https://arm.sputniknews.ru/20230503/turqian-depi-3rd-erkrner-trichqneri-hamar-pakel-e-ir-odajin-taratsqy-hh-araj-chavushoghlu-59088954.html
Չավուշօղլուն ասել է` ինչու է Թուրքիան փակել իր օդային տարածքը Հայաստանի համար
Չավուշօղլուն ասել է` ինչու է Թուրքիան փակել իր օդային տարածքը Հայաստանի համար
Sputnik Արմենիա
Թուրքիան իր օդային տարածքը Հայաստանի համար փակել է ապրիլի 29–ին։ 03.05.2023, Sputnik Արմենիա
2023-05-03T11:59+0400
2023-05-03T11:59+0400
2023-05-03T13:55+0400
մևլութ չավուշօղլու
«նեմեսիս» գործողություն
հայոց ցեղասպանություն
ապրիլի 24. հայոց ցեղասպանության չմոռացվող էջը
թուրքիա
ավիացիա
քաղավիացիայի կոմիտե
https://cdn.am.sputniknews.ru/img/07e6/06/17/44069303_0:0:1600:901_1920x0_80_0_0_1b5aabdffb7dba06793ab9face2ff064.jpg
ԵՐԵՎԱՆ, 3 մայիսի – Sputnik. Թուրքիան Հայաստանի համար փակել է իր օդային տարածքը դեպի երրորդ երկրներ թռիչքների համար։ Այս մասին հայտարարել է Թուրքիայի արտգործնախարար Մևլութ Չավուշօղլուն, նրա խոսքերը փոխանցում է ՏԱՍՍ-ը։Հայտնել ենք, որ ապրիլի 29-ին Թուրքիան առանց նախապես տեղեկացնելու փակել էր իր օդային տարածքը հայկական «FlyOne Armenia» ավիաընկերության համար, Փարիզ–Երևան չվերթն իրականացնող ինքնաթիռը հարկադիր վայրէջք էր կատարել Քիշնևում և միայն ապրիլի 30-ի գիշերն իջել «Զվարթնոց» օդանավակայանում։ Նույն ավիաընկերության Երևան–Փարիզ–Երևան չվերթը Թուրքիայի արգելքի պատճառով չէր կայացել նաև երեկ` մայիսի երկուսին։Թուրք նախարարն օդային տարածքի փակումը բացատրել է Երևանում «Նեմեսիս» գործողության հերոսների հուշարձանի բացմամբ։ «Նեմեսիսի» նպատակն էր ոչնչացնել երիտթուրքերի պարագլուխներին, որոնք կազմակերպել էին Հայոց ցեղասպանությունն Օսմանյան կայսրությունում:Ապրիլի 25-ին Երևանում բացվեց Հայոց ցեղասպանության կազմակերպիչների նկատմամբ հաշվեհարդար կատարած «Նեմեսիս» գործողության հերոսների հուշարձանը:Հուշարձանի վրա փորագրված են Սողոմոն Թեհլիրյանի, Արամ Երկանյանի, Արշավիր Շիրակյանի, Պետրոս Տեր-Պողոսյանի, Արտաշես Գևորգյանի, Միսակ Թոռլաքյանի, Ստեփան Ծաղիկյանի, Հակոբ Մելքումովի, Երվանդ Ֆունդուկյանի, Արմեն Գարոյի, Գրիգոր Մերջանովի, Ավետիք Իսահակյանի, Արշակ Եզանյանի, Արա Սարգսյանի, Հրաչ Փափազյանի, Շահան Նատալիի անունները:Երևան–Փարիզ–Երևան չվերթը չի կայացել. Թուրքիան կրկին օդային տարածք չի տրամադրելՀուշահամալիրը խորհրդանշում է արժանապատվությունը, արդարադատությունը և պատժի անխուսափելիությունը։Հիշեցնենք, որ արձանը տեղադրելու որոշումը կայացվել էր 2021 թվականի սեպտեմբերի 14-ին Երևանի ավագանու նիստում:Հայոց ցեղասպանությունը Օսմանյան կայսրությունում 20 – րդ դարի առաջին ցեղասպանությունն է։Չնայած այն հանգամանքին, որ այս փաստը ճանաչված է բազմաթիվ երկրների կողմից, Օսմանյան կայսրության իրավահաջորդ Թուրքիան ավանդաբար մերժում է այդ հանցագործության կատարման մեղադրանքները:
թուրքիա
Sputnik Արմենիա
media@sputniknews.com
+74956456601
MIA „Rossiya Segodnya“
2023
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
մևլութ չավուշօղլու, «նեմեսիս» գործողություն, հայոց ցեղասպանություն, ապրիլի 24. հայոց ցեղասպանության չմոռացվող էջը, թուրքիա, ավիացիա, քաղավիացիայի կոմիտե
մևլութ չավուշօղլու, «նեմեսիս» գործողություն, հայոց ցեղասպանություն, ապրիլի 24. հայոց ցեղասպանության չմոռացվող էջը, թուրքիա, ավիացիա, քաղավիացիայի կոմիտե
Չավուշօղլուն ասել է` ինչու է Թուրքիան փակել իր օդային տարածքը Հայաստանի համար
11:59 03.05.2023 (Թարմացված է: 13:55 03.05.2023) Թուրքիան իր օդային տարածքը Հայաստանի համար փակել է ապրիլի 29–ին։
ԵՐԵՎԱՆ, 3 մայիսի – Sputnik. Թուրքիան Հայաստանի համար փակել է իր օդային տարածքը դեպի երրորդ երկրներ թռիչքների համար։ Այս մասին հայտարարել է Թուրքիայի արտգործնախարար Մևլութ Չավուշօղլուն, նրա խոսքերը փոխանցում է ՏԱՍՍ-ը։
Հայտնել ենք, որ ապրիլի 29-ին Թուրքիան առանց նախապես տեղեկացնելու
փակել էր իր օդային տարածքը հայկական «FlyOne Armenia» ավիաընկերության համար, Փարիզ–Երևան չվերթն իրականացնող ինքնաթիռը հարկադիր վայրէջք էր կատարել Քիշնևում և միայն ապրիլի 30-ի գիշերն
իջել «Զվարթնոց» օդանավակայանում։ Նույն ավիաընկերության
Երևան–Փարիզ–Երևան չվերթը Թուրքիայի արգելքի պատճառով չէր կայացել նաև երեկ` մայիսի երկուսին։
«Անհրաժեշտության դեպքում ինքնաթիռներ կթողնենք մեր երկիր, բայց թույլ չենք տա օդանավերի և մասնավոր ինքնաթիռների անցումը մեր տարածքով, քանի դեռ սադրանքները կան Հայաստանի կողմից Թուրքիայի և Ադրբեջանի դեմ։ Եթե դրանք չդադարեցվեն, մենք այլ միջոցներ կձեռնարկենք»,- ասել է նա։
Թուրք նախարարն օդային տարածքի փակումը բացատրել է Երևանում «Նեմեսիս» գործողության հերոսների հուշարձանի բացմամբ։ «Նեմեսիսի» նպատակն էր ոչնչացնել երիտթուրքերի պարագլուխներին, որոնք կազմակերպել էին Հայոց ցեղասպանությունն Օսմանյան կայսրությունում:
Ապրիլի 25-ին Երևանում բացվեց Հայոց ցեղասպանության կազմակերպիչների նկատմամբ հաշվեհարդար կատարած «Նեմեսիս» գործողության հերոսների հուշարձանը:
Հուշարձանի վրա փորագրված են Սողոմոն Թեհլիրյանի, Արամ Երկանյանի, Արշավիր Շիրակյանի, Պետրոս Տեր-Պողոսյանի, Արտաշես Գևորգյանի, Միսակ Թոռլաքյանի, Ստեփան Ծաղիկյանի, Հակոբ Մելքումովի, Երվանդ Ֆունդուկյանի, Արմեն Գարոյի, Գրիգոր Մերջանովի, Ավետիք Իսահակյանի, Արշակ Եզանյանի, Արա Սարգսյանի, Հրաչ Փափազյանի, Շահան Նատալիի անունները:
Հուշահամալիրը խորհրդանշում է արժանապատվությունը, արդարադատությունը և պատժի անխուսափելիությունը։
Հիշեցնենք, որ արձանը տեղադրելու որոշումը կայացվել էր 2021 թվականի սեպտեմբերի 14-ին Երևանի ավագանու նիստում:
Հայոց ցեղասպանությունը Օսմանյան կայսրությունում 20 – րդ դարի առաջին ցեղասպանությունն է։
Չնայած այն հանգամանքին, որ այս փաստը ճանաչված է բազմաթիվ երկրների կողմից, Օսմանյան կայսրության իրավահաջորդ Թուրքիան ավանդաբար մերժում է այդ հանցագործության կատարման մեղադրանքները:
