https://arm.sputniknews.ru/20230422/garik-karapetjany-dardzav-evrvopaji-arajnutjan-chempivon-58596215.html
Գարիկ Կարապետյանը դարձավ Եվրոպայի առաջնության չեմպիոն
Գարիկ Կարապետյանը դարձավ Եվրոպայի առաջնության չեմպիոն
Sputnik Արմենիա
Հայ ծանրորդը ուզում էր իրացնել նաև իր երրորդ մոտեցումը, բայց մեր մարզիչները ուղղակի թույլ չտվեցին գնալ ռիսկի 19-ամյա ծանրորդին, քանի որ ոսկե մեդալն արդեն... 22.04.2023, Sputnik Արմենիա
2023-04-22T16:42+0400
2023-04-22T16:42+0400
2023-04-22T18:49+0400
հայաստան
ծանրամարտ
սպորտ
գարիկ կարապետյան
https://cdn.am.sputniknews.ru/img/07e7/04/16/58595445_0:84:1600:984_1920x0_80_0_0_10aaf46b79f8b9a449d953b49680bc7c.jpg
ԵՐԵՎԱՆ, 22 ապրիլի – Sputnik. Ծանրամարտի Հայաստանի հավաքականը Երևանում շարունակվող այս մարզաձևի Եվրոպայի առաջնությունում 8-րդ մեդալը նվաճեց երկամարտում։ Այս անգամ մրցահարթակում փայլեց 102 կգ քաշային, երիտասարդների աշխարհի և Եվրոպայի չեմպիոն Գարիկ Կարապետյանը։Գարիկ Կարապետյանը, պոկում վարժությունում գլխավերևում պահելով 178 կգ կշռող ծանրաձողը, սահմանեց Եվրոպայի երիտասարդների նոր ռեկորդ ու նվաճեց ոսկե փոքր մեդալը։ Հրում վարժությունում մեր մարզիկը նորից թարմացրեց Եվրոպայի երիտասարդների ռեկորդը՝ 214 կգ, և հանրագումարում թարմացրեց նաև Եվրոպայի երիտասարդների ռեկորդը երկամարտում՝ 392 կգ։ Սա մեծահասակների Եվրոպայի չեմպիոնի արդյունքն է։Պոկում վարժությունում բավականին լարված պայքար ծավալվեց Գարիկ Կարապետյանի և վրացի Իրակլի Չխեիձեի միջև։ Վճռորոշ դարձավ հայ ծանրորդի երրորդ մոտեցումը, որի ընթացքում Կարապետյանը ծայրաձողի հետ պարզապես կռիվ տալով կարողացավ ֆիքսել քաշը գլխավերևում և հինգ կիլոգրամի առավելության ստացավ Չխեիձեի նկատմամբ, միևնույն ժամանակ նվաճեց ոսկե փոքր մեդալը։Հրում վարժությունում էլ նախնական պատվերներից պարզ դարձավ, որ ոսկե մեդալի համար պայքարը ընթանալու է Գարիկ Կարապետյանի և Իրակլի Չխեիձեի միջև։ Առաջին մոտեցման համար վրացին պատվիրել էր 207 կգ, իսկ հայ ծանրորդը` 208 կգ։ Տակտիկական պայքար էր ծավալվել։ Չխեիձեն հստակ կատարեց իր վարժությունը։ Հերթը Կարապետյանինն էր։ Հայ մարզիկը իր բարձրության վրա էր ու, բարձրացնելով քաշը, սահմանեց երիտասարդների երկամարտի ռեկորդ։ Չխեիձեն երկրորդ մոտեցումով գլխավերևում պահեց 214 կգ և երկամարտի արդյունքով շրջանցեց հայ ծանրորդին։ Ու նորից գերազանց կատարում Գարիկի կողմից` 214 կգ ու Եվրոպայի երիտասարդների ռեկորդ հրում վարժությունում և երկամարտում։ Այսպիսով` այս պահին Հայաստանի տղամարդկանց և կանանց հավաքականները միասին երկամարտում վաստակել են 8 մեդալ՝ երեք ոսկի, երեք արծաթ և երկու բրոնզ։ Իսկ հաշվի առնելով նաև առանձին վարժություններում նվաճած մեդալները` մենք ունենք ոսկե 9, արծաթե 7 և բրոնզե 6 մեդալ։Թիմային հաշվարկում ծանրամարտի Հայաստանի հավաքականը Գարիկ Կարապետյանի հաղթանակից հետո զբաղեցնում է առաջին տեղը։
Sputnik Արմենիա
media@sputniknews.com
+74956456601
MIA „Rossiya Segodnya“
2023
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
հայաստան, ծանրամարտ, սպորտ , գարիկ կարապետյան
հայաստան, ծանրամարտ, սպորտ , գարիկ կարապետյան
Գարիկ Կարապետյանը դարձավ Եվրոպայի առաջնության չեմպիոն
16:42 22.04.2023 (Թարմացված է: 18:49 22.04.2023) Հայ ծանրորդը ուզում էր իրացնել նաև իր երրորդ մոտեցումը, բայց մեր մարզիչները ուղղակի թույլ չտվեցին գնալ ռիսկի 19-ամյա ծանրորդին, քանի որ ոսկե մեդալն արդեն ապահովված էր։
ԵՐԵՎԱՆ, 22 ապրիլի – Sputnik. Ծանրամարտի Հայաստանի հավաքականը Երևանում շարունակվող այս մարզաձևի Եվրոպայի առաջնությունում 8-րդ մեդալը նվաճեց երկամարտում։ Այս անգամ մրցահարթակում փայլեց 102 կգ քաշային, երիտասարդների աշխարհի և Եվրոպայի չեմպիոն Գարիկ Կարապետյանը։
Գարիկ Կարապետյանը, պոկում վարժությունում գլխավերևում պահելով 178 կգ կշռող ծանրաձողը,
սահմանեց Եվրոպայի երիտասարդների նոր ռեկորդ ու նվաճեց ոսկե փոքր մեդալը։ Հրում վարժությունում մեր մարզիկը նորից թարմացրեց Եվրոպայի երիտասարդների ռեկորդը՝ 214 կգ, և հանրագումարում թարմացրեց նաև Եվրոպայի երիտասարդների ռեկորդը երկամարտում՝ 392 կգ։ Սա մեծահասակների Եվրոպայի չեմպիոնի արդյունքն է։
Պոկում վարժությունում բավականին լարված պայքար ծավալվեց Գարիկ Կարապետյանի և վրացի Իրակլի Չխեիձեի միջև։ Վճռորոշ դարձավ հայ ծանրորդի երրորդ մոտեցումը, որի ընթացքում Կարապետյանը ծայրաձողի հետ պարզապես կռիվ տալով կարողացավ ֆիքսել քաշը գլխավերևում և հինգ կիլոգրամի առավելության ստացավ Չխեիձեի նկատմամբ, միևնույն ժամանակ նվաճեց ոսկե փոքր մեդալը։
Հրում վարժությունում էլ նախնական պատվերներից պարզ դարձավ, որ ոսկե մեդալի համար պայքարը ընթանալու է Գարիկ Կարապետյանի և Իրակլի Չխեիձեի միջև։ Առաջին մոտեցման համար վրացին պատվիրել էր 207 կգ, իսկ հայ ծանրորդը` 208 կգ։ Տակտիկական պայքար էր ծավալվել։ Չխեիձեն հստակ կատարեց իր վարժությունը։ Հերթը Կարապետյանինն էր։
Հայ մարզիկը իր բարձրության վրա էր ու, բարձրացնելով քաշը, սահմանեց երիտասարդների երկամարտի ռեկորդ։ Չխեիձեն երկրորդ մոտեցումով գլխավերևում պահեց 214 կգ և երկամարտի արդյունքով շրջանցեց հայ ծանրորդին։ Ու նորից գերազանց կատարում Գարիկի կողմից` 214 կգ ու Եվրոպայի երիտասարդների ռեկորդ հրում վարժությունում և երկամարտում։
Չխեիձեն երկամարտում հաղթելու համար գնաց հուսահատ քայլի` մոտենալով 220 կգ–ին, բայց չկարողացավ բարձրացնել, ու դա նշանակում էր, որ երկամարտում Եվրոպայի մեծահասակների չեմպիոն հռչակվեց Գարիկ Կարապետյանը։ Հայ ծանրորդը ուզում էր իրացնել նաև իր երրորդ մոտեցումը, բայց մեր մարզիչները ուղղակի թույլ չտվեցին գնալ ռիսկի 19-ամյա ծանրորդին, քանի որ ոսկե մեդալն արդեն ապահովված էր։
Այսպիսով` այս պահին Հայաստանի տղամարդկանց և կանանց հավաքականները միասին երկամարտում վաստակել են 8 մեդալ՝ երեք ոսկի, երեք արծաթ և երկու բրոնզ։ Իսկ հաշվի առնելով նաև առանձին վարժություններում նվաճած մեդալները` մենք ունենք ոսկե 9, արծաթե 7 և բրոնզե 6 մեդալ։
Թիմային հաշվարկում ծանրամարտի Հայաստանի հավաքականը Գարիկ Կարապետյանի հաղթանակից հետո զբաղեցնում է առաջին տեղը։
