https://arm.sputniknews.ru/20230421/haghtanaks-nvirum-em-sahmanin-kangnats-tghanerin-evrvopaji-chempivonnern-arden-hajastanum-en-58512217.html

Հաղթանակս նվիրում եմ սահմանին կանգնած տղաներին. Եվրոպայի չեմպիոններն արդեն Հայաստանում են

Հաղթանակս նվիրում եմ սահմանին կանգնած տղաներին. Եվրոպայի չեմպիոններն արդեն Հայաստանում են

Sputnik Արմենիա

Ազատ ոճի ըմբիշները վաղ առավոտյան ժամանեցին Հայաստան, որտեղ նրանց սպասում էին պաստառներով ու դափնեպսակներով։ 21.04.2023, Sputnik Արմենիա

2023-04-21T09:11+0400

2023-04-21T09:11+0400

2023-04-21T09:41+0400

հայաստան

արսեն հարությունյան

վազգեն թևանյան

սպորտ

https://cdn.am.sputniknews.ru/img/07e7/04/15/58509324_0:36:1600:936_1920x0_80_0_0_239ac0f8b7c4ca531ba98748496dc189.jpg

ԵՐԵՎԱՆ, 21 ապրիլի – Sputnik. Ազատ ոճի ըմբիշ, Եվրոպայի եռակի չեմպիոն Արսեն Հարությունյանն իր հաղթանակը նվիրում է սահմանը պաշտպանող տղաներին։ Նա այդ մասին հայտարարեց «Զվարթնոց» օդանավակայանում, որտեղ հավաքված հարազատներն ու երկրպագուները։Ավելի վաղ հայտնել էինք, որ Խորվաթիայի մայրաքաղաք Զագրեբում ավարտված ազատ ոճի ըմբշամարտի Եվրոպայի առաջնությունում Հայաստանը երկու ոսկի է նվաճել։ Եվրոպայի եռակի չեմպիոն է դարձել Արսեն Հարությունյանը (61 կգ): Աշխարհի գավաթակիր Վազգեն Թևանյանը (65 կգ) Եվրոպայի Մ17, Մ20 ու Մ23 առաջնություններում հաղթանակներին ավելացրել է նաև մեծահասակների չեմպիոնի տիտղոսը։ Ազատ ոճի ըմբշամարտի Հայաստանի հավաքականը 1994 թվականից հետո առաջին անգամ երկու չեմպիոն ունեցավ մեկ Եվրոպայի առաջնությունում: «Զվարթնոց» օդանավակայանում Եվրոպայի չեմպիոններին դիմավորեցին զուռնա-դհոլով, աղուհացով:«Հաղթանակս նվիրում եմ սահմանին կանգնած տղաներին։ Ինձ համար շատ կարևոր էր, որ երրորդ անգամ նվաճեմ Եվրոպայի չեմպիոնի տիտղոսը։ Ու այս առաջնությունն առանձնացնում եմ, որովհետև եզրափակիչում այնպիսի մարզիկի հետ էի մրցում (աշխարհի գործող չեմպիոնի. խմբ), որ հա՛մ ես ինքս ինձ բան ունեի ապացուցելու, հա՛մ բոլորին»,– ասաց նա` պատասխանելով լրագրողների հարցերին։Ազատ ոճի ըմբշամարտի Եվրոպայի չեմպիոն Վազգեն Թևանյանի համար էլ Զագրեբում նվաճած ոսկին կարևոր էր, քանի որ առաջինն էր մեծահասակների Եվրոպայի առաջնությունում։ Նա առանձնացրեց ադրբեջանցի մրցակցի հետ գոտեմարտը և շեշտեց` ոչ թե այն պատճառով, որ ադրբեջանցի էր, այլ ավելի լարված էր ու ծանրաբեռնված։«Պատվո հարթակին շատ աննկարագրելի զգացումներ էին, որովհետև մեր հիմն էր հնչում, մեր եռագույն էր բարձրանում։ Ինձ համար մեծ պատիվ է ներկայացնել Հայաստանը միջազգային հարթակներում։ Հաղթանակս նվիրում եմ իմ ժողովրդին։ Հաջորդ նպատակս օլիմպիական ուղեգիր նվաճելն է և աշխարհի չեմպիոն դառնալը»,– ավելացրեց նա։Հիշեցնենք, որ ազատ ոճի ըմբշամարտի Եվրոպայի առաջնությունում Հայաստանի հավաքականը թիմային հաշվարկում զբաղեցրեց 5-րդ տեղը։

2023

Լուրեր

am_HY

հայաստան, արսեն հարությունյան, վազգեն թևանյան, սպորտ