https://arm.sputniknews.ru/20230329/hrazharvel-mqd-i-hrvomi-kanvonadrutjuny-vaveracneluc-rhm-i-kvochy-hh-ishkhanutjany-57415863.html
Հրաժարվել ՄՔԴ-ի Հռոմի կանոնադրությունը վավերացնելուց. ՌՀՄ-ի կոչը Հայաստանի իշխանությանը
Հրաժարվել ՄՔԴ-ի Հռոմի կանոնադրությունը վավերացնելուց. ՌՀՄ-ի կոչը Հայաստանի իշխանությանը
Sputnik Արմենիա
Ռուսաստանի հայերի միությունը կարծում է, որ Երևանի կողմից Միջազգային քրեական դատարանի Հռոմի կանոնադրության հնարավոր վավերացումը կհակասի հայոց պետականության... 29.03.2023, Sputnik Արմենիա
2023-03-29T18:48+0400
2023-03-29T18:48+0400
2023-03-29T18:53+0400
արա աբրահամյան
ռուսաստանի հայերի միություն
հայաստան
իշխանություն
https://cdn.am.sputniknews.ru/img/07e6/0a/15/50228669_0:0:1600:901_1920x0_80_0_0_1316b09be42a2f3e27c9d1dc02d02774.jpg
ԵՐԵՎԱՆ, 29 մարտի – Sputnik. Ռուսաստանի հայերի միությունը հայտարարություն է տարածել, որում կոչ է արել Հայաստանի իշխանությանը հրաժարվել Միջազգային քրեական դատարանի Հռոմի կանոնադրության վավերացման գործընթացից: ՌՀՄ նախագահ Արա Աբրահամյանի սոցկայքերում հրապարակված հայտարարության մեջ նշվում է, որ վավերացման որոշումն ուղղված է հայկական պետականության շահերի և Հայաստանի ու Լեռնային Ղարաբաղի բնակչության անվտանգության դեմ: Այդ անվտանգությունն այսօր երաշխավորում և ապահովում է Ռուսաստանը։ՌՀՄ-ն ակնկալում է, որ Հայաստանի ազգային ժողովը քվեարկության ժամանակ առաջնորդվելու է առաջին հերթին Հայաստանի քաղաքացիների, ինչպես նաև Ռուսաստանի շուրջ 3 միլիոնանոց հայ համայնքի շահերի վրա` նշելով, որ սփյուռքահայությունը տասնյակ տարիների ընթացքում զգալի տնտեսական օգնություն է ցուցաբերում Հայաստանի բնակչությանը:Հայտարարության հեղինակները համոզված են, որ հարցը՝ հակառակ հավաստիացումներին, բացառապես քաղաքական, ոչ թե իրավական բնույթ է կրում:Ինչ վերաբերում է ՀՀ ղեկավարության այն պնդմանը, թե նման որոշմամբ պայմաններ են ստեղծվում Ադրբեջանի ռազմական հանցագործությունների համար ՄՔԴ դիմելու համար, ապա ՌՀՄ-ն հիշեցնում է, որ Ադրբեջանը ՄՔԴ Հռոմի կանոնադրության մասնակից չէ: Բաքուն իրեն բնորոշ ոճով անտեսում է նման որոշումները, ինչպես, օրինակ, մեկ ամիս առաջ ՄԱԿ-ի Միջազգային դատարանի կայացրած որոշումը, որը պարտավորեցրել էր բացել Լաչինի միջանցքը։ՌՀՄ-ն կոչ է անում ՀՀ իշխանությանը հավասարակշռված մոտեցում և ինքնուրույնություն ցուցաբերել և վերանայել ՄՔԴ-ի Հռոմի կանոնադրության վավերացման հարցը:2022 թվականի վերջին ՀՀ կառավարությունը նախաձեռնեց Միջազգային քրեական դատարանի Հռոմի կանոնադրության վավերացման գործընթացը։ Արդարադատության նախարար Գրիգոր Մինասյանը դեկտեմբերի 29-ին կառավարության նիստում հայտարարեց, որ հարցի հրատապությունը պայմանավորված է Ադրբեջանի ԶՈւ–ի` ՀՀ ինքնիշխան տարածքի նկատմամբ իրականացրած լայնածավալ ռազմական ագրեսիայի ու տարածքների օկուպացման փաստերով։ՀՀ սահմանադրական դատարանը մարտի 24-ին որոշեց, որ Հայաստանի միացումը միջազգային քրեական դատարանի Հռոմի կանոնադրությանը համապատասխանում է երկրի հիմնական օրենքին։Մարտի 27-ին ՌԴ ԱԳՆ-ում ՏԱՍՍ-ի աղբյուրները հայտնել են, որ Մոսկվան խիստ բացասաբար է ընդունել պաշտոնական Երեւանի՝ Հռոմի կանոնադրությանը միանալու ծրագրերը, ու որ Երևանին զգուշացրել են անցանկալի հետևանքների մասին: ՌԴ ԱԳՆ հայտարարությունը հնչել է ՌԴ ղեկավարության ձերբակալման օրդեր տալու ՄՔԴ որոշման ֆոնին։Դեմա՞րշ Մոսկվայի դեմ, թե՞ անզգուշություն. փորձագետը՝ ՄՔԴ-ի շուրջ պատմության մասին
Sputnik Արմենիա
media@sputniknews.com
+74956456601
MIA „Rossiya Segodnya“
2023
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
արա աբրահամյան, ռուսաստանի հայերի միություն, հայաստան, իշխանություն
արա աբրահամյան, ռուսաստանի հայերի միություն, հայաստան, իշխանություն
Հրաժարվել ՄՔԴ-ի Հռոմի կանոնադրությունը վավերացնելուց. ՌՀՄ-ի կոչը Հայաստանի իշխանությանը
18:48 29.03.2023 (Թարմացված է: 18:53 29.03.2023) Ռուսաստանի հայերի միությունը կարծում է, որ Երևանի կողմից Միջազգային քրեական դատարանի Հռոմի կանոնադրության հնարավոր վավերացումը կհակասի հայոց պետականության շահերին:
ԵՐԵՎԱՆ, 29 մարտի – Sputnik. Ռուսաստանի հայերի միությունը հայտարարություն է տարածել, որում կոչ է արել Հայաստանի իշխանությանը հրաժարվել Միջազգային քրեական դատարանի Հռոմի կանոնադրության վավերացման գործընթացից: ՌՀՄ նախագահ Արա Աբրահամյանի սոցկայքերում հրապարակված հայտարարության մեջ նշվում է, որ վավերացման որոշումն ուղղված է հայկական պետականության շահերի և Հայաստանի ու Լեռնային Ղարաբաղի բնակչության անվտանգության դեմ: Այդ անվտանգությունն այսօր երաշխավորում և ապահովում է Ռուսաստանը։
ՌՀՄ-ն ակնկալում է, որ Հայաստանի ազգային ժողովը քվեարկության ժամանակ առաջնորդվելու է առաջին հերթին Հայաստանի քաղաքացիների, ինչպես նաև Ռուսաստանի շուրջ 3 միլիոնանոց հայ համայնքի շահերի վրա` նշելով, որ սփյուռքահայությունը տասնյակ տարիների ընթացքում զգալի տնտեսական օգնություն է ցուցաբերում Հայաստանի բնակչությանը:
«Հաշվի առնելով հասարակական հնչեղությունը՝ կարծում ենք, որ և՛ ՀՀ քաղաքացիներին, և՛ սփյուռքահայերին հետաքրքիր կլիներ իմանալ Հայաստանի վարչապետի և նախագահի դիրքորոշումը, նրանք կարող էին հրապարակավ արտահայտվել այդ կապակցությամբ»,-նշված է խնդրագրում:
Հայտարարության հեղինակները համոզված են, որ հարցը՝ հակառակ հավաստիացումներին, բացառապես քաղաքական, ոչ թե իրավական բնույթ է կրում:
Ինչ վերաբերում է ՀՀ ղեկավարության այն պնդմանը, թե նման որոշմամբ պայմաններ են ստեղծվում Ադրբեջանի ռազմական հանցագործությունների համար ՄՔԴ դիմելու համար, ապա ՌՀՄ-ն հիշեցնում է, որ Ադրբեջանը ՄՔԴ Հռոմի կանոնադրության մասնակից չէ: Բաքուն իրեն բնորոշ ոճով անտեսում է նման որոշումները, ինչպես, օրինակ, մեկ ամիս առաջ ՄԱԿ-ի Միջազգային դատարանի կայացրած որոշումը, որը պարտավորեցրել էր բացել Լաչինի միջանցքը։
ՌՀՄ-ն կոչ է անում ՀՀ իշխանությանը հավասարակշռված մոտեցում և ինքնուրույնություն ցուցաբերել և վերանայել ՄՔԴ-ի Հռոմի կանոնադրության վավերացման հարցը:
2022 թվականի վերջին ՀՀ կառավարությունը նախաձեռնեց Միջազգային քրեական դատարանի Հռոմի կանոնադրության վավերացման գործընթացը։ Արդարադատության նախարար Գրիգոր Մինասյանը դեկտեմբերի 29-ին կառավարության նիստում հայտարարեց, որ հարցի հրատապությունը պայմանավորված է Ադրբեջանի ԶՈւ–ի` ՀՀ ինքնիշխան տարածքի նկատմամբ իրականացրած լայնածավալ ռազմական ագրեսիայի ու տարածքների օկուպացման փաստերով։
ՀՀ սահմանադրական դատարանը մարտի 24-ին որոշեց, որ Հայաստանի միացումը միջազգային քրեական դատարանի Հռոմի կանոնադրությանը համապատասխանում է երկրի հիմնական օրենքին։
Մարտի 27-ին ՌԴ ԱԳՆ-ում ՏԱՍՍ-ի աղբյուրները հայտնել են, որ Մոսկվան խիստ բացասաբար է ընդունել պաշտոնական Երեւանի՝ Հռոմի կանոնադրությանը միանալու ծրագրերը, ու որ Երևանին զգուշացրել են անցանկալի հետևանքների մասին: ՌԴ ԱԳՆ հայտարարությունը հնչել է ՌԴ ղեկավարության ձերբակալման օրդեր տալու ՄՔԴ որոշման ֆոնին։
