https://arm.sputniknews.ru/20230420/chen-karvogh-mez-teghahan-anel-vor-irenq-shahujt-stanan-firduscinery-karavarutjan-mvot-en-58454646.html
Չեն կարող մեզ տեղահան անել, որ իրենք շահույթ ստանան. ֆիրդուսցիները կառավարության մոտ են
Չեն կարող մեզ տեղահան անել, որ իրենք շահույթ ստանան. ֆիրդուսցիները կառավարության մոտ են
Sputnik Արմենիա
«Ֆիրդուսի» թաղամասի բնակիչները բողոքում են, որ մարտի 22-ից մինչ օրս իրենց ներկայացրած դիմումին ոչ ոք չի արձագանքել, այդ պատճառով էլ հերթական անգամ եկել են... 20.04.2023, Sputnik Արմենիա
2023-04-20T11:11+0400
2023-04-20T11:11+0400
2023-04-20T11:52+0400
ֆիրդուսի
բողոքի ակցիա
հհ կառավարություն
բնակիչ
https://cdn.am.sputniknews.ru/img/701/04/7010405_0:0:1601:901_1920x0_80_0_0_c2da718a7ae6abbd2980b82e365e1f77.jpg
ԵՐԵՎԱՆ, 20 ապրիլի – Sputnik. Երևանի Ֆիրդուսի թաղամասի բնակիչները կրկին կառավարության դիմաց են.նրանք պահանջում են հանդիպում վարչապետի աշխատակազմի ղեկավար Արայիկ Հարությունյանի հետ։Նշենք, որ դեռ 2015 թվականին ՀՀ կառավարությունը, ելնելով գերակա հանրային շահից, որոշել է քանդել Ֆիրդուսի թաղամասի մի քանի տներ և պահեստներ։ Բնակիչների մեծ մասը փոխհատուցում է ստացել, սակայն կան բնակիչներ, որոնք փոխհատուցման չափը համարում են անհամաչափ և չեն լքում իրենց տները։«Սա ոչ թե հանրային շահ է, այլ բիզնես». Ֆիրդուսիի բնակիչները ՀՀ կառավարության շենքի մոտ ենԲնակիչներից մեկը նշեց, որ մարտի 22-ին դիմում էին գրել ու այնտեղ նշել իրենց խնդիրները, բայց մինչ օրս արձագանք չեն ստացել, այնինչ պատասխանը պետք է տասնօրյա ժամկետում տային։Մեկ այլ բնակիչ էլ ներողություն խնդրեց, որ քաղաքական, պատերազմական իրավիճակը թողած, իրենք պայքարում են իրենց գույքի համար, բայց խնդրեց, որպեսզի իրենց էլ ճիշտ հասկանան, քանի որ այդ տներն իրենց քրտինքով կառուցված, ստեղծված տներ են։«Երևանում ծանրամարտի առաջնություն է ընթանում, դեպքեր են լինում, որ մարզիկները քաշ են դնում ու չեն կարողանում բարձրացնել։ Հիմա էլ կառավարությունն իր օղակներով մի հատ ծանրություն է վերցրել, որ բարձրացնի, բայց միանշանակ ասում եմ` չեն կարող։ Նրանք չեն կարող այսքան ժողովրդին, մեզ բոլորիս տեղահան անել ու ասել` մենք պետք է գանք ու շահույթ ստանանք այստեղից»,– ընդգծեց բնակիչը։Ֆիրդուսի թաղամասի բնակիչները կրկին կառավարության մոտ են. նրանց խոստացան ընդունել ավելի ուշԲողոքի ակցիայի մասնակիցները պնդում են, որ իրենց շտապողականությունը կայանում է նրանում, որ իրենց ներկայացրած դիմումի պատասխանը չեն ստացել այն դեպքւոմ, երբ իրենք էլ նամակներ են ստանում, որտեղ 15-օրյա ժամկետ է սահմանված։ Նրանք վստահեցնում են` վիճարկել են կառավարության որոշումը, սակայն մինչ օրս դատական նիստեր չեն կայանում և իրենք կասկածներ ունեն, որ դրանք չեն կատարվում ինչ–որ տեղից հատուկ ուղղորդված։Բնակիչներից մեկը հայտնեց, որ իրենց կառավարությունից ասել են` 3 հոգով վերև բարձրանան և իրենց խնդիրը ներկայացնեն։ Բնակիչները, սակայն, դեմ են և պահանջում են, որ կառավարության ներկայացուցիչը ներքև իջնի և բոլորի հետ զրուցի։Ավելի ուշ Ֆիրդուսիի բնակիչներից 8-ը բարձրացան կառավարության ներկայացուցչի հետ հանդիպման։Սրճարաններ, թանգարաններ և ոչ միայն․ ինչպիսի՞ն է իրականում լինելու Ֆիրդուսի թաղամասըՀավելենք, որ Երևանի կենտրոնում գտնվող Ֆիրդուսի թաղամասն առաջին անգամ հանրային գերակա շահ հռչակվեց 2008 թվականին, նույն որոշումը վերահաստատվեց նաև 2018 թվականի մարտի 22-ին` «թավշյա հեղափոխությունից» մեկ ամիս առաջ:Թաղամասի կառուցապատումը նախատեսվում է ավարտել 2023-2024 թվականներին: Ըստ կառուցապատման նախագծի՝ Ֆիրդուսի նոր թաղամասում լինելու են ինչպես բնակելի շենքեր, այնպես էլ հյուրանոցներ ու բիզնես կենտրոններ:
ֆիրդուսի
Sputnik Արմենիա
media@sputniknews.com
+74956456601
MIA „Rossiya Segodnya“
2023
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
ֆիրդուսի, բողոքի ակցիա, հհ կառավարություն, բնակիչ
ֆիրդուսի, բողոքի ակցիա, հհ կառավարություն, բնակիչ
Չեն կարող մեզ տեղահան անել, որ իրենք շահույթ ստանան. ֆիրդուսցիները կառավարության մոտ են
11:11 20.04.2023 (Թարմացված է: 11:52 20.04.2023) «Ֆիրդուսի» թաղամասի բնակիչները բողոքում են, որ մարտի 22-ից մինչ օրս իրենց ներկայացրած դիմումին ոչ ոք չի արձագանքել, այդ պատճառով էլ հերթական անգամ եկել են գործադիրի դիմաց։
ԵՐԵՎԱՆ, 20 ապրիլի – Sputnik. Երևանի Ֆիրդուսի թաղամասի բնակիչները կրկին կառավարության դիմաց են.նրանք պահանջում են հանդիպում վարչապետի աշխատակազմի ղեկավար Արայիկ Հարությունյանի հետ։
Նշենք, որ դեռ 2015 թվականին ՀՀ կառավարությունը, ելնելով գերակա հանրային շահից, որոշել է քանդել Ֆիրդուսի թաղամասի մի քանի տներ և պահեստներ։ Բնակիչների մեծ մասը փոխհատուցում է ստացել, սակայն կան բնակիչներ, որոնք փոխհատուցման չափը համարում են անհամաչափ և չեն լքում իրենց տները։
Բնակիչներից մեկը նշեց, որ մարտի 22-ին դիմում էին գրել ու այնտեղ նշել իրենց խնդիրները, բայց մինչ օրս արձագանք չեն ստացել, այնինչ պատասխանը պետք է տասնօրյա ժամկետում տային։
«Մեզ կցել էին Ավետիքին (կառավարության ներկայացուցիչ,–խմբ), սակայն նա արդեն չի կարողանում պատասխանել մեր հարցերին, թույլ չեն տալիս, արգելում են իրեն։ Հիմա ուզում ենք արգելողի` աշխատակազմի ղեկավարի (Արայիկ Հարությունյանի,–խմբ.) հետ հանդիպել։ Թող իջնի ու մեր հարցերին պատասխանի, թե ինչ է լինելու։ Օրինակ` Հովիկ Աբրահամյանը (ՀՀ նախկին վարչապետ,–խմբ.), Սերժ Սարգսյանը (ՀՀ 3–րդ նախագահ,–խմբ.) մեզ լուծումներ տվել են։ Սարգսյանը որոշել էր, որ տեղում կառուցապատողից պետք է մեզ տներ տան, իսկ Կարեն Կարապետյանը (ՀՀ նախկին վարչապետ,–խմբ.) կրակի մեջ գցեց, որպեսզի տեղում տուն չտան, հիմա էլ տեսնենք` Նիկոլ Փաշինյանը ինչ կորոշի, ինչ լուծում կառաջարկի»,– լրագրողների հետ զրույցում ասաց բնակիչներից մեկը։
Մեկ այլ բնակիչ էլ ներողություն խնդրեց, որ քաղաքական, պատերազմական իրավիճակը թողած, իրենք պայքարում են իրենց գույքի համար, բայց խնդրեց, որպեսզի իրենց էլ ճիշտ հասկանան, քանի որ այդ տներն իրենց քրտինքով կառուցված, ստեղծված տներ են։
«Երևանում ծանրամարտի առաջնություն է ընթանում, դեպքեր են լինում, որ մարզիկները քաշ են դնում ու չեն կարողանում բարձրացնել։ Հիմա էլ կառավարությունն իր օղակներով մի հատ ծանրություն է վերցրել, որ բարձրացնի, բայց միանշանակ ասում եմ` չեն կարող։ Նրանք չեն կարող այսքան ժողովրդին, մեզ բոլորիս տեղահան անել ու ասել` մենք պետք է գանք ու շահույթ ստանանք այստեղից»,– ընդգծեց բնակիչը։
Բողոքի ակցիայի մասնակիցները պնդում են, որ իրենց շտապողականությունը կայանում է նրանում, որ իրենց ներկայացրած դիմումի պատասխանը չեն ստացել այն դեպքւոմ, երբ իրենք էլ նամակներ են ստանում, որտեղ 15-օրյա ժամկետ է սահմանված։ Նրանք վստահեցնում են` վիճարկել են կառավարության որոշումը, սակայն մինչ օրս դատական նիստեր չեն կայանում և իրենք կասկածներ ունեն, որ դրանք չեն կատարվում ինչ–որ տեղից հատուկ ուղղորդված։
Բնակիչներից մեկը հայտնեց, որ իրենց կառավարությունից ասել են` 3 հոգով վերև բարձրանան և իրենց խնդիրը ներկայացնեն։ Բնակիչները, սակայն, դեմ են և պահանջում են, որ կառավարության ներկայացուցիչը ներքև իջնի և բոլորի հետ զրուցի։
Ավելի ուշ Ֆիրդուսիի բնակիչներից 8-ը բարձրացան կառավարության ներկայացուցչի հետ հանդիպման։
Հավելենք, որ Երևանի կենտրոնում գտնվող Ֆիրդուսի թաղամասն առաջին անգամ հանրային գերակա շահ հռչակվեց 2008 թվականին, նույն որոշումը վերահաստատվեց նաև 2018 թվականի մարտի 22-ին` «թավշյա հեղափոխությունից» մեկ ամիս առաջ:
Թաղամասի կառուցապատումը նախատեսվում է ավարտել 2023-2024 թվականներին: Ըստ կառուցապատման նախագծի՝ Ֆիրդուսի նոր թաղամասում լինելու են ինչպես բնակելի շենքեր, այնպես էլ հյուրանոցներ ու բիզնես կենտրոններ:
