https://arm.sputniknews.ru/20230418/medalner-nakhatesum-einq-bajc-voch-ajsqan-shat-marmnamarziknern-ampvopel-en-aan-u-ean-58352973.html

Մեդալներ նախատեսում էինք, բայց ոչ այսքան շատ. մարմնամարզիկներն ամփոփել են ԱԱ–ն ու ԵԱ–ն

Մեդալներ նախատեսում էինք, բայց ոչ այսքան շատ. մարմնամարզիկներն ամփոփել են ԱԱ–ն ու ԵԱ–ն

Sputnik Արմենիա

Թուրքիայում կայացած առաջնությունները չեն անցել առանց միջադեպերի։ 18.04.2023, Sputnik Արմենիա

2023-04-18T14:25+0400

2023-04-18T14:25+0400

2023-04-18T14:55+0400

մարմնամարզություն

հայաստան

թուրքիա

անթալիա

արթուր դավթյան

վահագն դավթյան

համլետ մանուկյան

մամիկոն խաչատրյան

https://cdn.am.sputniknews.ru/img/07e7/04/12/58349300_0:85:1600:985_1920x0_80_0_0_ba98cfd3a7733a4d89edea581432791d.jpg

ԵՐԵՎԱՆ, 18 ապրիլի - Sputnik. Սպորտային մարմնամարզության Հայաստանի հավաքականների համար 2023թ–ի սկիզբը աննախադեպ ծանրաբեռնված էր։ Մրցումների էին մասնակցում, թե՛ մեծահասակները, թե՛ պատանիները։Հայաստանի մարմնամարզության հավաքականի գլխավոր մարզիչ Հակոբ Սերոբյանը մրցումների ավարտից հետո փաստում է` մարզիկները լավագույնս հանդես եկան աշխարհի և Եվրոպայի առաջնություններում։«Սկզբում երիտասարդների ԱԱ–ն էր, դրանից հետո մեծահասակների ԵԱ–ը, երկուսն էլ՝ Թուրքիայի Անթալիա քաղաքում։ Մրցումների գնալիս մենք մեդալներ նախատեսել էին, բայց դրանք մեր սպասելիքներից շատ եղան»,– լրագրողների հետ հանդիպման ժամանակ հայտարարեց հավաքականի գլխավոր մարզիչ Հակոբ Սերոբյանը։Պատանի մարմնամարզիկները խոսելով ԱԱ–ում իրենց գրանցած հաջողությունների մասին նշում են, որ դա մարզչական գերազանց աշխատանքի արդյունքն է ու խոսք են տալիս ամեն ինչ անել, որ չհիասթափեցնեն իրենց մարզիչներին։«Այս արդյունքից հետո պետք է այնքան չարչարվենք, այնքան աշխատենք, որ հանկարծ հետ քայլ չկատարենք։ Միայն ավելի մեծ բարձունքներ նվաճենք»,– ասաց մարմնամարզիկ Համլետ Մանուկյանը։Գլխավոր մարզիչը նշեց, որ երիտասարդ մարմնամարզիկների հետ հիմա սկսում են պատրաստվել ամռանը կայանալիք պատանիների օլիմպիական փառատոնին։ Այստեղ նույնպես հավաքականը մեդալների ակնկալիքներ ունի։Իսկ աշխարհի ու Եվրոպայի չեմպիոն, Օլիմպիական խաղերի բրոնզե մեդալակիր Արթուր Դավթյանը հայտնեց, որ սկսում է պատրաստվել Փարիզի 2024 թվականի Օլիմպիական խաղերին։ Այստեղ նա փորձելու է բարդացնել ցատկը հենացատկի վարժությունում։«Պետք է շատ անթերի ցատկ կատարեմ, քանի որ մրցակցությունը բարդ է լինելու: Սա սպորտ է, կարող ես մի փոքր քայլ անել, ինչն առաջին տեղից քեզ կիջեցնի 4-րդ տեղ: Կաշխատենք, ամեն ինչ կանենք: Ամենակարևորն այն է, որ վնասվածք չունենամ»,- ասաց Արթուր Դավթյանը:Թուրքիայում կայացած առաջնությունները, ցավոք, առանց միջադեպերի չեն անցել։ Հակոբ Սերոբյանը պատմեց լրագրողներին, թե ինչ խնդիրների են նրանք բախվել։«Առավոտ շուտ դոպինգ ստուգում են անցկացրել միայն մեր մարզիկների համար: Դահլիճում էլ Հայաստանի դրոշի փոխարեն Կոլումբիայի դրոշն էին կախել: Վրդովվեցի: Ներողություն խնդրեցին, ասացին, որ շփոթել են ու արագ փոխեցին դրոշը»,– ասաց Հակոբ Սերոբյանը:Հիշեցնենք, որ Հակոբ Սերոբյանի գլխավորած հավաքականը 3 մեդալով ավարտեց պայքարը Եվրոպայի առաջնությունում՝ 1 ոսկե, 1 արծաթե և 1 բրոնզե: Արթուր Դավթյանը ոսկե մեդալ նվաճեց հենացատկի վարժությունում և բրոնզե մեդալ` նժույգ թափերում։Իսկ Եվրոպայի փոխչեմպիոն հռչակվեց Վահագն Դավթյանը` օղակներ վարժությունում:Երիտասարդների աշխարհի առաջնությանը հայ մարմնամարզիկները նվաճեցին 2 ոսկի և 1 արծաթե մեդալ։ Թիմային ստուգատեսում Հայաստանի հավաքականը չորրորդ տեղն էր զբաղեցրել։ Համլետ Մանուկյանը աշխարհի չեմպիոնի կոչումն էր նվաճել նժույգ թափերի և օղակների վրա վարժությունում, իսկ Մամիկոն Խաչատրյանն աշխարհի փոխչեմպիոն էր դարձել նժույգ թափերի վրա վարժությունում։

թուրքիա

անթալիա

2023

Լուրեր

am_HY

մարմնամարզություն, հայաստան, թուրքիա, անթալիա, արթուր դավթյան, վահագն դավթյան, համլետ մանուկյան, մամիկոն խաչատրյան