https://arm.sputniknews.ru/20230414/qp-akan-4-patgamavvor-sparnacel-e-indz-tvovmasjany-handznazhvoghvovum-teghi-unecatsi-masin-58190474.html

ՔՊ-ական 4 պատգամավոր սպառնացել են ինձ. Թովմասյանը` հանձնաժողովում տեղի ունեցածի մասին

ՔՊ-ական 4 պատգամավոր սպառնացել են ինձ. Թովմասյանը` հանձնաժողովում տեղի ունեցածի մասին

Sputnik Արմենիա

Մարդու իրավունքների և հանրային հարցերի մշտական հանձնաժողովի նիստին Վլադիմիր Վարդանյանը Թագուհի Թովմասյանին առաջարկել է կողմ քվեարկել ՄԻՊ իշխանական թեկնածուի... 14.04.2023, Sputnik Արմենիա

2023-04-14T18:58+0400

2023-04-14T18:58+0400

2023-04-14T19:03+0400

թագուհի թովմասյան

աժ (ազգային ժողով)

նիստ

էդգար ղազարյան

անահիտ մանասյան

«քաղաքացիական պայմանագիր» կուսակցություն

պատգամավոր

սպառնալիք

https://cdn.am.sputniknews.ru/img/07e7/04/0e/58170355_0:0:1601:901_1920x0_80_0_0_d88fc3fb0bc7530bf4d29877c549dca9.jpg

ԵՐԵՎԱՆ, 14 ապրիլի – Sputnik. ՀՀ ԱԺ «Քաղաքացիական պայմանագիր» խմբակցության պատգամավորներն անթաքույց, ուղիղ եթերի ժամանակ սպառնացել են անկախ պատգամավոր, մարդու իրավունքների և հանրային հարցերի մշտական հանձնաժողովի նախագահ Թագուհի Թովմասյանին։ Այս մասին Sputnik Արմենիայի հետ զրույցում պատմեց անձամբ Թովմասյանը` անդրադառնալով ապրիլի 4-ին հանձնաժողովի նիստում տեղի ունեցած միջադեպին։Նշենք, որ այդ օրը նիստի ժամանակ հանձնաժողովի անդամները պետք է լսեին ՄԻՊ թեկնածուներ Էդգար Ղազարյանի (առաջադրել էր ընդդիմությունը– խմբ.) և Անահիտ Մանասյանի (առաջադրել էր իշխանությունը– խմբ.) ելույթները և հարցեր ուղղեին նրանց, ապա այդ թեկնածուների ընտրության քննարկում պետք է լիներ։Պատգամավորը մանրամասնեց, որ նիստի ընթացքում, երբ պետք է ելույթ ունենար Էդգար Ղազարյանը, ՔՊ-ականները ստիպում էին իրեն այդ գոռգոռոցների պահին թեկնածության հարցը դնել քվեարկության, որպեսզի մերժեն, ու Ղազարյանը հեռանա դահլիճից։«Մի այլ դեպք էլ է եղել այդ օրը։ Դեռ նիստն ամբողջությամբ իր հունի մեջ չէր մտել իշխանական խմբակցության 4 պատգամավոր միանգամից հայտարարեցին իրենց պատրաստակամության և իրենց նպատակների մասին։ Առաջինը Հովիկ Աղազարյանն էր, որը նիստը դեռ չսկսված հայտարարեց, որ եթե նիստը չվարեմ այնպես, ինչպես հարկն է, կբարձրացնեն իմ պաշտոնանկության հարցը։ «Ինչպես հարկն է» արտահայտությունն էլ նշանակում է ՔՊ-ի սրտով։ Սա նշանակում է, որ խմբակցության ներսում քննարկում է եղել, որի ընթացքում դերերը հստակ բաշխվել են` թե ով ինչպես ինձ պետք է հունից հանի կամ դրդի, որպեսզի սխալներ թույլ տամ»,–ասաց Թովմասյանը։Աղազարյանից հետո արդեն նիստի ընթացքում, որը հեռարձակվում էր ուղիղ եթերում, նման միտք մի քանի անգամ հնչեցրել է ՔՊ խմբակցության քարտուղար Արթուր Հովհաննիսյանը և պատգամավորներ Վլադիմիր Վարդանյանը և Ռուստամ Բաքոյանը։Նկատի ունեին, այնպես անեմ, որպեսզի Էդգար Ղազարյանը ներողություն խնդրի ժողովրդից, ինչը, իսկապես, ես արեցի։ Մի քանի անգամ նրան առաջարկեցի ներողություն խնդրել քաղաքացիներից ու չվիրավորել»,–ասաց Թովմասյանը։Նա նկատեց, որ հնարավոր է քաղաքական իշխանությունը ցանկանում է ազատվել իրենից, քանի որ պարբերաբար զեկույցներ է ուղարկում միջազգային մի շարք կառույցների` Հայաստանում մարդու իրավունքների պաշտպանության վերաբերյալ։ Զեկույցներում Թովմասյանն այնպիսի կետեր է ներառում, որոնք, ըստ իրեն, չեն համապատասխանում ՔՊ–ականների տեսակետներին, այդ պատճառով էլ ինքը «սև ցուցակում է հայտնվում։ Ընդդիմադիր պատգամավորը վստահեցրեց` կարող են հանգիստ սկսել իր պաշտոնանկության գործընթացը, միևնույնն է չեն հաջողելու, քանի որ փաստեր չկան։Նշենք, որ ապրիլի 4–ին կայացած Ազգային ժողվում մարդու իրավունքների և հանրային հարցերի մշտական հանձնաժողովի նիստը, որտեղ քննարկվում է ՄԻՊ թեկնածուի վերաբերյալ հարցը, անցել է բավականին լարված մթնոլորտում և ՔՊ–ականների և ընդդիմադիր ՄԻՊ թեկնածու Էդգար Ղազարյանի միջև փոխադարձ վիրավորանքների ուղեկցությամբ։ Մասնավորապես վիրավորանքների տարափով աչքի է ընկել իշխանական պատգամավոր Արթուր Հովհաննիսյանը։Թեժ քննարկումից հետո ՄԻՊ պաշտպանի պաշտոնում հաստատվեց ՔՊ–ի առաջադրած Անահիտ Մանասյանի թեկնածությունը։«ՔՊ–ականները խուլիգանական վարքագիծ են դրսևորել». Էդգար Ղազարյանը հաղորդում է ներկայացրել

2023

Լուրեր

am_HY

թագուհի թովմասյան, աժ (ազգային ժողով), նիստ, էդգար ղազարյան, անահիտ մանասյան, «քաղաքացիական պայմանագիր» կուսակցություն, պատգամավոր, սպառնալիք