Հայկական ընկերությունը պատրաստվում է էլեկտրամոբիլների գերարագ լիցքավորման կայան գործարկել
© Sputnik / Aram GareginyanԷլեկտրամոբիլների լիցքավորման միջին հզորության կայան
![Էլեկտրամոբիլների լիցքավորման միջին հզորության կայան Էլեկտրամոբիլների լիցքավորման միջին հզորության կայան - Sputnik Արմենիա, 1920, 22.03.2023](https://cdn.am.sputniknews.ru/img/07e7/03/14/56968034_0:139:1600:1039_1920x0_80_0_0_ac6e4f68ca948b8f249065990eca70ac.jpg)
Էլեկտրամոբիլների լիցքավորման միջին հզորության կայան
© Sputnik / Aram Gareginyan
Բաժանորդագրվել
Ընկերությունը 150 կՎտ հզորությամբ մշտական հոսանքով լիցքավորման կայանի մոդել է պատրաստում, որը կարող է միջին հզորությամբ մեքենան լիցքավորել մոտ 20 րոպեում։
ԵՐԵՎԱՆ, 22 մարտի – Sputnik. Հայկական «Evan» ընկերությունը պատրաստվում է էլեկտրամոբիլների գերարագ լիցքավորման կայան գործարկել։ Տեղեկությունը Sputnik Արմենիային հայտնեց ընկերության տնօրեն Հակոբ Գևորգյանը։
Ձեռնարկությունն արդեն արտադրում է պակաս հզոր սարքեր, որոնք աշխատում են փոփոխական հոսանքով ՝ շարժական (3,5 կՎտ հզորությամբ) և ստացիոնար (7, 11 և 22 կՎտ)։ Առաջինն օգտագործվում է վարդակից լիցքավորելու համար, երբ մոտակայքում կայան չկա, երկրորդը, որն ավելի հզոր է (7-ից 22 կՎտ), ամրացվում է պատին (մասնավոր տներում, ավտոտնակներում, սրճարաններում կամ ավտոկայանատեղերում):
Կոմերցիոն լիցքավորման համար (ոչ թե որպես ավտոկայանատեղիի կամ սրճարանի հավելում, այլ անկախ ծառայություն) արտադրվում են 30 կՎտ հզորությամբ կայաններ, որոնք կարող են միաժամանակ երկու մեքենա լիցքավորել:
«Վերջերս մենք նաև բջջային հավելված թողարկեցինք, որի միջոցով մեր հաճախորդները կարող են լիցքավորման ժամեր ամրագրել և վճարումներ կատարել»,-ասաց Գևորգյանը:
Այժմ ընկերությունը 150 կՎտ հզորությամբ մշտական հոսանքով լիցքավորման կայանի մոդել է պատրաստում, որը կարող է միջին հզորությամբ մեքենան լիցքավորել մոտ 20 րոպեում։
Մոդելի նախատիպերն արդեն փորձարկվում են, հետագայում նախատեսվում է թողարկել նաև ավելի փոքր մոդիֆիկացիաները՝ 120 և 40 կՎտ հզորությամբ։
© Sputnik / Aram GareginyanՀայկական «Evan» ընկերության էլեկտրամոբիլների գերարագ լիցքավորման կայանի նախագիծ
![Проект станции сверхбыстрой зарядки электромобилей армянской компании Evan Проект станции сверхбыстрой зарядки электромобилей армянской компании Evan - Sputnik Արմենիա, 1920, 21.03.2023](https://cdn.am.sputniknews.ru/img/07e7/03/14/56968012_0:0:1600:1197_1920x0_80_0_0_6db7e6d15b9cc686896ec858ecf70e7f.jpg)
Հայկական «Evan» ընկերության էլեկտրամոբիլների գերարագ լիցքավորման կայանի նախագիծ
© Sputnik / Aram Gareginyan
Հաջորդ քայլը սկուտերների և անվասայլակների համար լիցքավորիչ ստեղծելն է: Նախագիծը քննարկվում է մեկ այլ հայկական ընկերության՝ «Qayl Med»-ի հետ, որը էլեկտրական շարժիչով սայլակի մոդել է ստեղծել։
Ընկերությունն ընդհանուր առմամբ արդեն ավելի քան հարյուր հատ ցածր հզորության սարք է վաճառել և մոտ 10 լիցքավորման ստացիոնար կետ տեղադրել, ընդ որում՝ այս տարի ցանկանում է ավելացնել դրանց թիվը։
«Մենք արտահանման թեմայով քննարկումներ ենք անցկացնում նաև արևային կայանների արտասահմանյան օպերատորների և դևելոփերների հետ, որոնք իրենց բնակելի կամ գրասենյակային համալիրներում էլեկտրական ավտոմեքենաների համար ենթակառուցվածքներ են տեղադրում։ Արտերկիր դուրս գալու համար մենք հիմա աշխատում ենք եվրոպական և ամերիկյան սերտիֆիկացում ստանալու ուղղությամբ»,-հավելեց Գևորգյանը։
Ընկերությունն իր մշակումները վերջերս ներկայացրեց «DigiTec» բարձր տեխնոլոգիաների ցուցահանդեսում, որն ամեն տարի կազմակերպում է Հայաստանի առաջատար տեխնոլոգիաների ձեռնարկությունների միությունը (UATE):