https://arm.sputniknews.ru/20230424/inqners-enq-meghavvor-ajn-ameni-hamar-inch-katarvum-e-mer-sahmannerin-samvel-karapetjan-58699528.html
Ինքներս ենք մեղավոր այն ամենի համար, ինչ կատարվում է մեր սահմաններին. Սամվել Կարապետյան
Ինքներս ենք մեղավոր այն ամենի համար, ինչ կատարվում է մեր սահմաններին. Սամվել Կարապետյան
Sputnik Արմենիա
Ըստ գործարարի`անհրաժեշտ է անհապաղ համախմբել բոլոր ջանքերը ողբերգությունը կանխելու համար։ 24.04.2023, Sputnik Արմենիա
2023-04-24T20:28+0400
2023-04-24T20:28+0400
2023-04-24T20:33+0400
սամվել կարապետյան
հայոց ցեղասպանություն
ապրիլի 24. հայոց ցեղասպանության չմոռացվող էջը
ուղերձ
սահման
հայաստան
արցախ
https://cdn.am.sputniknews.ru/img/07e5/09/14/33469682_0:40:1600:940_1920x0_80_0_0_3ea26d81732efd9db70efcb7a85549bd.jpg
ԵՐԵՎԱՆ, 24 ապրիլի - Sputnik. Մենք ինքներս ենք մեղավոր այն ամենի համար, ինչ այսօր կատարվում է մեր հայրենիքի սահմաններին։ Այս մասին ասել է «Տաշիր» ընկերությունների խմբի և Հայ գործարարների ասոցիացիայի նախագահ Սամվել Կարապետյանը Հայոց ցեղասպանության տարելիցի կապակցությամբ տարածած հայտարարությունում։Նա նշել է, որ անհրաժեշտ է անհապաղ համախմբել բոլոր ջանքերը թե՛ Հայաստանի ներսում, թե՛ դրսում ողբերգությունը կանխելու համար։«Այսօրվա տարանջատման հռետորաբանությունը կարող է ճակատագրական լինել մեր երկրի, մեր ժողովրդի համար։ Ուստի այս պահին կարևոր է համախմբվել, համատեղել բոլոր ջանքերը` կանխելու նոր սեւ էջերը մեր երկրի պատմության մեջ»,- հայտարարել է Սամվել Կարապետյանը։Կարապետյանըխորհրդանշական է համարում, որ հենց այսօր՝ Հայոց ցեղասպանության զոհերի հիշատակի օրը, երկիրը կրկին կանգնած է հնարավոր նոր ողբերգության շեմին։Սամվել Կարապետյանը նաև նշել է, որ որպես Հայաստանի քաղաքացի՝ շարունակելու է լինել իր ժողովրդի կողքին և գործադրել բոլոր ջանքերը՝ երկրի կայուն և անվտանգ ապագայի համար։ Նա նշել է, որ իր միակ նպատակը Հայաստանի բարգավաճումն է, որն անհնար է առանց համընդհանուր կոնսոլիդացման։Հիշեցնենք` 1915 թվականին տեղի ունեցած ոճրագործությունը, որի հետևանքով Օսմանյան կայսրությունում ավելի քան 1.5 մլն հայ է սպանվել, ХХ դարի առաջին ցեղասպանությունն է համարվում։ Թուրքիան ավանդաբար մերժում է ցեղասպանություն իրագործելու մեղադրանքներն ու անչափ ցավագին ընդունում այդ հարցի վերաբերյալ քննադատությունները։Հայոց ցեղասպանությունն առաջինը պետական մակարդակով ճանաչել է Ուրուգվայը 1965 թվականին, այնուհետև նրա օրինակին են հետևել ևս 27 երկրներ` Արգենտինան, Ավստրիան, Բելգիան, Բոլիվիան, Բրազիլիան, Կանադան, Չիլին, Կիպրոսը, Չեխիան, Դանիան, Գերմանիան, Հունաստանը, Լատվիան, Լիտվան, Լյուքսեմբուրգը, Նիդեռլանդները, Պարագվայը, Լեհաստանը, Պորտուգալիան, Ռումինիան, Ռուսաստանը, Սիրիան, Սլովակիան, Շվեդիան, Շվեյցարիան, Ֆրանսիան, ԱՄՆ-ն։Հայոց ցեղասպանությունը ճանաչելու մասին նաև հռչակագրեր և բանաձևեր են ընդունել մի շարք միջազգային կազմակերպություններ և միջազգային կառույցներ, այդ թվում՝ Եվրոպայի խորհուրդը և Եվրոպական խորհրդարանը, ինչպես նաև տարբեր երկրների վարչատարածքային միավորներ՝ նահանգներ և քաղաքներ։
Sputnik Արմենիա
media@sputniknews.com
+74956456601
MIA „Rosiya Segodnya“
2023
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
սամվել կարապետյան, հայոց ցեղասպանություն, ապրիլի 24. հայոց ցեղասպանության չմոռացվող էջը, ուղերձ, սահման, հայաստան, արցախ
սամվել կարապետյան, հայոց ցեղասպանություն, ապրիլի 24. հայոց ցեղասպանության չմոռացվող էջը, ուղերձ, սահման, հայաստան, արցախ
Ինքներս ենք մեղավոր այն ամենի համար, ինչ կատարվում է մեր սահմաններին. Սամվել Կարապետյան
20:28 24.04.2023 (Թարմացված է: 20:33 24.04.2023) Ըստ գործարարի`անհրաժեշտ է անհապաղ համախմբել բոլոր ջանքերը ողբերգությունը կանխելու համար։
ԵՐԵՎԱՆ, 24 ապրիլի - Sputnik. Մենք ինքներս ենք մեղավոր այն ամենի համար, ինչ այսօր կատարվում է մեր հայրենիքի սահմաններին։ Այս մասին ասել է «Տաշիր» ընկերությունների խմբի և Հայ գործարարների ասոցիացիայի նախագահ Սամվել Կարապետյանը Հայոց ցեղասպանության տարելիցի կապակցությամբ տարածած հայտարարությունում։
«Առաջին հերթին մենք ինքներս պետք է սթափ գնահատենք, թե կոնկրետ ինչ սխալներ են արվել այս տարիների ընթացքում, որոնք այսօր մեր երկիրը հասցրել են գոյաբանական ճգնաժամի։ Պետք է գիտակցել և ընդունել սեփական սխալները ու չգնալ մեղադրանքների և քննադատության ճանապարհով»,– գրել է գործարարը։
Նա նշել է, որ անհրաժեշտ է անհապաղ համախմբել բոլոր ջանքերը թե՛ Հայաստանի ներսում, թե՛ դրսում ողբերգությունը կանխելու համար։
«Այսօրվա տարանջատման հռետորաբանությունը կարող է ճակատագրական լինել մեր երկրի, մեր ժողովրդի համար։ Ուստի այս պահին կարևոր է համախմբվել, համատեղել բոլոր ջանքերը` կանխելու նոր սեւ էջերը մեր երկրի պատմության մեջ»,- հայտարարել է Սամվել Կարապետյանը։
Կարապետյանըխորհրդանշական է համարում, որ հենց այսօր՝ Հայոց ցեղասպանության զոհերի հիշատակի օրը, երկիրը կրկին կանգնած է հնարավոր նոր ողբերգության շեմին։
«Ավելի քան երեք ամիս է, ինչ արցախահայությունը արգելափակվել և պարբերաբար ահաբեկչության է ենթարկվում Ադրբեջանի կողմից, որը բացահայտ խախտում է բոլոր պայմանավորվածությունները և կարմիր գծերը՝ վտանգի տակ դնելով տարածաշրջանի 120.000 խաղաղ բնակիչների կյանքը։ Ողջ աշխարհի աչքի առջև Ադրբեջանը վարում է հայ ժողովրդի բռնաճնշման ու էթնիկ ատելության քաղաքականություն»,- ասել է նա։
Սամվել Կարապետյանը նաև նշել է, որ որպես Հայաստանի քաղաքացի՝ շարունակելու է լինել իր ժողովրդի կողքին և գործադրել բոլոր ջանքերը՝ երկրի կայուն և անվտանգ ապագայի համար։ Նա նշել է, որ իր միակ նպատակը Հայաստանի բարգավաճումն է, որն անհնար է առանց համընդհանուր կոնսոլիդացման։
Հիշեցնենք` 1915 թվականին տեղի ունեցած ոճրագործությունը, որի հետևանքով Օսմանյան կայսրությունում ավելի քան 1.5 մլն հայ է սպանվել, ХХ դարի առաջին
ցեղասպանությունն է համարվում։ Թուրքիան ավանդաբար մերժում է ցեղասպանություն իրագործելու մեղադրանքներն ու անչափ ցավագին ընդունում այդ հարցի վերաբերյալ քննադատությունները։
Հայոց ցեղասպանությունն առաջինը պետական մակարդակով ճանաչել է Ուրուգվայը 1965 թվականին, այնուհետև նրա օրինակին են հետևել ևս 27 երկրներ` Արգենտինան, Ավստրիան, Բելգիան, Բոլիվիան, Բրազիլիան, Կանադան, Չիլին, Կիպրոսը, Չեխիան, Դանիան, Գերմանիան, Հունաստանը, Լատվիան, Լիտվան, Լյուքսեմբուրգը, Նիդեռլանդները, Պարագվայը, Լեհաստանը, Պորտուգալիան, Ռումինիան, Ռուսաստանը, Սիրիան, Սլովակիան, Շվեդիան, Շվեյցարիան, Ֆրանսիան, ԱՄՆ-ն։
Հայոց ցեղասպանությունը ճանաչելու մասին նաև հռչակագրեր և բանաձևեր են ընդունել մի շարք միջազգային կազմակերպություններ և միջազգային կառույցներ, այդ թվում՝ Եվրոպայի խորհուրդը և Եվրոպական խորհրդարանը, ինչպես նաև տարբեր երկրների վարչատարածքային միավորներ՝ նահանգներ և քաղաքներ։
