https://arm.sputniknews.ru/20230322/erusaghemi-hajvoc-patriarqarany-datapartel-e-getsemanii-astvatsatsin-tatshari-vra-hardzakumy-57063990.html
Երուսաղեմի Հայոց պատրիարքարանը դատապարտել է Գեթսեմանի Աստվածածին տաճարի վրա հարձակումը
Երուսաղեմի Հայոց պատրիարքարանը դատապարտել է Գեթսեմանի Աստվածածին տաճարի վրա հարձակումը
Sputnik Արմենիա
Պատրիարքարանը Իսրայելի կառավարությանը և ոստիկանությանը կոչ է արել լուրջ միջոցներ ձեռնարկել՝ կանխելու քրիստոնեական սրբավայրերի վրա հարձակումները։ 22.03.2023, Sputnik Արմենիա
2023-03-22T12:16+0400
2023-03-22T12:16+0400
2023-03-22T12:27+0400
երուսաղեմի հայոց պատրիարքարան
իսրայել
հրեա
մարիամ աստվածածին
եկեղեցի
https://cdn.am.sputniknews.ru/img/26/89/268953_0:125:1024:701_1920x0_80_0_0_d718acf2e7e780e1e03cc6f386e80317.jpg
ԵՐԵՎԱՆ, 22 մարտի – Sputnik. Երուսաղեմի հայոց պատրիարքարանը հայտարարություն է տարածել ու դատապարտել հայ և հույն եկեղեցիների համատեղ հսկողության ներքո գտնվող Գեթսեմանի Սուրբ Աստվածածին տաճարի վրա հարձակումը։Նշենք, որ մարտի 19–ին Երուսաղեմում մոլեռանդ արմատական մի հրեա տղամարդ Սուրբ Աստվածածին եկեղեցի էր մտել և փորձել վնասներ հասցնել։ Երուսաղեմի հայոց պատրիարքարանը հայտարարության մեջ ընդգծվել է, որ եթե քրիստոնեական սրբավայրերի վրա կատարված նախորդ հարձակումներն արագորեն դատապարտվեին տեղական իշխանությունների կողմից և հանցագործները պատժվեին օրենքի ողջ խստությամբ, քրիստոնեական համայնքների, եկեղեցիների և վանքերի վրա նոր հարձակումներ չէին լինի։Շեշտվել է, որ կրոնական անհանդուրժողականությունը և ատելությամբ լցված ոճրագործությունները իրենց բոլոր դրսևորումներով երբեք չեն ապահովելու խաղաղ համակեցության պայմաններ։Երուսաղեմի Հայոց պատրիարքարանը Իսրայելի կառավարությանը և ոստիկանությանը կոչ է արել լուրջ միջոցներ ձեռնարկել՝ կանխելու այսօրինակ հարձակումները և պաշտպանելու ինչպես քրիստոնեական սրբավայրերը, այնպես էլ նրանց ամենօրյա սպասավորներին հետագա ոտնձգություններից և հարձակումներից։Հիշեցնենք` հունվարի 28-ի ուշ երեկոյան էլ հրեա 2 ծայրահեղականներ Հայոց Պատրիարքարանի փողոցով «Լացի պատ» գնալիս Հայոց Վանքի դիմաց նախ փորձել են խոչընդոտել երթևեկությունը, ապա դուրս գալով ճանապարհից՝ հարվածել են աշխատանքից տուն վերադարձող հայ երիտասարդների ավտոմեքենային՝ բղավելով. «Սա մե՛ր երկիրն է, գնացե՛ք մեր երկրից»: Նրանցից մեկը արցունքաբեր գազ է փչել, ապա երկուսով փախուստի են դիմել։ Ոստիկանները հայտնաբերել են հրեա ծայրահեղականներին ու ձերբակալել նրանց:Այդ դեպքից մեկ ժամ անց հրեա ծայրահեղականների մի ուրիշ խումբ փորձել է մագլցելով բարձրանալ Հայոց պատրիարքարանի տանիք և հանել պատրիարքարանի խաչակիր ու Հայաստանի դրոշները:
իսրայել
Sputnik Արմենիա
media@sputniknews.com
+74956456601
MIA „Rossiya Segodnya“
2023
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
երուսաղեմի հայոց պատրիարքարան, իսրայել, հրեա, մարիամ աստվածածին, եկեղեցի
երուսաղեմի հայոց պատրիարքարան, իսրայել, հրեա, մարիամ աստվածածին, եկեղեցի
Երուսաղեմի Հայոց պատրիարքարանը դատապարտել է Գեթսեմանի Աստվածածին տաճարի վրա հարձակումը
12:16 22.03.2023 (Թարմացված է: 12:27 22.03.2023) Պատրիարքարանը Իսրայելի կառավարությանը և ոստիկանությանը կոչ է արել լուրջ միջոցներ ձեռնարկել՝ կանխելու քրիստոնեական սրբավայրերի վրա հարձակումները։
ԵՐԵՎԱՆ, 22 մարտի – Sputnik. Երուսաղեմի հայոց պատրիարքարանը հայտարարություն է տարածել ու դատապարտել հայ և հույն եկեղեցիների համատեղ հսկողության ներքո գտնվող Գեթսեմանի Սուրբ Աստվածածին տաճարի վրա հարձակումը։
Նշենք, որ մարտի 19–ին Երուսաղեմում մոլեռանդ արմատական մի հրեա տղամարդ Սուրբ Աստվածածին եկեղեցի էր մտել և փորձել վնասներ հասցնել։
Երուսաղեմի հայոց պատրիարքարանը հայտարարության մեջ ընդգծվել է, որ եթե քրիստոնեական սրբավայրերի վրա կատարված նախորդ հարձակումներն արագորեն դատապարտվեին տեղական իշխանությունների կողմից և հանցագործները պատժվեին օրենքի ողջ խստությամբ, քրիստոնեական համայնքների, եկեղեցիների և վանքերի վրա նոր հարձակումներ չէին լինի։
«Թեև Սուրբ Աստվածածին տաճարի վրա այս հարձակումն առաջինն էր այս տարվա սկզբից ի վեր, սակայն քրիստոնեական մյուս սրբավայրերն անզգամ հարձակվողների կողմից մշտապես ենթարկվում են ինչպես ֆիզիկական, այնպես էլ հոգեբանական ճնշումների»,–նշված է հայտարարության մեջ։
Շեշտվել է, որ կրոնական անհանդուրժողականությունը և ատելությամբ լցված ոճրագործությունները իրենց բոլոր դրսևորումներով երբեք չեն ապահովելու խաղաղ համակեցության պայմաններ։
Երուսաղեմի Հայոց պատրիարքարանը Իսրայելի կառավարությանը և ոստիկանությանը կոչ է արել լուրջ միջոցներ ձեռնարկել՝ կանխելու այսօրինակ հարձակումները և պաշտպանելու ինչպես քրիստոնեական սրբավայրերը, այնպես էլ նրանց ամենօրյա սպասավորներին հետագա ոտնձգություններից և հարձակումներից։
Հիշեցնենք` հունվարի 28-ի ուշ երեկոյան էլ հրեա 2 ծայրահեղականներ Հայոց Պատրիարքարանի փողոցով «Լացի պատ» գնալիս Հայոց Վանքի դիմաց նախ փորձել են խոչընդոտել երթևեկությունը, ապա դուրս գալով ճանապարհից՝
հարվածել են աշխատանքից տուն վերադարձող հայ երիտասարդների ավտոմեքենային՝ բղավելով. «Սա մե՛ր երկիրն է, գնացե՛ք մեր երկրից»: Նրանցից մեկը արցունքաբեր գազ է փչել, ապա երկուսով փախուստի են դիմել։ Ոստիկանները հայտնաբերել են հրեա ծայրահեղականներին ու ձերբակալել նրանց:
Այդ դեպքից մեկ ժամ անց հրեա ծայրահեղականների մի ուրիշ խումբ փորձել է մագլցելով բարձրանալ Հայոց պատրիարքարանի տանիք և հանել պատրիարքարանի խաչակիր ու Հայաստանի դրոշները:
