https://arm.sputniknews.ru/20230510/rd-n-erevanin-ev-baqvin-vorvoshaki-lutsumneri-hangecnelu-resurs-uni-meliqshahnazarjan-59440926.html
ՌԴ-ն Երևանին և Բաքվին որոշակի լուծումների հանգեցնելու ռեսուրս ունի. Մելիք–Շահնազարյան
ՌԴ-ն Երևանին և Բաքվին որոշակի լուծումների հանգեցնելու ռեսուրս ունի. Մելիք–Շահնազարյան
Sputnik Արմենիա
Քաղաքագետի կարծիքով` Արևմուտքն ամեն կերպ ձգտում է առաջ մղել Հայաստանի ու Ադրբեջանի կողմից խաղաղության պայմանագրի ստորագրումը և Ռուսաստանին դուրս մղել... 10.05.2023, Sputnik Արմենիա
2023-05-10T23:51+0400
2023-05-10T23:51+0400
2023-05-10T23:51+0400
պոդկաստ
ռադիո
ադրբեջան
հայ-ադրբեջանական
հայաստան
բանակցություն
հրանտ մելիք–շահնազարյան
https://cdn.am.sputniknews.ru/img/07e7/05/0a/59441058_0:160:3010:1853_1920x0_80_0_0_ea44e36d2c6c3b2cd4334ad6a96acf78.jpg
Ռուսաստանը Հայաստանին և Ադրբեջանին որոշակի լուծումների հանգեցնելու ռեսուրս ունի. Մելիք–Շահնազարյան
Sputnik Արմենիա
Ռուսաստանը Հայաստանին և Ադրբեջանին որոշակի լուծումների հանգեցնելու ռեսուրս ունի. Մելիք–Շահնազարյան
Մոսկվայում հասկանում են, որ Հարավային Կովկասում ոչ մի հանգուցալուծում չի լինի, քանի դեռ պարզ չեն Թուրքիայում կայանալիք համապետական ընտրությունների արդյունքները, հետևաբար ՌԴ–ն մտածում է, որ դեռ ժամանակ ունի որոշակի պասիվություն ցուցաբերելու համար։ Sputnik Արմենիայի հետ զրույցում այս տեսակետը հայտնեց քաղաքագետ Հրանտ Մելիք–Շահնազարյանը` խոսելով հայ–ադրբեջանական բանակցային գործընթացում Արևմուտքի և Ռուսաստանի դերակատարության մասին։Ավելի վաղ հայտնել էինք, որ Եվրամիությունը մայիսի 14-ին Բրյուսելում կկազմակերպի Ադրբեջանի նախագահ Իլհամ Ալիևի և Հայաստանի վարչապետ Նիկոլ Փաշինյանի բանակցությունները, որոնք կազմակերպվում են Հարավային Կովկասում կայունության և երկու երկրների միջև հարաբերությունների կարգավորմանն ուղղված ջանքերի շրջանակներում:Նրա կարծիքով` Ռուսաստանը Հայաստանին և Ադրբեջանին որոշակի լուծումների հանգեցնելու ռեսուրս ունի։ Այնպիսի տպավորություն է ստեղծվել, որ ՌԴ–ն սպասում է Արևմուտքի քայլերին, որպեսզի հասկանա, թե որքան են կողմերը պատրաստակամ զիջումների գնալ, հետո նոր կներկայացնի իր առաջարկները հնարավոր լուծումների վերաբերյալ, կլինի հետևողական, որպեսզի հենց այդ լուծումները կյանքի կոչվեն։Գեներալ Լենցովի՝ Բաքվում անցկացրած բանակություններն արդյունք չեն տվել. Արցախի պետնախարար«Եթե Ադրբեջանի ու Հայաստանի արտգործնախարարների վաշինգտոնյան հանդիպմանը հաջորդում է երկու երկրների ղեկավարների հանդիպում, ապա դա նշանակում է, որ Միրզոյանն ու Բայրամովն ինչ–որ պայմանավորվածություններ են ձեռք բերել, հետևաբար եկել է ղեկավարների մակարդակով դրանք ամրապնդելու ժամանակը»,– ասաց մեր զրուցակիցը։Այդուհանդերձ քաղաքագետը պնդեց, որ վաշինգտոնյան հանդիպումից հետո երկու երկրների ԱԳՆ–ների տարածած հաղորդագրությունները չեն արտացոլում իրականությունը և ընդամենը ուշադրություն շեղելու նպատակ ունեն, այսինքն` մարդկանց ցույց տալու, թե իբր որևէ բան չեն պայմանավորվել, մինչդեռ իրականում շարունակում են գաղտնի պայմանավորվածությունները կյանքի կոչելու մարտավարությունը։Ըստ նրա` Արևմուտքից և ՌԴ–ից հնչող հայտարարությունների մակարդակում կա առաջարկվող տարբերակներին վերաբերող տարաձայնություններ ու տարբերություններ։ Ռուսական կողմը հետևողականորեն հորդորում է կատարել 2020 թ. նոյեմբերի 9-ին ստորագրված փաստաթղթի կետերը, մինչդեռ Հայաստանն ու Ադրբեջանը կարծես մոռացել են այդ մասին, հետևաբար բացառված չէ, որ Բրյուսելում կփորձեն Հայաստանի և Ադրբեջանի ղեկավարների ստորագրությամբ նոր հայտարարություն պատրաստել, ինչը նույնիսկ կարող է ռուսական միջնորդությամբ նոյեմբերի 9-ին ստորագրված հայտարարության չեղարկումը լինել։«Այս սցենարը հայկական կողմի համար միանշանակ վտանգավոր է, որովհետև հրաժարվել նրանից, ինչի համար մենք արդեն գին ենք վճարել, իսկապես ողբերգություն կլինի։ Էլ չենք ասում այն մասին, որԱրևմուտքը բաց տեքստով խոսում է ԼՂ–ն Ադրբեջանին հանձնելու անհրաժեշտության, հայ–թուրքական հարաբերություններն առանց նախապայմանների կամ, որ ավելի ճիշտ է, թուրք–ադրբեջանական պայմաններով վերականգնելու և մեր միակ անվտանգային երաշխիքը` ռուսական զորախումբը տարածաշրջանից դուրս բերելու մասին։ Եվ եթե նման բան տեղի ունենա, ապա Հայաստանի առջև կծառանան նոր խնդիրներ, որոնք այլևս չենք կարողանա հաղթահարել»,– եզրակացրեց քաղաքագետը։ Մեր պետականություն ունենալ–չունենալու հարցը սկսվում է Արցախով և հատկապես Շուշիով. պատմաբանՀիշեցնենք, որ մայիսի սկզբին Վաշինգտոնում Հայաստանի և Ադրբեջանի արտգործնախարարների բանակցություններից հետո մայիսի 14-ին Բրյուսելում կկայանա երկու երկրների ղեկավարների հանդիպումը։ Հունիսի 1-ին Քիշնևում սպասվում է Նիկոլ Փաշինյանի և Իլհամ Ալիևի ևս մեկ հանդիպում։ Այսօր հայտնի դարձավ, որ մայիսի 19-ին Մոսկվայում տեղի կունենա արտգործնախարարների բանակցությունների նոր փուլը։
ադրբեջան
Sputnik Արմենիա
media@sputniknews.com
+74956456601
MIA „Rossiya Segodnya“
2023
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
պոդկաստ, ադրբեջան, հայ-ադրբեջանական, հայաստան, բանակցություն, հրանտ մելիք–շահնազարյան, аудио
պոդկաստ, ադրբեջան, հայ-ադրբեջանական, հայաստան, բանակցություն, հրանտ մելիք–շահնազարյան, аудио
ՌԴ-ն Երևանին և Բաքվին որոշակի լուծումների հանգեցնելու ռեսուրս ունի. Մելիք–Շահնազարյան
Քաղաքագետի կարծիքով` Արևմուտքն ամեն կերպ ձգտում է առաջ մղել Հայաստանի ու Ադրբեջանի կողմից խաղաղության պայմանագրի ստորագրումը և Ռուսաստանին դուրս մղել տարածաշրջանից` սահմանափակելով նրա միջնորդական դերը, սակայն Մոսկվան պահպանում է միջնորդական ռեսուրսները։
Մոսկվայում հասկանում են, որ Հարավային Կովկասում ոչ մի հանգուցալուծում չի լինի, քանի դեռ պարզ չեն Թուրքիայում կայանալիք համապետական ընտրությունների արդյունքները, հետևաբար ՌԴ–ն մտածում է, որ դեռ ժամանակ ունի որոշակի պասիվություն ցուցաբերելու համար։
Sputnik Արմենիայի հետ զրույցում այս տեսակետը հայտնեց քաղաքագետ Հրանտ Մելիք–Շահնազարյանը` խոսելով հայ–ադրբեջանական բանակցային գործընթացում Արևմուտքի և Ռուսաստանի դերակատարության մասին։
Ավելի վաղ հայտնել էինք, որ Եվրամիությունը մայիսի 14-ին Բրյուսելում կկազմակերպի Ադրբեջանի նախագահ Իլհամ Ալիևի և Հայաստանի վարչապետ Նիկոլ Փաշինյանի բանակցությունները, որոնք կազմակերպվում են Հարավային Կովկասում կայունության և երկու երկրների միջև հարաբերությունների կարգավորմանն ուղղված ջանքերի շրջանակներում:
«Արևմուտքը փորձում է ժամանակն առավելագույն արդյունավետությամբ օգտագործել և ամեն կերպ առաջնություն ստանձել հայ–ադրբեջանական բանակցային գործընթացում։ Արևմուտքի հիմնական նպատակը Ռուսաստանին հարավկովկասյան տարածաշրջանից դուրս մղելն է` փոքրացնելով վերջինիս ազդեցությունը, իսկ հետագայում նաև դադարեցնել ՌԴ–ի ռազմական ներկայությունը տարածաշրջանում»,– ասաց Մելիք–Շահնազարյանը։
Նրա կարծիքով` Ռուսաստանը Հայաստանին և Ադրբեջանին որոշակի լուծումների հանգեցնելու ռեսուրս ունի։ Այնպիսի տպավորություն է ստեղծվել, որ ՌԴ–ն սպասում է Արևմուտքի քայլերին, որպեսզի հասկանա, թե որքան են կողմերը պատրաստակամ զիջումների գնալ, հետո նոր կներկայացնի իր առաջարկները հնարավոր լուծումների վերաբերյալ, կլինի հետևողական, որպեսզի հենց այդ լուծումները կյանքի կոչվեն։
«Եթե Ադրբեջանի ու Հայաստանի արտգործնախարարների վաշինգտոնյան հանդիպմանը հաջորդում է երկու երկրների ղեկավարների հանդիպում, ապա դա նշանակում է, որ Միրզոյանն ու Բայրամովն ինչ–որ պայմանավորվածություններ են ձեռք բերել, հետևաբար եկել է ղեկավարների մակարդակով դրանք ամրապնդելու ժամանակը»,– ասաց մեր զրուցակիցը։
Այդուհանդերձ քաղաքագետը պնդեց, որ վաշինգտոնյան հանդիպումից հետո երկու երկրների ԱԳՆ–ների տարածած հաղորդագրությունները չեն արտացոլում իրականությունը և ընդամենը ուշադրություն շեղելու նպատակ ունեն, այսինքն` մարդկանց ցույց տալու, թե իբր որևէ բան չեն պայմանավորվել, մինչդեռ իրականում շարունակում են գաղտնի պայմանավորվածությունները կյանքի կոչելու մարտավարությունը։
«Եթե իսկապես լինեին լուրջ տարաձայնություններ, ապա տրամաբանությունը հուշում է, որ արտգործնախարարների համատեղ աշխատանքը կշարունակվեր նոր լուծումներ գտնելու ուղղությամբ, որպեսզի հիմք լիներ ղեկավարների հանդիպումը կազմակերպելու համար»,– ասաց Մելիք–Շահնազարյանը։
Ըստ նրա` Արևմուտքից և ՌԴ–ից հնչող հայտարարությունների մակարդակում կա առաջարկվող տարբերակներին վերաբերող տարաձայնություններ ու տարբերություններ։ Ռուսական կողմը հետևողականորեն հորդորում է կատարել 2020 թ. նոյեմբերի 9-ին ստորագրված փաստաթղթի կետերը, մինչդեռ Հայաստանն ու Ադրբեջանը կարծես մոռացել են այդ մասին, հետևաբար բացառված չէ, որ Բրյուսելում կփորձեն Հայաստանի և Ադրբեջանի ղեկավարների ստորագրությամբ նոր հայտարարություն պատրաստել, ինչը նույնիսկ կարող է ռուսական միջնորդությամբ նոյեմբերի 9-ին ստորագրված հայտարարության չեղարկումը լինել։
«Այս սցենարը հայկական կողմի համար միանշանակ վտանգավոր է, որովհետև հրաժարվել նրանից, ինչի համար մենք արդեն գին ենք վճարել, իսկապես ողբերգություն կլինի։ Էլ չենք ասում այն մասին, որԱրևմուտքը բաց տեքստով խոսում է ԼՂ–ն Ադրբեջանին հանձնելու անհրաժեշտության, հայ–թուրքական հարաբերություններն առանց նախապայմանների կամ, որ ավելի ճիշտ է, թուրք–ադրբեջանական պայմաններով վերականգնելու և մեր միակ անվտանգային երաշխիքը` ռուսական զորախումբը տարածաշրջանից դուրս բերելու մասին։ Եվ եթե նման բան տեղի ունենա, ապա Հայաստանի առջև կծառանան նոր խնդիրներ, որոնք այլևս չենք կարողանա հաղթահարել»,– եզրակացրեց քաղաքագետը։
Հիշեցնենք, որ մայիսի սկզբին Վաշինգտոնում Հայաստանի և Ադրբեջանի արտգործնախարարների բանակցություններից հետո մայիսի 14-ին Բրյուսելում կկայանա երկու երկրների ղեկավարների հանդիպումը։ Հունիսի 1-ին Քիշնևում սպասվում է Նիկոլ Փաշինյանի և Իլհամ Ալիևի ևս մեկ հանդիպում։ Այսօր հայտնի դարձավ, որ մայիսի 19-ին Մոսկվայում տեղի կունենա արտգործնախարարների բանակցությունների նոր փուլը։
