրեական վարույթ։
ՔԿ-ից հայտնում են, որ կինը ձերբակալվել է։
Ձեռնարկվել են անհետաձգելի վարութային և ապացուցողական գործողություններ։ Միջոցներ են ձեռնարկվել տեսագրող սարքերի տեսագրություններն առգրավելու ուղղությամբ։
Նախաքննությունը շարունակվում է։
Նշենք, որ
Sputnik Արմենիայի հետ զրույցում ՀԿ նախագահ Վահիդ Սահակյանը հերքել էր այս տեղեկատվությունը` նշելով, որ միջադեպ եղել է, բայց առևանգման փորձ` ոչ, և սա ապատեղեկատվություն է։
44-օրյա պատերազմում զոհված Մխիթար Գալեյանի հայրը՝
Գարիկ Գալեյանը, նույնպես հերքել է այն տեղեկությունը, որ ինքը «Որդիների կանչ» հասարակական կազմակերպության այլ անդամների հետ փորձել է առևանգել ՀՀ վարչապետ Նիկոլ Փաշինյանի որդուն։
