https://arm.sputniknews.ru/20230418/datakhazutjuny-hvovik-abrahamjanin-meghadrum-e-pvogheri-lvacman-mej-58331495.html
Դատախազությունը Հովիկ Աբրահամյանին մեղադրում է փողերի լվացման մեջ
Դատախազությունը Հովիկ Աբրահամյանին մեղադրում է փողերի լվացման մեջ
Sputnik Արմենիա
Ըստ դատախազության՝ 2008-2015 թվականների ընթացքում Հովիկ Աբրահամյանը վստահված անձանց միջոցով, ապօրինի մասնակցելով «Ավազահատիկ» ընկերության գործունեությանը... 18.04.2023, Sputnik Արմենիա
2023-04-18T11:42+0400
2023-04-18T11:42+0400
2023-04-18T11:53+0400
հովիկ աբրահամյան
հհ դատախազություն
մեղադրանք
https://cdn.am.sputniknews.ru/img/22/18/221866_0:0:1000:563_1920x0_80_0_0_071f254f621e50c418e951d4779e4995.jpg
ԵՐԵՎԱՆ, 18 ապրիլի – Sputnik. ՀՀ նախկին վարչապետ Հովիկ Աբրահամյանը մեղադրվում է առանձնապես խոշոր չափերով փողերի լվացման, պաշտոնեական լիազորություններն անցնելու և ձեռնարկատիրական գործունեությանն ապօրինի մասնակցելու մեջ։ Այս մասին հայտնում է ՀՀ դատախազության մամուլի ծառայությունը։Պարզվել է, որ 2006–2016 թթ–ին հանդիսանալով հանրային պաշտոն զբաղեցնող պաշտոնատար անձ, Հովիկ Աբրահամյանը ձեռնարկատիրական գործունեություն իրականացնելու արգելքին հակառակ՝ վստահված անձանց միջոցով մասնակցել է ավազի արդյունահանմամբ զբաղվող «Ավազահատիկ» ընկերության կառավարմանը՝ օրինականացնելով դրա արդյունքում հանցավոր ճանապարհով ստացված առանձնապես խոշոր չափերով գույքերը:Հակակոռուպցիոն կոմիտեում քննվող քրեական վարույթով հիմնավորվել է, որ նախկին վարչապետը ապօրինի տիրացել է ընկերության 60 տոկոսի բաժնետեր Գ.Գ.-ի բաժնեմասին։ Այդ նպատակով վստահված անձանց միջոցով ընկերության կառավարմանը մասնակցելու դիտավորությամբ, խոչընդոտներ է ստեղծել «Ավազահատիկ» ընկերության կողմից Արարատի մարզի Նորամարգ համայնքից վարձակալած 5 հա հողատարածքից օրենքով սահմանված կարգով իրականացվող ավազի արդյունահանումը իրականացնելու համար, ինչպես նաև միջոցներ է ձեռնարկել արդյունահանումը դադարեցնելու ուղղությամբ:Այնուհետեև` 2008 թվականի հունիս 11-ին, 24-ին, հուլիսի 2-ին, 7-ին՝ ՀՀ նախագահի աշխատակազմի ղեկավարի պաշտոնը զբաղեցրած Հովիկ Աբրահամյանը «Ավազահատիկ» ընկերության 60 տոկոսի բաժնետեր Գ.Գ.-ի ընկերոջ՝ Կ.Կ.-ի միջնորդությամբ, իր աշխատավայրում տեղի ունեցած հանդիպման ժամանակ, Գ.Գ.-ին ներկայացրել է ապօրինի պահանջ` ընկերության 60 տոկոս բաժնեմասը իր եղբորը` Հենրիկ Աբրահամյանին և տվյալ պահին ՀՀ ոստիկանության պետի պաշտոնը զբաղեցնող Ալիկ Սարգսյանի ներկայացուցչի անվամբ համամասնորեն գրանցելու վերաբերյալ:Գ.Գ.-ն, այլ ելք չունենալով, ընկերության հետագա գործունեությունը շարունակելու նպատակով, ստիպված ընդունել է այդ պահին ՀՀ նախագահի աշխատակազմի ղեկավարի պաշտոնը զբաղեցնող Հովիկ Աբրահամյանի առաջարկը և իրեն պատկանող բաժնեմասի 30 տոկոսը վաճառել է վերջինիս եղբորը, մյուս 30 տոկոսը՝ Ոստիկանության պետ Ալիկ Սարգսյանի եղբոր` Ք.Ս.-ի աներորդուն՝ Խ.Ա.-ին: Փողերի լվացում Covid-19-ի շրջանում. «Մեդլայնի» 8 աշխատակիցներն ազատության մեջ ենԱյնուհետև Հենրիկ Աբրահամյանը Նորամարգի գյուղապետարանում հանդիպել է համայնքի ղեկավար Ս.Գ.-ին և վերջինիս հետ ձեռք բերել պայմանավորվածություն՝ 5 հա հողատարածքը վարձակալությամբ կրկին «Ավազահատիկ» ընկերությանը տալու ձևական մրցույթ կազմակերպելու շուրջ:2008 թվականի հուլիսի 22-ին կայացած ձևական մրցույթի արդյունքում հաղթող է ճանաչվել «Ավազահատիկ» ընկերությունը:Դրանից հետո կնքվել է պայմանագիր, որով նշված հողատարածքն ավազի արդյունահանման նպատակով 25 տարի ժամկետով 90 հազար դրամ տարեկան վարձավճարով կրկին վարձակալության է տրամադրվել ընկերությանը, այդպիսով՝ փաստացի հնարավորություն տալով նշված ընկերությանը իրականացնել ավազի հանույթ:Այսպիսով` 2008-2015 թվականների ընթացքում Հովիկ Աբրահամյանը վստահված անձանց միջոցով, ապօրինի մասնակցելով «Ավազահատիկ» ընկերության գործունեությանը, ավազի հանքի շահագործումից ստացել է շուրջ 230 մլն 400 հազար դրամի շահույթ:Վերոնշյալ դրամական միջոցներն օրինականացնելու դիտավորությամբ` Հովիկ Աբրահամյանը գումարը միախառնել է իր այլ եկամուտների հետ։Վերոնշյալ գործողությունների հետևանքով թաքցվել է գույքերի իրական պատկանելիությունը, խեղաթյուրվել է դրանց հանցավոր ծագումը, ինչի արդյունքում օրինականացվել է հանցավոր ճանապարհով ստացված նշված առանձնապես խոշոր չափերի՝ 230 մլն 400 հազար դրամըՀսկող դատախազը սեփական նախաձեռնությամբ 2023 թվականի ապրիլի 17-ին որոշում է կայացրել Հովիկ Աբրահամյանի նկատմամբ ՀՀ նախկին քրեական օրենսգրքի 190-րդ հոդվածի 3-րդ մասի 1-ին և 3-րդ կետերով (պաշտոնեական դիրքն օգտագործելով՝ հանցավոր ճանապարհով ստացված առանձնապես խոշոր չափերով գույքն օրինականացնելը (փողերի լվացումը)), 309-րդ հոդվածի 1-ին մասով (պաշտոնեական լիազորություններն անցնելը) և 310-րդ հոդվածով (ձեռնարկատիրական գործունեությանն ապօրինի մասնակցելը) հանրային քրեական հետապնդում հարուցելու մասին:
Sputnik Արմենիա
media@sputniknews.com
+74956456601
MIA „Rossiya Segodnya“
2023
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
հովիկ աբրահամյան, հհ դատախազություն, մեղադրանք
հովիկ աբրահամյան, հհ դատախազություն, մեղադրանք
Դատախազությունը Հովիկ Աբրահամյանին մեղադրում է փողերի լվացման մեջ
11:42 18.04.2023 (Թարմացված է: 11:53 18.04.2023) Ըստ դատախազության՝ 2008-2015 թվականների ընթացքում Հովիկ Աբրահամյանը վստահված անձանց միջոցով, ապօրինի մասնակցելով «Ավազահատիկ» ընկերության գործունեությանը, ավազի հանքի շահագործումից ստացել է շուրջ 230 մլն 400 հազար դրամի շահույթ:
ԵՐԵՎԱՆ, 18 ապրիլի – Sputnik. ՀՀ նախկին վարչապետ Հովիկ Աբրահամյանը մեղադրվում է առանձնապես խոշոր չափերով փողերի լվացման, պաշտոնեական լիազորություններն անցնելու և ձեռնարկատիրական գործունեությանն ապօրինի մասնակցելու մեջ։ Այս մասին հայտնում է
ՀՀ դատախազության մամուլի ծառայությունը։
Պարզվել է, որ 2006–2016 թթ–ին հանդիսանալով հանրային պաշտոն զբաղեցնող պաշտոնատար անձ, Հովիկ Աբրահամյանը ձեռնարկատիրական գործունեություն իրականացնելու արգելքին հակառակ՝ վստահված անձանց միջոցով մասնակցել է ավազի արդյունահանմամբ զբաղվող «Ավազահատիկ» ընկերության կառավարմանը՝ օրինականացնելով դրա արդյունքում հանցավոր ճանապարհով ստացված առանձնապես խոշոր չափերով գույքերը:
Հակակոռուպցիոն կոմիտեում քննվող քրեական վարույթով հիմնավորվել է, որ նախկին վարչապետը ապօրինի տիրացել է ընկերության 60 տոկոսի բաժնետեր Գ.Գ.-ի բաժնեմասին։ Այդ նպատակով վստահված անձանց միջոցով ընկերության կառավարմանը մասնակցելու դիտավորությամբ, խոչընդոտներ է ստեղծել «Ավազահատիկ» ընկերության կողմից Արարատի մարզի Նորամարգ համայնքից վարձակալած 5 հա հողատարածքից օրենքով սահմանված կարգով իրականացվող ավազի արդյունահանումը իրականացնելու համար, ինչպես նաև միջոցներ է ձեռնարկել արդյունահանումը դադարեցնելու ուղղությամբ:
Այդ ընթացքում `այլ պաշտոնատար անձանց բանավոր ցուցումով Հովիկ Աբրահամյանի եղբայրը՝ Հենրիկ Աբրահամյանը հանձնարարել է Արարատի մարզի Նորամարգ համայնքի ղեկավարի պաշտոնը զբաղեցրած Ս.Գ.-ին լուծել համայնքի ու «Ավազահատիկ» ընկերության միջև կնքված պայմանագիրը։
Այնուհետեև` 2008 թվականի հունիս 11-ին, 24-ին, հուլիսի 2-ին, 7-ին՝ ՀՀ նախագահի աշխատակազմի ղեկավարի պաշտոնը զբաղեցրած Հովիկ Աբրահամյանը «Ավազահատիկ» ընկերության 60 տոկոսի բաժնետեր Գ.Գ.-ի ընկերոջ՝ Կ.Կ.-ի միջնորդությամբ, իր աշխատավայրում տեղի ունեցած հանդիպման ժամանակ, Գ.Գ.-ին ներկայացրել է ապօրինի պահանջ` ընկերության 60 տոկոս բաժնեմասը իր եղբորը` Հենրիկ Աբրահամյանին և տվյալ պահին ՀՀ ոստիկանության պետի պաշտոնը զբաղեցնող Ալիկ Սարգսյանի ներկայացուցչի անվամբ համամասնորեն գրանցելու վերաբերյալ:
Գ.Գ.-ն, այլ ելք չունենալով, ընկերության հետագա գործունեությունը շարունակելու նպատակով, ստիպված ընդունել է այդ պահին ՀՀ նախագահի աշխատակազմի ղեկավարի պաշտոնը զբաղեցնող Հովիկ Աբրահամյանի առաջարկը և իրեն պատկանող բաժնեմասի 30 տոկոսը վաճառել է վերջինիս եղբորը, մյուս 30 տոկոսը՝ Ոստիկանության պետ Ալիկ Սարգսյանի եղբոր` Ք.Ս.-ի աներորդուն՝ Խ.Ա.-ին:
Այնուհետև Հենրիկ Աբրահամյանը Նորամարգի գյուղապետարանում հանդիպել է համայնքի ղեկավար Ս.Գ.-ին և վերջինիս հետ ձեռք բերել պայմանավորվածություն՝ 5 հա հողատարածքը վարձակալությամբ կրկին «Ավազահատիկ» ընկերությանը տալու ձևական մրցույթ կազմակերպելու շուրջ:
2008 թվականի հուլիսի 22-ին կայացած ձևական մրցույթի արդյունքում հաղթող է ճանաչվել «Ավազահատիկ» ընկերությունը:
Դրանից հետո կնքվել է պայմանագիր, որով նշված հողատարածքն ավազի արդյունահանման նպատակով 25 տարի ժամկետով 90 հազար դրամ տարեկան վարձավճարով կրկին վարձակալության է տրամադրվել ընկերությանը, այդպիսով՝ փաստացի հնարավորություն տալով նշված ընկերությանը իրականացնել ավազի հանույթ:
Այսպիսով` 2008-2015 թվականների ընթացքում Հովիկ Աբրահամյանը վստահված անձանց միջոցով, ապօրինի մասնակցելով «Ավազահատիկ» ընկերության գործունեությանը, ավազի հանքի շահագործումից ստացել է շուրջ 230 մլն 400 հազար դրամի շահույթ:
Վերոնշյալ դրամական միջոցներն օրինականացնելու դիտավորությամբ` Հովիկ Աբրահամյանը գումարը միախառնել է իր այլ եկամուտների հետ։
Մասնավորապես` նա ինչպես 2008-2015 թվականների ընթացքում, այնպես էլ դրանից հետո՝ ներառյալ 2018 թվականը, ձեռք է բերել և իր ու իր հետ փոխկապակցված անձանց անուններով հաշվառել է մեկ տասնյակից ավելի տարբեր արժողության գույքեր:
Վերոնշյալ գործողությունների հետևանքով թաքցվել է գույքերի իրական պատկանելիությունը, խեղաթյուրվել է դրանց հանցավոր ծագումը, ինչի արդյունքում օրինականացվել է հանցավոր ճանապարհով ստացված նշված առանձնապես խոշոր չափերի՝ 230 մլն 400 հազար դրամը
Հսկող դատախազը սեփական նախաձեռնությամբ 2023 թվականի ապրիլի 17-ին որոշում է կայացրել Հովիկ Աբրահամյանի նկատմամբ ՀՀ նախկին քրեական օրենսգրքի 190-րդ հոդվածի 3-րդ մասի 1-ին և 3-րդ կետերով (պաշտոնեական դիրքն օգտագործելով՝ հանցավոր ճանապարհով ստացված առանձնապես խոշոր չափերով գույքն օրինականացնելը (փողերի լվացումը)), 309-րդ հոդվածի 1-ին մասով (պաշտոնեական լիազորություններն անցնելը) և 310-րդ հոդվածով (ձեռնարկատիրական գործունեությանն ապօրինի մասնակցելը) հանրային քրեական հետապնդում հարուցելու մասին:
