https://arm.sputniknews.ru/20230321/rd-chinastan-tntesakan-hamagvortsakcutjun-inch-en-qnnarkel-putinn-u-si-tsinpiny-57045461.html
ՌԴ-Չինաստան տնտեսական համագործակցություն. ի՞նչ են քննարկել Պուտինն ու Սի Ծինփինը
ՌԴ-Չինաստան տնտեսական համագործակցություն. ի՞նչ են քննարկել Պուտինն ու Սի Ծինփինը
Sputnik Արմենիա
Ռուսաստանի և ՉԺՀ-ի ղեկավարներն ընդլայնված կազմով բանակցություններում երկկողմ տնտեսական փոխգործակցությանն առնչվող մի շարք հարցեր են քննարկել: 21.03.2023, Sputnik Արմենիա
2023-03-21T19:54+0400
2023-03-21T19:54+0400
2023-03-23T15:57+0400
վլադիմիր պուտին
սի ծինփին (չինաստանի նախագահ)
ռուսաստան
չինաստան
https://cdn.am.sputniknews.ru/img/07e7/03/15/57039343_0:0:1600:901_1920x0_80_0_0_1935a28cfe232d4256035f7e66c55a6e.jpg
ԵՐԵՎԱՆ, 21 մարտի – Sputnik. Ռուսաստանը ՌԴ–իև Ասիայի, Աֆրիկայի ուԼատինական Ամերիկայի երկրների միջև հաշվարկներում չինական յուանի օգտագործման կողմնակից է։ Այս հայտարարությունն արել է ՌԴ նախագահ Վլադիմիր Պուտինը Չինաստանի ղեկավարության հետ ընդլայնված կազմով բանակցություններում:«Վստահ եմ, որ հաշվարկների այդ ձևերը կզարգանան ՌԴ գործընկերների և երրորդ երկրների գործընկերների միջև», - ասել է Պուտինը։Ռուսաստանի ղեկավարը նշել է, որ անհրաժեշտ է հետագայում ևս խրախուսել ՌԴ-ի ու ՉԺՀ-ի փոխհաշվարկներումազգային արժույթների կիրառման պրակտիկան:Ապացույց չկա, բայց Չինաստանը չպետք է Ռուսաստանին զենք մատակարարի. Ստոլտենբերգ«Կարևոր է, որ փոխադարձ առևտրում ազգային արժույթներն ավելի ակտիվորեն են օգտագործվում։ Պետք է հետագայում ևս խրախուսել այդ պրակտիկան, ինչպես նաև ընդլայնել ֆինանսական ու բանկային կառույցների փոխադարձ ներկայությունը մեր երկրների շուկաներում», - ասել է Պուտինը։Նա նշել է, որ այսօր ՌԴ-ի ու ՉԺՀ-ի միջև ապրանքաշրջանառության 2/3-ն իրականացվում է ռուբլով և յուանով։Ռուսաստանի նախագահն անդրադարձել է նաև «Սիբիրի ուժը 2» նախագծի իրականացման թեմային և հայտնել է, որ նախագծի գրեթե բոլոր պարամետրերը համաձայնեցված են։Պուտինն ու Սին կշարունակեն «մեծ արշավը»Պուտիննարձանագրել է, որ ՌԴ-ի ու Չինաստանի միջև էներգետիկ փոխգործակցությունն ընդլայնվում է, ռուսական բիզնեսն ի վիճակի է բավարարել ՉԺՀ-ի էներգակիրների աճող պահանջները ինչպես արդեն կնքված պայմանագրերով, այնպես էլ դրանցից դուրս:Նա նշել է, որ մինչև 2030 թվականը գազի մատակարարումների ընդհանուր ծավալը կկազմի առնվազն 98 մլրդ խորանարդ մետր, գումարած 100 մլն տոննա հեղուկացված բնական գազ:Բանակցությունների ընթացքում կողմերը քննարկել են նաև «Հյուսիսային ծովային ուղի» նախագիծը։ ՌԴ նախագահը նշել է, որՄոսկվան և Պեկինը պատրաստվում են աշխատանքային խումբ ստեղծել։«Հեռանկարային ենք համարում համագործակցությունը չինացի գործընկերների հետ Հյուսիսային ծովային ճանապարհի տարանցիկ ներուժի յուրացման հարցում։ Ինչպես արդեն ասացի, պատրաստ ենք համատեղ աշխատանքային խումբ ստեղծել Հյուսիսային ծովային ճանապարհի զարգացման համար», - ասել է նա։Չինաստանի նախագահ Սի Ծինփինը մարտի 20-ին պետական այցով մեկնել է Ռուսաստան: Սա նրա առաջին արտասահմանյան այցն է երրորդ ժամկետով նախագահի պաշտոնում վերընտրվելուց հետո։ Սի Ծինփինը մարտի 20-ին ՌԴ ժամանելուն պես հայտարարել է, որ Պեկինն ու Մոսկվան հուսալի գործընկերներ են անհանգիստ աշխարհում։ Չինաստանի ղեկավարի այցը կտևի մինչև մարտի 22-ը:«Չինաստանը հսկայական թռիչք է կատարել». Պուտին
չինաստան
Sputnik Արմենիա
media@sputniknews.com
+74956456601
MIA „Rossiya Segodnya“
2023
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
վլադիմիր պուտին, սի ծինփին (չինաստանի նախագահ), ռուսաստան, չինաստան
վլադիմիր պուտին, սի ծինփին (չինաստանի նախագահ), ռուսաստան, չինաստան
ՌԴ-Չինաստան տնտեսական համագործակցություն. ի՞նչ են քննարկել Պուտինն ու Սի Ծինփինը
19:54 21.03.2023 (Թարմացված է: 15:57 23.03.2023) Ռուսաստանի և ՉԺՀ-ի ղեկավարներն ընդլայնված կազմով բանակցություններում երկկողմ տնտեսական փոխգործակցությանն առնչվող մի շարք հարցեր են քննարկել:
ԵՐԵՎԱՆ, 21 մարտի – Sputnik. Ռուսաստանը ՌԴ–իև Ասիայի, Աֆրիկայի ուԼատինական Ամերիկայի երկրների միջև հաշվարկներում չինական յուանի օգտագործման կողմնակից է։ Այս հայտարարությունն արել է ՌԴ նախագահ Վլադիմիր Պուտինը Չինաստանի ղեկավարության հետ ընդլայնված կազմով բանակցություններում:
«Վստահ եմ, որ հաշվարկների այդ ձևերը կզարգանան ՌԴ գործընկերների և երրորդ երկրների գործընկերների միջև», - ասել է Պուտինը։
Ռուսաստանի ղեկավարը նշել է, որ անհրաժեշտ է հետագայում ևս խրախուսել ՌԴ-ի ու ՉԺՀ-ի փոխհաշվարկներումազգային արժույթների կիրառման պրակտիկան:
«Կարևոր է, որ փոխադարձ առևտրում ազգային արժույթներն ավելի ակտիվորեն են օգտագործվում։ Պետք է հետագայում ևս խրախուսել այդ պրակտիկան, ինչպես նաև ընդլայնել ֆինանսական ու բանկային կառույցների փոխադարձ ներկայությունը մեր երկրների շուկաներում», - ասել է Պուտինը։
Նա նշել է, որ այսօր ՌԴ-ի ու ՉԺՀ-ի միջև ապրանքաշրջանառության 2/3-ն իրականացվում է ռուբլով և յուանով։
Ռուսաստանի նախագահն անդրադարձել է նաև «Սիբիրի ուժը 2» նախագծի իրականացման թեմային և հայտնել է, որ նախագծի գրեթե բոլոր պարամետրերը համաձայնեցված են։
«Հենց նոր մի լավ նախագիծ քննարկեցինք. դա Մոնղոլիայով անցնող «Սիբիրի ուժը 2» նոր գազատարն է։ Այս համաձայնագրի գրեթե բոլոր պարամետրերը համաձայնեցված են։ Խոսքը վերաբերում է Ռուսաստանից 50 միլիարդ խորանարդ մետր գազի հուսալի, կայուն մատակարարումներին», - ասել է Պուտինը։
Պուտիննարձանագրել է, որ ՌԴ-ի ու Չինաստանի միջև էներգետիկ փոխգործակցությունն ընդլայնվում է, ռուսական բիզնեսն ի վիճակի է բավարարել ՉԺՀ-ի էներգակիրների աճող պահանջները ինչպես արդեն կնքված պայմանագրերով, այնպես էլ դրանցից դուրս:
Նա նշել է, որ մինչև 2030 թվականը գազի մատակարարումների ընդհանուր ծավալը կկազմի առնվազն 98 մլրդ խորանարդ մետր, գումարած 100 մլն տոննա հեղուկացված բնական գազ:
Բանակցությունների ընթացքում կողմերը քննարկել են նաև «Հյուսիսային ծովային ուղի» նախագիծը։ ՌԴ նախագահը նշել է, որՄոսկվան և Պեկինը պատրաստվում են աշխատանքային խումբ ստեղծել։
«Հեռանկարային ենք համարում համագործակցությունը չինացի գործընկերների հետ Հյուսիսային ծովային ճանապարհի տարանցիկ ներուժի յուրացման հարցում։ Ինչպես արդեն ասացի, պատրաստ ենք համատեղ աշխատանքային խումբ ստեղծել Հյուսիսային ծովային ճանապարհի զարգացման համար», - ասել է նա։
Չինաստանի նախագահ Սի Ծինփինը մարտի 20-ին պետական այցով մեկնել է Ռուսաստան: Սա նրա առաջին արտասահմանյան այցն է երրորդ ժամկետով նախագահի պաշտոնում վերընտրվելուց հետո։ Սի Ծինփինը մարտի 20-ին ՌԴ ժամանելուն պես հայտարարել է, որ Պեկինն ու Մոսկվան հուսալի գործընկերներ են անհանգիստ աշխարհում։ Չինաստանի ղեկավարի այցը կտևի մինչև մարտի 22-ը:
