https://arm.sputniknews.ru/20230328/inchu-e-hnaravvor-darnum-adrbejani-agresiv-qaghaqakanutjuny-qaghaqagety-iravitshaki-masin-57372345.html
Ինչու է հնարավոր դառնում Ադրբեջանի ագրեսիվ քաղաքականությունը. քաղաքագետը` իրավիճակի մասին
Ինչու է հնարավոր դառնում Ադրբեջանի ագրեսիվ քաղաքականությունը. քաղաքագետը` իրավիճակի մասին
Sputnik Արմենիա
Քաղաքագետ, «Ոսկանապատ» վերլուծական կենտրոնի ղեկավար Հրանտ Մելիք-Շահնազարյանը Sputnik Արմենիայի եթերում խոսել է արցախյան և ադրբեջանական կողմերի... 28.03.2023, Sputnik Արմենիա
2023-03-28T22:51+0400
2023-03-28T22:51+0400
2023-03-28T23:08+0400
ռադիո
պոդկաստ
հրանտ մելիք–շահնազարյան
արցախ
լեռնային ղարաբաղ
լաչինի միջանցք
հայաստան
նիկոլ փաշինյան
ադրբեջան
https://cdn.am.sputniknews.ru/img/07e7/03/1c/57362657_0:0:1600:901_1920x0_80_0_0_657671f953ebd526438f75de22aba4aa.jpg
Մելիք–Շահնազարյան. Ադրբեջանը ցանկանում է ցույց տալ, թե արցախահայերն իրենց հարցերը համաձայնեցնում են Բաքվի հետ
Sputnik Արմենիա
Մելիք–Շահնազարյան. Ադրբեջանը ցանկանում է ցույց տալ, թե արցախահայերն իրենց հարցերը համաձայնեցնում են Բաքվի հետ
Ադրբեջանի պետական քաղաքականության մեջ մի գիծ կա, ըստ որի` ղարաբաղյան խնդիրն արդեն լուծված է, և իրենք կարողացել են ամբողջական վերահսկողություն հաստատել Արցախի նկատմամբ։ Դա ցույց տալու համար նրանք ուզում են հաջորդ տարրը դաշտ բերել և ցույց տալ, որ արցախահայերն իրենց հարցերը համաձայնեցնում են Բաքվի հետ։ Sputnik Արմենիայի հետ զրույցում, վերլուծելով Ադրբեջանի առաջարկները, այս տեսակետը հայտնեց քաղաքագետ Հրանտ Մելիք–Շահնազարյանը։Ադրբեջանի նախագահի աշխատակազմը հերթական անգամ առաջարկել է Բաքվում երկրորդ հանդիպումն անցկացնել Լեռնային Ղարաբաղի հայ համայնքի ներկայացուցիչների հետ։ Արցախյան կողմն էլ ասել է, որ կգնա հանդիպման միայն ՌԴ խաղաղապահների ներկայությամբ։Նրա խոսքով` Բաքվում հաշվարկում են և կարծում, որ գործադրվող ճնշումները ներքին լարվածություն են առաջացնում Արցախում։ Նրանք ԼՂՀ էլիտային առաջարկում են լուծումներ այն հույսով, որ ներքին տարաձայնությունների արդյունքում ուժային ինչ-որ կենտրոն ի վերջո կհամաձայնվի Ադրբեջանի պահանջներին, և իրենք տեղում աշխատելու հնարավորություն կստանան։Անդրադառնալով ՀՀ վարչապետի այն խոսքին, թե արդյոք կան երաշխիքներ, որ Բաքու գնալու դեպքում Արցախի ներկայացուցիչները ողջ-առողջ կվերադառնան, քաղաքագետն ընդգծեց, որ անվտանգության նման երաշխիքներ չկան, և ոչ-ոք Ադրբեջանին վստահելու որևէ հիմք չունի։«Ամբողջ խնդիրն այն է, որ Հայաստանի իշխանությունն աջակցում է Բաքու-Ստեփանակերտ ուղիղ երկխոսությանը, և երբ վարչապետին հարցնում են, թե Հայաստանը հետայսու շարունակելու է լինել արցախահայության անվտանգության երաշխավորը, Փաշինյանը խուսափում է պատասխանից։ Ադրբեջանի ագրեսիվ քաղաքականությունն ու ճնշումները հնարավոր են դառնում նաև այն պատճառով, որ Երևանից չկա դրան դիմադրություն։ Դիմադրություն ցուցադրում է միայն Արցախը, որտեղ իրավիճակն իսկապես շատ բարդ է ու դժվար»,– նշեց մեր զրուցակիցը։Մելիք–Շահնազարյանի խոսքով` եթե Արցախի շահերը Հայաստանը չի պաշտպանում, բնականաբար ինչ–որ մեկը պետք է ստանձնի այդ առաքելությունը։ ԼՂՀ–ն այս պահին չի կարող դառնալ բանակցային լիարժեք կողմ կամ գործոն` ազդեցություն ունենալով այդ գործընթացի վրա։Հիշեցնենք՝ Արցախում ստեղծվել է աշխատանքային խումբ, որի նպատակն է ադրբեջանական կողմի հետ քննարկել հրատապ հումանիտար հարցեր: Խմբի ղեկավարն է Արցախի Հանրապետության Անվտանգության խորհրդի քարտուղար Սամվել Շահրամանյանը։Երկու կողմերի ներկայացուցիչների առաջին հանդիպումը Արցախում տեղակայված Ռուսաստանի Դաշնության խաղաղապահ զորախմբի հրամանատարության միջնորդությամբ կայացել է մարտի 1-ին խաղաղապահ զորախմբի շտաբում` զորախմբի հրամանատար, գեներալ-մայոր Անդրեյ Վոլկովի մասնակցությամբ։
լեռնային ղարաբաղ
լաչինի միջանցք
ադրբեջան
Sputnik Արմենիա
media@sputniknews.com
+74956456601
MIA „Rossiya Segodnya“
2023
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
պոդկաստ, հրանտ մելիք–շահնազարյան, արցախ, լեռնային ղարաբաղ, լաչինի միջանցք, հայաստան, նիկոլ փաշինյան, ադրբեջան, аудио
պոդկաստ, հրանտ մելիք–շահնազարյան, արցախ, լեռնային ղարաբաղ, լաչինի միջանցք, հայաստան, նիկոլ փաշինյան, ադրբեջան, аудио
Ինչու է հնարավոր դառնում Ադրբեջանի ագրեսիվ քաղաքականությունը. քաղաքագետը` իրավիճակի մասին
22:51 28.03.2023 (Թարմացված է: 23:08 28.03.2023) Քաղաքագետ, «Ոսկանապատ» վերլուծական կենտրոնի ղեկավար Հրանտ Մելիք-Շահնազարյանը Sputnik Արմենիայի եթերում խոսել է արցախյան և ադրբեջանական կողմերի ներկայացուցիչների հանդիպումներից և բացատրել դրանց հետևանքների վտանգավորությունը։
Ադրբեջանի պետական քաղաքականության մեջ մի գիծ կա, ըստ որի` ղարաբաղյան խնդիրն արդեն լուծված է, և իրենք կարողացել են ամբողջական վերահսկողություն հաստատել Արցախի նկատմամբ։ Դա ցույց տալու համար նրանք ուզում են հաջորդ տարրը դաշտ բերել և ցույց տալ, որ արցախահայերն իրենց հարցերը համաձայնեցնում են Բաքվի հետ։
Sputnik Արմենիայի հետ զրույցում, վերլուծելով Ադրբեջանի առաջարկները, այս տեսակետը հայտնեց քաղաքագետ Հրանտ Մելիք–Շահնազարյանը։
Ադրբեջանի նախագահի աշխատակազմը հերթական անգամ առաջարկել է Բաքվում երկրորդ հանդիպումն անցկացնել Լեռնային Ղարաբաղի հայ համայնքի ներկայացուցիչների հետ։ Արցախյան կողմն էլ ասել է, որ կգնա հանդիպման միայն ՌԴ խաղաղապահների ներկայությամբ։
«Հիմա Ադրբեջանն իր օրակարգը կյանքի կոչելու համար ճնշումներ է գործադրում Արցախի վրա`առաջարկելով հաջորդ հանդիպումը Բաքվում անցկացնել։ Եթե արցախցիները չեն գալիս Բաքու, նրանք կատարում են երկրորդ քայլը`ավելի դժվար կացության մեջ դնելով Լեռնային Ղարաբաղին»,–ասաց քաղաքագետը։
Նրա խոսքով` Բաքվում հաշվարկում են և կարծում, որ գործադրվող ճնշումները ներքին լարվածություն են առաջացնում Արցախում։ Նրանք ԼՂՀ էլիտային առաջարկում են լուծումներ այն հույսով, որ ներքին տարաձայնությունների արդյունքում ուժային ինչ-որ կենտրոն ի վերջո կհամաձայնվի Ադրբեջանի պահանջներին, և իրենք տեղում աշխատելու հնարավորություն կստանան։
Անդրադառնալով ՀՀ վարչապետի այն խոսքին, թե արդյոք կան երաշխիքներ, որ Բաքու գնալու դեպքում Արցախի ներկայացուցիչները ողջ-առողջ կվերադառնան, քաղաքագետն ընդգծեց, որ անվտանգության նման երաշխիքներ չկան, և ոչ-ոք Ադրբեջանին վստահելու որևէ հիմք չունի։
«Ամբողջ խնդիրն այն է, որ Հայաստանի իշխանությունն աջակցում է Բաքու-Ստեփանակերտ ուղիղ երկխոսությանը, և երբ վարչապետին հարցնում են, թե Հայաստանը հետայսու շարունակելու է լինել արցախահայության անվտանգության երաշխավորը, Փաշինյանը խուսափում է պատասխանից։ Ադրբեջանի ագրեսիվ քաղաքականությունն ու ճնշումները հնարավոր են դառնում նաև այն պատճառով, որ Երևանից չկա դրան դիմադրություն։ Դիմադրություն ցուցադրում է միայն Արցախը, որտեղ իրավիճակն իսկապես շատ բարդ է ու դժվար»,– նշեց մեր զրուցակիցը։
Մելիք–Շահնազարյանի խոսքով` եթե Արցախի շահերը Հայաստանը չի պաշտպանում, բնականաբար ինչ–որ մեկը պետք է ստանձնի այդ առաքելությունը։ ԼՂՀ–ն այս պահին չի կարող դառնալ բանակցային լիարժեք կողմ կամ գործոն` ազդեցություն ունենալով այդ գործընթացի վրա։
«Ամեն դեպքում Ադրբեջանի պահանջները բավարարելու քաղաքականությունը ճիշտ ճանապարհը չէ, ոչ թե դա է մեծացնում Արցախի սուբյեկտայնությունը, այլ Ադրբեջանի պահանջներին դիմակայելը։ Արցախյան էլիտան պետք է քաղաքական կամք դրսևորի` հակազդելու Ադրբեջանի առավելապաշտական քաղաքականությանը։ Չփորձեն նրանց հետ պայմանավորվել և նույնիսկ առկա դժվարագույն իրավիճակում դիմադրություն կազմակերպեն, ինչն իր հետ կբերի բանակցային գործընթացի վրա իրապես ազդելու, իսկ հետագայում նաև լիիրավ կողմ դառնալու հնարավորություն»,– ասաց քաղաքագետը։
Հիշեցնենք՝ Արցախում ստեղծվել է աշխատանքային խումբ, որի նպատակն է ադրբեջանական կողմի հետ քննարկել հրատապ հումանիտար հարցեր: Խմբի ղեկավարն է Արցախի Հանրապետության Անվտանգության խորհրդի քարտուղար Սամվել Շահրամանյանը։
Երկու կողմերի ներկայացուցիչների առաջին հանդիպումը Արցախում տեղակայված Ռուսաստանի Դաշնության խաղաղապահ զորախմբի հրամանատարության միջնորդությամբ կայացել է մարտի 1-ին խաղաղապահ զորախմբի շտաբում` զորախմբի հրամանատար, գեներալ-մայոր Անդրեյ Վոլկովի մասնակցությամբ։
