Պատրաստ ենք համագործակցության նոր էջ բացել. ԵԱՀԿ նախագահը` Վահագն Խաչատուրյանին
20:35 13.04.2023 (Թարմացված է: 20:36 13.04.2023)
© Photo : official site of the President of RAԵԱՀԿ նախագահի հանդիպումը Վահագն Խաչատուրյանի հետ
![ԵԱՀԿ նախագահի հանդիպումը Վահագն Խաչատուրյանի հետ ԵԱՀԿ նախագահի հանդիպումը Վահագն Խաչատուրյանի հետ - Sputnik Արմենիա, 1920, 13.04.2023](https://cdn.am.sputniknews.ru/img/07e7/04/0d/58136643_37:347:1786:1331_1920x0_80_0_0_63351b868d15336e2a95d4631fa9f01f.jpg)
© Photo : official site of the President of RA
Բաժանորդագրվել
Բույար Օսմանիի խոսքով` ԵԱՀԿ-ն պատրաստ է ավելի մեծ փոխգործակցության առկա և նոր նախաձեռնությունների հիման վրա:
ԵՐԵՎԱՆ, 13 ապրիլի – Sputnik. Պատրաստ ենք համագործակցության նոր էջ բացել՝ հաշվի առնելով փոփոխված աշխարհաքաղաքական հանգամանքները: ՀՀ նախագահ Վահագն Խաչատուրյանի հետ հանդիպման ժամանակ այս մասին ասել է ԵԱՀԿ գործող նախագահ, Հյուսիսային Մակեդոնիայի արտաքին գործերի նախարար Բույար Օսմանին, տեղեկանում ենք ՀՀ նախագահի աշխատակազմից։
«Մենք ունենք արժեքավոր և արդյունավետ համագործակցություն՝ հիմնված փոխվստահության վրա»,–ասել է Օսմանին։
Նա, անդրադառնալով հակամարտությունների կարգավորմանը, նշել է, որ ԵԱՀԿ-ն և մասնավորապես Հյուսիսային Մակեդոնիան, նման հիմնախնդիրների լուծման մեծ փորձառություն ունեն և պատրաստակամ են կիսվել այդ փորձով:
© Photo : official site of the President of RAԵԱՀԿ նախագահի հանդիպումը Վահագն Խաչատուրյանի հետ
![Президент Ваагн Хачатурян принял делегацию во главе с Действующим председателем ОБСЕ, министром иностранных дел Северной Македонии Буяром Османи (13 апреля 2023). Еревaн Президент Ваагн Хачатурян принял делегацию во главе с Действующим председателем ОБСЕ, министром иностранных дел Северной Македонии Буяром Османи (13 апреля 2023). Еревaн - Sputnik Արմենիա, 1920, 13.04.2023](https://cdn.am.sputniknews.ru/img/07e7/04/0d/58136411_0:0:2000:1331_1920x0_80_0_0_1332689273453e28f6cb1527509cb72d.jpg)
ԵԱՀԿ նախագահի հանդիպումը Վահագն Խաչատուրյանի հետ
© Photo : official site of the President of RA
ՀՀ նախագահն էլ ասել է, որ ԵԱՀԿ-ն իր դերն ունի մեր տարածաշրջանի հիմնախնդիրների հանգուցալուծման հարցում՝ հաշվի առնելով և ԵԱՀԿ-ի գործունեությունը, և ԵԱՀԿ-ի հետ մեր ունեցած երկարաժամկետ աշխատանքային փորձը:
Զրուցակիցները քննարկել են ԼՂ հիմնախնդրի կարգավորման, Լաչինի միջանցքի ապօրինի շրջափակման հետևանքով ԼՂ-ում ստեղծված հումանիտար ճգնաժամի, ԼՂ բնակչության անվտանգության ու իրավունքների պաշտպանության մեխանիզմների վերաբերյալ հարցեր:
Հավելենք, որ ՀՀ նախագահի հետ հանդիպումից հետո Օսմանին իր թվիթերյան էջում ամփոփել է տարածաշրջան կատարած այցը` գրելով, որ ԵԱՀԿ-ն պատրաստ է ավելի մեծ փոխգործակցության`առկա և նոր նախաձեռնությունների հիման վրա: Նրա խոսքով` ակնկալում են բոլոր շահագրգիռ կողմերի լիակատար աջակցությունը Հարավային Կովկասում խաղաղության ապահովմանն ուղղված ջանքերում:
Concluding my visit to the South Caucasus by meeting @President_Arm Khachaturyan. The @OSCE is ready to engage more based on existing & new initiatives. Hope for full support by all stakeholders in our common efforts to secure peace in South Caucasus. pic.twitter.com/DxLLGDZeSr
— Bujar Osmani (@Bujar_O) April 13, 2023
Հիշեցնենք, որ Օսմանին այսօր հանդիպել է նաև ՀՀ վարչապետ Նիկոլ Փաշինյանի, ինչպես նաև ՀՀ ԱԳ նախարար Արարատ Միրզոյանի հետ։
Ավելի վաղ ԵԱՀԿ նախագահն այցելել է Ադրբեջան, որտեղ հանդիպումներ է ունեցել երկրի բարձրագույն ղեկավարության հետ։