Ռուսաստանին Լեհաստանի հետ դիվանագիտական հարաբերություններ պետք չեն. Մեդվեդև
18:12 29.04.2023 (Թարմացված է: 18:29 29.04.2023)
© Sputnik / Екатерина Штукина
/ Բաժանորդագրվել
ՌԴ Անվտանգության խորհրդի փոխնախագահ Դմիտրի Մեդվեդևը հայտարարել է, որ Լեհաստանը Ռուսաստանի համար չպետք է գոյություն ունենա, քանի դեռ այնտեղ իշխում է ռուսատյացությունը։
ԵՐԵՎԱՆ, 29 ապրիլի –Sputnik. Լեհաստանը չպետք է գոյություն ունենա ՌԴ-ի համար, քանի դեռ այնտեղ ռուսատյացներից բացի իշխանությունում մարդ չկա, իսկ Ուկրաինան լի է լեհ վարձկաններով։ Twitter-ի իր անգլալեզու էջում այս մասին գրել է ՌԴ Անվտանգության խորհրդի փոխնախագահ Դմիտրի Մեդվեդևը:
«Լեհաստանի հետ դիվանագիտական հարաբերություններ պահպանելու իմաստ չեմ տեսնում։ Այս պետությունը չպետք է գոյություն ունենա մեզ համար, քանի դեռ իշխանության մեջ ռուսատյացներից բացի ոչ ոք չկա, իսկ Ուկրաինան լի է լեհ վարձկաններով, որոնք պետք է անխնա ոչնչացվեն, ինչպես գարշահոտ առնետները», - գրել է Մեդվեդևն անգլերենով։
Ռուս քաղաքական գործիչը նաև հրապարակել է նույն տեքստի լեհերեն տարբերակը։
I see no point in maintaining diplomatic relations with Poland. This state must not exist for us while there is no one but Russophobes in power and Ukraine is full of Polish mercenaries, who should be ruthlessly exterminated like stinky rats
— Dmitry Medvedev (@MedvedevRussiaE) April 29, 2023
--- Polish text below ---
Nie widzę…
Հիշեցնենք` այսօր առավոտյան Վարշավայի քաղաքապետարանի ներկայացուցիչները ոստիկանության ուղեկցությամբ կոտրել են դպրոցի դարպասն ու շենք ներխուժել։
Դպրոցի աշխատակիցներին մինչև ժամը 19:00-ը ժամանակ է տրվել տարածքը լքելու համար:
Դրանից հետո ՌԴ ԱԳՆ–ն հայտարարեց, որ Մոսկվան կոշտ պատասխան կտա տեղի ունեցածին։
ԱԳՆ-ից ընդգծել են, որ լեհական իշխանության հերթական թշնամական գործողությունները Մոսկվան դիտարկում է որպես դիվանագիտական հարաբերությունների մասին Վիեննայի 1961 թվականի կոնվենցիայի աղաղակող խախտում և Լեհաստանում ռուսական դիվանագիտական անշարժ գույքի նկատմամբ հերթական ոտնձգություն:
