https://arm.sputniknews.ru/20230328/ynkerakan-handipum-ynkerakan-hashiv-hajastankiprvos-22-57377809.html

Ընկերական հանդիպում, ընկերական հաշիվ. Հայաստան–Կիպրոս խաղն ավարտվեց 2։2 հաշվով

Ընկերական հանդիպում, ընկերական հաշիվ. Հայաստան–Կիպրոս խաղն ավարտվեց 2։2 հաշվով

Sputnik Արմենիա

Հայաստան–Կիպրոս խաղը թեպետ ընկերական բնույթ էր կրում, բայց շատ կարևոր նշանակություն ուներ մեր թիմի նորանշանակ մարզիչի համար, որը հիանալի հնարավորություն էր... 28.03.2023, Sputnik Արմենիա

2023-03-28T21:00+0400

2023-03-28T21:00+0400

2023-03-28T21:14+0400

ֆուտբոլ

ֆուտբոլիստ

հայաստան

կիպրոս

հրանտ–լեոն ռանոս

գոլ

https://cdn.am.sputniknews.ru/img/07e7/03/1c/57376632_0:88:1600:989_1920x0_80_0_0_c933c325c88ab9b6706bc4a6ce5e75bd.jpg

ԵՐԵՎԱՆ, 28 մարտի – Sputnik, Խաչիկ Չախոյան. Երևանի Վազգեն Սարգսյանի անվան «Հանրապետական» մարզադաշտում Հայաստանի ֆուտբոլի հավաքականի նորեկ հարձակվող Հրանտ- Լեոն Ռամոսի դուբլին Կիրպոսի ընտրանին պատասխանեց 2 արդյունավետ հարվածով, ու Հայաստան- Կիպրոս ընկերական խաղն ավարտվեց խաղաղ արդյունքով՝ 2։2։Խաղի հենց առաջին րոպեին մեր հավաքականը կարող էր բացել հաշիվը, ընդ որում` գնդակին առաջին իսկ հպումով գոլի հեղինակ կարող էր դառնալ մեր թիմի նորեկ Հրանտ- Լեոն Ռամոսը, բայց հարվածը բարձր ստացվեց։ Ինչպես և նախորդ խաղում, դժվար էր պատկերացնել, որ մեկնարկային այս կազմով կխաղա մեր ընտրանին։ Բայց,աշվի առնելով այն հանգամանքը, որ երեք ֆուտբոլիստ, ըստ նախնական պայմանավորվածության, հեռացել էին մեր թիմից, բացի այդ կային վնասվածք ունեցողներ, մարզչի ընտրությունը լրիվ հասկանալի էր։Կիպրոսի հավաքականը եվրոպական միջին մակարդակի թիմ է համարվում, և Պետրակովը դա ընդգծեց նախախաղային մամուլի ասուլիսի ժամանակ։ Մինչ այս հանդիպումը մենք կիպրոսցիների հետ ընդհանուր առմամբ վեց խաղ էինք անցկացրել, որոնցից միայն երկուսն էին եղել պաշտոնական։ Այդ երկու խաղերում առավելությունը մրցակցի կողմն էր՝ հաղթանակ և ոչ-ոքի։ Իսկ ահա ընկերական խաղերում մենք ունեինք մեկ հաղթանակ և երեք պարտություն։ Սակայն այս ամենը իհարկե վիճակագրություն է, և տվյալ խաղի հետ հիմնականում կապ չուներ։ Մեր ընտրանին Թուրքիայի հետ խաղում բավականին լավ տպավորություն թողնելուց ու պարտվելուց հետո, կարծես թե նոր հույսեր էր առաջացրել երկրպագուների շրջանում։Այս հանդիպումը այնքան էմոցիոնալ ու այնքան սկզբունքային չէր, իհարկե, ինչպես երեք օր «Հանրապետականում» կայացած Թուրքիայի հետ խաղը։ Ու մինչև ընդմիջում մեր հավաքականն ավելի լավ տեսք ուներ։ Սակայն համեմատաբար լավ խաղով չես հաղթի, եթե գոլ չխփես, իսկ գոլ խփեց մրցակիցը։ Անկյունայինի խաղարկումից հետո Անդրեաս Կարոն բացեց խաղի հաշիվը։ Մինչև ընդմիջում Հայաստանի հավաքականը շատ լավ հնարավորություն ուներ պատասխան գնդակը խփելու, բայց Նաիր Տիկնիզյանը բարձր հարվածեց։Երկար ժամանակ կարծես թե ստվերում էր Հրանտ Ռանոսը, բայց «Բավարիա-2» -ի հայազգի հարձակվողն իր խոսքն ասեց երկրորդ խաղակեսի մեկնարկում, երբ հեռահար ու դիպուկ հարվածով վերականգնեց հաշվի հավասարությունը, իսկ հետո էլ արժանացավ մեր գլխավոր մարզիչի՝ Ալեքսանդր Պետրակովի համբույրին։ Բայց դա միայն առաջին համբույրն էր, որովհետև Պետրակովը մեր հարձակվողին համբուրեց 9 րոպե անց, երբ Հրանտը Սարգիս Ադամայանի փոխանցումից հետո հրաշալի կերպով նա շրջանցեց մրցակցի դարպասապահին և առաջ մղեց Հայաստանի հավաքականին՝ 2։1։Մեր հավաքականը շարունակում էր ավելի շատ գրոհել ու գոլային պահեր ստեղծել, բայց մեր դարպասապահ Ստանիսլան Բուչնևի նվերը մրցակցին խաղի ավարտից 8 րոպե առաջ զրկեց մեր ընտրանուն հաղթելու հնարավորությունից՝ 2։2։Երեք օր առաջ Թուրքիայի հետ խաղում մենք արժանի չէինք պարտության, բայց պարտվեցինք, այսօր մեր թիմը մինչև վերջին վայրկյանը հաստատ արժանի էր հաղթանակի, բայց չհաղթեց։Հաջորդ հանդիպումը Եվրո-2024-ի ընտրական մրցաշարի շրջանակում Հայաստանի հավաքականն անցկացնելու է հունիսի 16-ին։ Այդ օրը մեր ընտրանին մրցակցի հարկի տակ կմրցի Ուելսի հավաքականի հետ։ Իսկ հունիսի 19-ին Երևանում մեր թիմը հյուրընկալելու է Լատվիայի հավաքականին։

կիպրոս

2023

Լուրեր

am_HY

ֆուտբոլ, ֆուտբոլիստ, հայաստան, կիպրոս, հրանտ–լեոն ռանոս, գոլ