Ղրիմում հայտնաբերված մեդալը գտավ իր հերոսին, իսկ հայ վետերանի ընտանիքը՝ հարազատներին
15:41 05.04.2023 (Թարմացված է: 16:04 05.04.2023)
© Sputnik / Aram NersesyanԴ նախագահին առընթեր Ղրիմի Հանրապետության մշտական ներկայացուցիչ Գեորգի Մուրադովը հանձնում է մեդալը
![Դ նախագահին առընթեր Ղրիմի Հանրապետության մշտական ներկայացուցիչ Գեորգի Մուրադովը հանձնում է մեդալը Դ նախագահին առընթեր Ղրիմի Հանրապետության մշտական ներկայացուցիչ Գեորգի Մուրադովը հանձնում է մեդալը - Sputnik Արմենիա, 1920, 05.04.2023](https://cdn.am.sputniknews.ru/img/07e7/04/05/57707291_0:65:1600:966_1920x0_80_0_0_53fc9a6dfc72fc1961a3f08935ba4745.jpg)
Դ նախագահին առընթեր Ղրիմի Հանրապետության մշտական ներկայացուցիչ Գեորգի Մուրադովը հանձնում է մեդալը
© Sputnik / Aram Nersesyan
Բաժանորդագրվել
«Մարտական ծառայություն» մեդալը Գևորգ Աբրահամյանի՝ Ղրիմում ստացած առաջին պարգևն էր:
ԵՐԵՎԱՆ, 5 ապրիլի – Sputnik. Հայրենական մեծ պատերազմի վետերան Գևորգ Աբրահամյանի «Մարտական ծառայություն» մեդալը, որը նա ստացել էր Ղրիմում և որը տասնյակ տարիներ կորած էր համարվում, այսօր Sputnik Արմենիա մուլտիմեդիոն մամուլի կենտրոնում հանձնվեց նրա թոռանը՝ Խաչիկ Մարտոյանին:
Մեդալն ու «Հայրենիք» որոնողական ասոցիացիայի նամակը վետերանի հարազատներին հանձնեց Ղրիմի Հանրապետության նախարարների խորհրդի նախագահի տեղակալ, ՌԴ նախագահին առընթեր Ղրիմի Հանրապետության մշտական ներկայացուցիչ Գեորգի Մուրադովը, որը Երևան է եկել Հայաստանում անցկացվող Ղրիմի օրերի շրջանակում։
© Sputnik / Aram NersesyanԳևորգ Աբրահամյանի «Մարտական ծառայություն» մեդալը
![Постоянный представитель Республики Крым при президенте РФ Георгий Мурадов держит в руках медаль За боевые заслуги ветерана ВОВ Геворка Абрамяна (5 апреля 2023). Еревaн Постоянный представитель Республики Крым при президенте РФ Георгий Мурадов держит в руках медаль За боевые заслуги ветерана ВОВ Геворка Абрамяна (5 апреля 2023). Еревaн - Sputnik Արմենիա, 1920, 05.04.2023](https://cdn.am.sputniknews.ru/img/07e7/04/05/57707401_0:0:1600:1065_1920x0_80_0_0_7ed8ee6c6cbdb9d14bebd2db747947a1.jpg)
Գևորգ Աբրահամյանի «Մարտական ծառայություն» մեդալը
© Sputnik / Aram Nersesyan
«Զարմանալի բան է, տարիներ են անցել, բայց մենք կրկին խոսում ենք Գևորգ Աբրահամյանի մասին՝ որպես հերոսի։ Մարդ, որը մեր բազմազգ ժողովրդի հետ ուս ուսի տված երկիրը ազատագրել է ֆաշիզմից, նացիզմից, որին, ցավոք, այսօր էլ ենք ստիպված առերեսվել»,- նշեց Ղրիմի փոխվարչապետը։
Նա նաև կարևորեց Հայաստանի և Ղրիմի ժողովուրդներին միավորող հնագույն կապերը։ Միջնադարում Ղրիմի տարածքում մեծաթիվ հայկական համայնք է եղել, թերակղզին նույնիսկ ծովային Հայաստան են անվանել։ Մինչ օրս այնտեղ հայկական մշակութային հուշարձաններ են պահպանվել, 14-րդ, 17-րդ, 19-րդ դարերի եկեղեցիներ, որոնք միավորում են Ղրիմում ապրող հայերին։ Ուստի Մուրադովն ընդգծեց, որ պետք է խոսել ոչ միայն 20-րդ դարի էջերի, այլ մեր ժողովուրդների դարավոր կապի և միասնության մասին։
© Sputnik / Asatur YesayantsԴմիտրի Պիսարենկոն, Գեորգի Մուրադովը և Սիմոն Եսայանը Հայաստանում Ղրիմի օրերին նվիրված ասուլիսի ժամանակ
![Дмитрий Писаренко, Георгий Мурадов и Симон Есаян на пресс-конференции, посвященной Дням Крыма в Армении (5 апреля 2023). Еревaн Дмитрий Писаренко, Георгий Мурадов и Симон Есаян на пресс-конференции, посвященной Дням Крыма в Армении (5 апреля 2023). Еревaн - Sputnik Արմենիա, 1920, 05.04.2023](https://cdn.am.sputniknews.ru/img/07e7/04/05/57712050_0:0:1600:1067_1920x0_80_0_0_9c9dae1b52bcafde09b1062880a73912.jpg)
Դմիտրի Պիսարենկոն, Գեորգի Մուրադովը և Սիմոն Եսայանը Հայաստանում Ղրիմի օրերին նվիրված ասուլիսի ժամանակ
© Sputnik / Asatur Yesayants
Սիմֆերոպոլում վետերանի հարազատների որոնումներն իրականացվել են «ՌԻԱ Նովոստի Ղրիմ» նախագծի և Ղրիմի որոնողական ջոկատների ասոցիացիայի մասնակցությամբ: Ի դեպ, այս որոնումների շնորհիվ պարզվել է, որ վետերանի թոռան եղբորորդին ապրում է Սիմֆերոպոլում, ու երբ նա իմացել է Երևանում ապրող հարազատների մասին, որոշել է անձամբ զանգել ու տեղեկացնել մեդալի մասին, ինչպես նաև ասել, որ իրենք հարազատներ են։
Հայաստանում Գևորգ Աբրահամյանի հարազատների որոնումները ղեկավարել է Հայաստանի վետերանների միության նախագահ, գնդապետ Սիմոն Եսայանը: Նա այսօրվա միջոցառման ժամանակ նշեց, որ վերջին 13 տարիների ընթացքում սա արդեն չորրորդ կամ հինգերորդ դեպքն է, երբ մեդալը գտնում է իր հերոսին: Նրա խոսքով՝ Հայաստանում ապրում են Հայրենական մեծ պատերազմի 69 վետերաններ, որոնցից 9-ն այս տարի 100 տարեկան կդառնան։
Sputnik Արմենիա մամուլի կենտրոնը նաև տեսակապով միացել էր Սիմֆերոպոլի հետ, և «ՌԻԱ Նովոստի Ղրիմ» նախագծի գլխավոր խմբագիր Օլգա Լեոնովան հիշեցրեց, որ Ղրիմի ազատագրման հարձակողական գործողությունը տևել է 35 օր՝ 1944 թվականի ապրիլի 8-ից մայիսի 12-ը։ Թերակղզու ազատագրման համար մղած մարտերում աչքի են ընկել բազմաթիվ հայեր։ Իսկ «Մարտական ծառայություն» մեդալը Գևորգ Աբրահամյանի` Ղրմիում ստացած առաջին պարգևն է եղել։