Մադրիդի ռեստորաններից մեկում բռնկված հրդեհի զոհ է դարձել երկու մարդ
10:22 23.04.2023 (Թարմացված է: 10:36 23.04.2023)
Մադրիդի ռեստորաններից մեկում բռնկված հրդեհի զոհ է դարձել երկու մարդ
© Photo : Twitter / Emergencias Madrid
Բաժանորդագրվել
Մատուցողը ոգելից խմիչք է լցրել պիցցայի կամ աղանդերի վրա և այրել այն, ինչի հետևանքով կրակը հասել է առաստաղին ամրացված պլաստիկ բույսերին:
ԵՐԵՎԱՆ, 23 ապրիլի - Sputnik. Մադրիդի ռեստորաններից մեկում ապրիլի 22-ին տեղի ունեցած հրդեհի հետևանքով երկու մարդ Է զոհվել, 10-ը ՝ տուժել, հայտնում է Mundo թերթը ՝ հղում անելով փրկարարական ծառայություններին:
«Երկու մարդ մահացել է, վեցը ՝ լուրջ վնասվածքներ ստացել, չորսը ՝ թեթև վնասվածքներ են ստացել Մադրիդի Սալամանկա շրջան Մանուել Բեսերա հրապարակում գտնվող ռեստորանում բռնկված հրդեհի հետևանքով», - հայտնել են քաղաքի փրկարարական ծառայությունից։
6 de los heridos han sido trasladados por @SAMUR_PC a distintos hospitales con pronóstico grave. Además hay otros 4 pacientes leves.
— Emergencias Madrid (@EmergenciasMad) April 21, 2023
Ha colaborado #SUMM112.
12 dotaciones de @BomberosMad han extinguido el incendio que se ha propagado rápidamente por el techo del restaurante. pic.twitter.com/H8JSWWW66d
Ըստ պարբերականի՝ հրդեհը բռնկվել է ռեստորանի մուտքի մոտ և տարածվել արհեստական բուսականությամբ զարդարված առաստաղի և պատերի վրա: Ենթադրվում է, որ հրդեհի պատճառ կարող էր լինել այն, որ մատուցողը ոգելից խմիչք է լցրել պիցցայի կամ աղանդերի վրա և այրել այն, ինչի հետևանքով կրակը հասել է առաստաղին ամրացված պլաստիկ բույսերին:
«Երկու զոհերից մեկը ռեստորանի 25-ամյա մատուցողն է։ Մյուսը ռեստորանի 40-ամյա հաճախորդ է», - նշում է Mundo-ն ։
Տուժածները հոսպիտալացվել են։
