Քրիստինա Քվինը ուզում է զարգացնել ԱՄՆ դեսպանատան և ՀՀ քննչական կոմիտեի համագործակցությունը
15:36 22.03.2023 (Թարմացված է: 15:37 22.03.2023)
© Photo : Facebook / ՀՀ Քննչական կոմիտեՀՀ-ում ԱՄՆ արտակարգ և լիազոր դեսպան Քրիստինա Քվինը, որի գլխավորած պատվիրակությանն ընդունել է ՀՀ քննչական կոմիտեի նախագահ Արգիշտի Քյարամյանը
![ՀՀ-ում ԱՄՆ արտակարգ և լիազոր դեսպան Քրիստինա Քվինը, որի գլխավորած պատվիրակությանն ընդունել է ՀՀ քննչական կոմիտեի նախագահ Արգիշտի Քյարամյանը ՀՀ-ում ԱՄՆ արտակարգ և լիազոր դեսպան Քրիստինա Քվինը, որի գլխավորած պատվիրակությանն ընդունել է ՀՀ քննչական կոմիտեի նախագահ Արգիշտի Քյարամյանը - Sputnik Արմենիա, 1920, 22.03.2023](https://cdn.am.sputniknews.ru/img/07e7/03/16/57076015_0:0:1600:901_1920x0_80_0_0_a2dbbb17a94a71d476cdf8b375c1d666.jpg)
ՀՀ-ում ԱՄՆ արտակարգ և լիազոր դեսպան Քրիստինա Քվինը, որի գլխավորած պատվիրակությանն ընդունել է ՀՀ քննչական կոմիտեի նախագահ Արգիշտի Քյարամյանը
© Photo : Facebook / ՀՀ Քննչական կոմիտե
Բաժանորդագրվել
Հանդիպման ընթացքում քննարկվել են առցանց հարթակներով թմրամիջոցների ապօրինի շրջանառությանը, կրիպտոարժույթների կիրառմամբ փողերի լվացմանը և այլ հարցեր։
ԵՐԵՎԱՆ, 22 մարտի – Sputnik. ԱՄՆ դեսպանատան և ՀՀ քննչական կոմիտեի միջև ձևավորվել են սերտ համագործակցության լավ ավանդույթներ։ Այս մասին հայտարարել է ՀՀ-ում ԱՄՆ նորանշանակ արտակարգ և լիազոր դեսպան Քրիստինա Քվինը, որի գլխավորած պատվիրակությանն ընդունել է ՀՀ քննչական կոմիտեի նախագահ Արգիշտի Քյարամյանը։
Քվինին նշել է, որ ԱՄՆ դեսպանատան և ՀՀ քննչական կոմիտեի միջև ձևավորված համագործակցությունը ցանկանում է զարգացնել և նոր մակարդակի հասցնել։
«ԱՄՆ-ն պատրաստ է աջակցել Հայաստանին իրավապահ ոլորտի բարեփոխումներում և նպաստել ՀՀ քննչական կոմիտեի կարողությունների հետագա զարգացմանը՝ ելնելով հայկական կողմի նախանշած առաջնահերթություններից»,–նշել է նա։
Հանդիպման ընթացքում քննարկվել են առցանց հարթակներով թմրամիջոցների ապօրինի շրջանառության, կրիպտոարժույթների կիրառմամբ փողերի լվացման, կիբեռհանցագործությունների դեմ պայքարում երկու երկրների իրավապահ համակարգերի փոխգործակցությունը։ Քննարկվել է նաև ՀՀ ՔԿ քննիչների հմտությունների զարգացմանն ուղղված թիրախային ծրագրերի իրականացմանն առնչվող հարցեր։
© Photo : Facebook / ՀՀ Քննչական կոմիտեՀՀ-ում ԱՄՆարտակարգ և լիազոր դեսպան Քրիստինա Քվինը, որի գլխավորած պատվիրակությանն ընդունել է ՀՀ քննչական կոմիտեի նախագահ Արգիշտի Քյարամյանը
![Председатель Следственного комитета Аргишти Кярамян принял Чрезвычайного и полномочного посла США Кристину Куинн (22 марта 2023). Еревaн Председатель Следственного комитета Аргишти Кярамян принял Чрезвычайного и полномочного посла США Кристину Куинн (22 марта 2023). Еревaн - Sputnik Արմենիա, 1920, 22.03.2023](https://cdn.am.sputniknews.ru/img/07e7/03/16/57076060_0:0:1600:1066_1920x0_80_0_0_defe66a0ecac10edf1f15adff64e9de2.jpg)
ՀՀ-ում ԱՄՆարտակարգ և լիազոր դեսպան Քրիստինա Քվինը, որի գլխավորած պատվիրակությանն ընդունել է ՀՀ քննչական կոմիտեի նախագահ Արգիշտի Քյարամյանը
© Photo : Facebook / ՀՀ Քննչական կոմիտե
Դեսպանին ներկայացվել է ԱՄՆ աջակցությամբ հզորացված ՀՀ ՔԿ-ում գործող համակարգչատեխնիկական լաբորատորիան։ Նա ծանոթացել է ինչպես ՔԿ ստորաբաժանումներում, այնպես էլ քննչական այլ մարմիններում քննվող վարույթներով համակարգչային համակարգերը թվային խուզարկության ենթարկելու, թվային հետքեր հայտնաբերելու և վերականգնելու լաբորատորիայի հնարավորություններին։