https://arm.sputniknews.ru/20230420/tsanramartik-andranik-karapetjany-dardzan-evrvopaji-pvokhchempivon-58495736.html
Ծանրամարտիկ Անդրանիկ Կարապետյանը դարձավ Եվրոպայի փոխչեմպիոն
Ծանրամարտիկ Անդրանիկ Կարապետյանը դարձավ Եվրոպայի փոխչեմպիոն
Sputnik Արմենիա
Հրում վարժությունում հայ մարզիկը գրավեց 4–րդ տեղը, բայց երկամարտի 374 կգ արդյունքով նա դարձավ Եվրոպայի առաջնության արծաթե մեդալակիր։ 20.04.2023, Sputnik Արմենիա
2023-04-20T19:25+0400
2023-04-20T19:25+0400
2023-04-20T21:49+0400
ծանրամարտ
եվրոպայի ծանրամարտի առաջնություն
անդրանիկ կարապետյան
մեդալ
https://cdn.am.sputniknews.ru/img/07e7/04/14/58490529_0:142:1600:1042_1920x0_80_0_0_b15ad36cb5c836dcac4226edd1afc701.jpg
ԵՐԵՎԱՆ, 20 ապրիլի – Sputnik. Երևանում ընթացող ծանրամարտի Եվրոպայի առաջնությանը Հայաստանը ներկայացնող Անդրանիկ Կարապետյանը այսօր պոկում վարժությունում առաջին մոտեցման համար պատվիրել էր 170 կգ քաշը, բայց մրցումների ընթացքում փոխեց նախնական քաշն ու սկսեց 167 կգ-ից։ Ավելի բարձր նախնական հայտ ուներ միայն մրցումների հաղթողի հիմնական հավակնորդ Անտոնինո Պիցոլատոն, բայց ինչպես պարզվեց իտալացի ծանրորդը հրաժարվեց պայքարից։ Այսինքն` ոսկե մեդալի հավակնորդներից մեկը դուրս մնաց պայքարից։ Բացի Պիցոլատոյից պոկում վարժության ընթացքում պարզվեց, որ պայքարից հրաժարվել է նաև ալբանացի Կրենար Շորայը։ Պատճառը երկու ծանրորդների համար էլ ամենայն հավանականությամբ վնասվածքն էր։ Կարապետյանը շատ հստակ կատարեց իր վարժությունն ու անմիջապես պոկում վարժությունում ոսկե մեդալ նվաճելու հայտ ներկայացրեց։Հիմնական մրցակիցը բուլղարացի Կառլոս Նասարն էր։ Երկրորդ մոտեցումով Կարապետյանը գլխավերևում պահեց 173 կգ կշռող ծանրաձողը։ Պոկում վարժությունում չեմպիոն դառնալու համար Անդրանիկը պետք է իրացներ նաև երրորդ մոտեցումը, քանի որ Նասարը բարձրացրել էր 174 կգ-ը։ Հայ ծանրորդը մոտեցավ 178 կգ կշռող քաշին և, բարձրացնելով այն, դարձավ պոկում վարժության ոսկե մեդալակիր ու ռեկորդ սահմանեց։Հրում վարժությունում Կարապետյանի նախնական պատվերը 200 կգ էր, իսկ Նասարը 5 կգ-ով ավելի՝ 205 կգ էր պատվիրել։ Նշենք, որ ի տարբերություն պոկում վարժության, հրումում պայքարը ավելի անզիջում էր, և համարյա բոլոր ծանրորդները բավականին բարձր կիլոգրամներ էին բարձրացնում։ Կարապետյանը սկսեց 190 կգ ծանրաձողը բարձրացնելու փորձով ու, հստակ կատարելով վարժությունը, երկամարտում ստանձնեց առաջատարի դերը։ Այսպիսով հայ ծանրորդը ապահովագրեց երկամարտի արդյունքը։ Իսկ երկրորդ մոտեցման ժամանակ, գլխավերևում պահելով 196 կգ,ը երկամարտում ապահովեց առնվազն արծաթե մեդալը։ Հիմնական մրցակիցը՝ Նասարը, սպասում էր, ու երբ եկավ բուլղարացու մոտեցման պահը, նա վստահ բարձրացրեց 205 կգ-ը։ Հաջորդ քայլը Անդրանիկինն էր։ Երրորդ մոտեցման ժամանակ մեր մարզիկի պատվերը 206 կգ էր։ Բայց արդյունավետ իրացնել մոտեցումը չհաջողվեց, ու երկամարտի 374 կգ արդյունքով հայ ծանրորդը դարձավ Եվրոպայի փոխչեմպիոն։ Հիշեցնենք, որ մինչև օրս Հայաստանի ծանրորդները երկամարտի արդյունքով նվաճել են մեկ ոսկե (Գոռ Սահակյան)և բրոնզե երկու (Իզաբելլա Յայլյան, Ռաֆիկ Հարությունյան) մեդալ։ Իսկ հաշվի առնելով նաև առանձին վարժություններում նվաճած մեդալները, ապա Հայաստանի հավաքականի անվան դիմաց, մինչև Անդրանիկ Կարապետյանի արդյունքը, կար ոսկե 3, արծաթե 1, և բրոնզե 4 մեդալ։Վաղը Հայաստանի հավաքականի կազմում մրցահարթակ են դուրս գալու Աննա Ամրոյանն ու Լիանա Գյուրջյանը, որոնք պայքարի մեջ կմտնեն 81 կգ քաշային կարգում, և Դավիթ Հովհաննիսյանն ու Արա Աղանյանը, որոնք Եվրոպայի առաջնության մեդալներն իրենց մրցակիցների հետ կվիճարկեն 96 կգ քաշային կարգում։
Sputnik Արմենիա
media@sputniknews.com
+74956456601
MIA „Rossiya Segodnya“
2023
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
ծանրամարտ, եվրոպայի ծանրամարտի առաջնություն, անդրանիկ կարապետյան, մեդալ
ծանրամարտ, եվրոպայի ծանրամարտի առաջնություն, անդրանիկ կարապետյան, մեդալ
Ծանրամարտիկ Անդրանիկ Կարապետյանը դարձավ Եվրոպայի փոխչեմպիոն
19:25 20.04.2023 (Թարմացված է: 21:49 20.04.2023) Հրում վարժությունում հայ մարզիկը գրավեց 4–րդ տեղը, բայց երկամարտի 374 կգ արդյունքով նա դարձավ Եվրոպայի առաջնության արծաթե մեդալակիր։
ԵՐԵՎԱՆ, 20 ապրիլի – Sputnik. Երևանում ընթացող ծանրամարտի Եվրոպայի առաջնությանը Հայաստանը ներկայացնող Անդրանիկ Կարապետյանը այսօր պոկում վարժությունում առաջին մոտեցման համար պատվիրել էր 170 կգ քաշը, բայց մրցումների ընթացքում փոխեց նախնական քաշն ու սկսեց 167 կգ-ից։ Ավելի բարձր նախնական հայտ ուներ միայն մրցումների հաղթողի հիմնական հավակնորդ Անտոնինո Պիցոլատոն, բայց ինչպես պարզվեց իտալացի ծանրորդը հրաժարվեց պայքարից։ Այսինքն` ոսկե մեդալի հավակնորդներից մեկը դուրս մնաց պայքարից։
Բացի Պիցոլատոյից պոկում վարժության ընթացքում պարզվեց, որ պայքարից հրաժարվել է նաև ալբանացի Կրենար Շորայը։ Պատճառը երկու ծանրորդների համար էլ ամենայն հավանականությամբ վնասվածքն էր։ Կարապետյանը շատ հստակ կատարեց իր վարժությունն ու անմիջապես պոկում վարժությունում ոսկե մեդալ նվաճելու հայտ ներկայացրեց։
Հիմնական մրցակիցը բուլղարացի Կառլոս Նասարն էր։ Երկրորդ մոտեցումով Կարապետյանը գլխավերևում պահեց 173 կգ կշռող ծանրաձողը։ Պոկում վարժությունում չեմպիոն դառնալու համար Անդրանիկը պետք է իրացներ նաև երրորդ մոտեցումը, քանի որ Նասարը բարձրացրել էր 174 կգ-ը։ Հայ ծանրորդը մոտեցավ 178 կգ կշռող քաշին և, բարձրացնելով այն, դարձավ պոկում վարժության ոսկե մեդալակիր ու ռեկորդ սահմանեց։
Հրում վարժությունում Կարապետյանի նախնական պատվերը 200 կգ էր, իսկ Նասարը 5 կգ-ով ավելի՝ 205 կգ էր պատվիրել։ Նշենք, որ ի տարբերություն պոկում վարժության, հրումում պայքարը ավելի անզիջում էր, և համարյա բոլոր ծանրորդները բավականին բարձր կիլոգրամներ էին բարձրացնում։
Կարապետյանը սկսեց 190 կգ ծանրաձողը բարձրացնելու փորձով ու, հստակ կատարելով վարժությունը, երկամարտում ստանձնեց առաջատարի դերը։ Այսպիսով հայ ծանրորդը ապահովագրեց երկամարտի արդյունքը։ Իսկ երկրորդ մոտեցման ժամանակ, գլխավերևում պահելով 196 կգ,ը երկամարտում ապահովեց առնվազն արծաթե մեդալը։
Հիմնական մրցակիցը՝ Նասարը, սպասում էր, ու երբ եկավ բուլղարացու մոտեցման պահը, նա վստահ բարձրացրեց 205 կգ-ը։ Հաջորդ քայլը Անդրանիկինն էր։ Երրորդ մոտեցման ժամանակ մեր մարզիկի պատվերը 206 կգ էր։ Բայց արդյունավետ իրացնել մոտեցումը չհաջողվեց, ու երկամարտի 374 կգ արդյունքով հայ ծանրորդը դարձավ Եվրոպայի փոխչեմպիոն։
Իսկ Կառլոս Նասարն արդեն չեմպիոնի կարգավիճակում մոտեցավ 221 կգ կշռող ծանրաձողին ու, բարձրացնելով ծանրաձողը, սահմանեց աշխարհի և Եվրոպայի ռեկորդ և՛ հրում վարժությունում, և՛ երկամարտում։ Բայց դրանով էլ 19-ամյա բուլղարացին չբավարարվեց ու պատվիրվեց 222 կգ, սակայն հետո հրաժարվեց ու երկամարտի 395 կգ արդյունքով դարձավ Եվրոպայի չեմպիոն։
Հիշեցնենք, որ մինչև օրս Հայաստանի ծանրորդները երկամարտի արդյունքով նվաճել են մեկ ոսկե (Գոռ Սահակյան)և բրոնզե երկու (Իզաբելլա Յայլյան, Ռաֆիկ Հարությունյան) մեդալ։ Իսկ հաշվի առնելով նաև առանձին վարժություններում նվաճած մեդալները, ապա Հայաստանի հավաքականի անվան դիմաց, մինչև Անդրանիկ Կարապետյանի արդյունքը, կար ոսկե 3, արծաթե 1, և բրոնզե 4 մեդալ։
Վաղը Հայաստանի հավաքականի կազմում մրցահարթակ են դուրս գալու Աննա Ամրոյանն ու Լիանա Գյուրջյանը, որոնք պայքարի մեջ կմտնեն 81 կգ քաշային կարգում, և Դավիթ Հովհաննիսյանն ու Արա Աղանյանը, որոնք Եվրոպայի առաջնության մեդալներն իրենց մրցակիցների հետ կվիճարկեն 96 կգ քաշային կարգում։
