https://arm.sputniknews.ru/20230321/nvor-vtangner-arcakhi-hamar-geragujn-hvogevvor-khvorhurdy-dimel-e-mijazgajin-karujcnerin-57028036.html
Նոր վտանգներ Արցախի համար. Գերագույն հոգևոր խորհուրդը դիմել է միջազգային կառույցներին
Նոր վտանգներ Արցախի համար. Գերագույն հոգևոր խորհուրդը դիմել է միջազգային կառույցներին
Sputnik Արմենիա
Ադրբեջանի կողմից միջազգային դատարանի որոշման հանդեպ բացահայտ անհարգալից մոտեցման հանդուրժումը խորը հուսախաբություն է առաջացնում միջազգային արդարադատության... 21.03.2023, Sputnik Արմենիա
2023-03-21T14:12+0400
2023-03-21T14:12+0400
2023-03-21T14:26+0400
հայաստան
գերագույն հոգևոր խորհուրդ
լաչինի միջանցք
ադրբեջան
միավորված ազգերի կազմակերպություն (մակ)
միջազգային դատարան
https://cdn.am.sputniknews.ru/img/07e7/03/15/57027825_0:121:2048:1273_1920x0_80_0_0_d1af8741be5acffc4bf1a068b1409714.jpg
ԵՐԵՎԱՆ, 21 մարտի – Sputnik. Գերագույն հոգևոր խորհուրդը ՄԱԿ-ի, Եվրախորհրդարանի և Եվրամիության պատկան կառույցներին, պետությունների ղեկավարներին ու կրոնական առաջնորդներին կոչ է անում հետևողական ջանքերով հասնել Ադրբեջանի կողմից միջազգային դատարանի վճռի կատարմանը։ Այս հայտարարությունը տարածել է Գերագույն հոգևոր խորհուրդը` Ամենայն հայոց կաթողիկոս Գարեգին Երկրորդի նախագահությամբ։«Տարակուսանք ենք արտահայտում, որ հակառակ միջազգային հանրության, վերջինիս իրավասու և ազդեցիկ կառույցների կողմից ճանապարհը բացելու վերաբերյալ կտրական պահանջներին՝ առ այսօր արգելափակումը շարունակվում է»,– ասված է հայտարարությունում։ՄԱԿ-ի միջազգային արդարադատության դատարանը փետրվարի 22-ին Ադրբեջանի կողմից Լաչինի միջանցքի արգելափակումը վերացնելու վերաբերյալ որոշում է կայացրել: Իսկ Եվրոխորհրդարանի վեհաժողովի Ադրբեջանի իշխանություններին կոչ է արել կյանքի կոչել ՄԱԿ-ի Միջազգային արդարադատության դատարանի որոշումը:Գերագույն հոգևոր խորհուրդը նշել է, որ հակառակ Արցախում տեղակայված խաղաղապահ անձնակազմի ներդրած ջանքերի՝ ադրբեջանական իշխանությունների հանցավոր գործողությունների հետևանքով ոտնահարվում են մարդկանց՝ երեխաների, կանանց և ծերերի կյանքի, բուժում ստանալու, տեղաշարժի և հիմնարար մյուս իրավունքները:Հիշեցնենք` 2022 թ. դեկտեմբերի 12-ից Շուշի-Քարին տակ խաչմերուկի հատվածում քաղաքացիական հագուստով մի խումբ ադրբեջանցիներ բնապահպանական պատճառաբանությամբ փակել են Արցախը Հայաստանին կապող Ստեփանակերտ-Գորիս մայրուղին։ Դեկտեմբերի 13-ից ադրբեջանական կողմը ժամանակ առ ժամանակ անջատում է Արցախի գազամատակարարումը։Հունվարի 9-ից ադրբեջանական վերահսկողության տակ գտնվող տարածքից անջատվել է նաև Հայաստանից դեպի Արցախ էներգասնուցումը: Ադրբեջանական կողմը հնարավորություն չի տալիս, որ մասնագետները մոտենան և հասկանան պատճառները՝ անհրաժեշտության դեպքում վթարավերականգնողական աշխատանքներ իրականացնելու համար: Արցախում էլենտրաէներգիայի մատակարարումն իրականացվում է հովհարային անջատումներով։Լաչինի միջանցքը շարունակում է փակ մնալ։
լաչինի միջանցք
ադրբեջան
Sputnik Արմենիա
media@sputniknews.com
+74956456601
MIA „Rossiya Segodnya“
2023
Sputnik Արմենիա
media@sputniknews.com
+74956456601
MIA „Rossiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rossiya Segodnya“
Sputnik Արմենիա
media@sputniknews.com
+74956456601
MIA „Rossiya Segodnya“
հայաստան, գերագույն հոգևոր խորհուրդ, լաչինի միջանցք, ադրբեջան, միավորված ազգերի կազմակերպություն (մակ), միջազգային դատարան
հայաստան, գերագույն հոգևոր խորհուրդ, լաչինի միջանցք, ադրբեջան, միավորված ազգերի կազմակերպություն (մակ), միջազգային դատարան
Նոր վտանգներ Արցախի համար. Գերագույն հոգևոր խորհուրդը դիմել է միջազգային կառույցներին
14:12 21.03.2023 (Թարմացված է: 14:26 21.03.2023) Ադրբեջանի կողմից միջազգային դատարանի որոշման հանդեպ բացահայտ անհարգալից մոտեցման հանդուրժումը խորը հուսախաբություն է առաջացնում միջազգային արդարադատության նկատմամբ։
ԵՐԵՎԱՆ, 21 մարտի – Sputnik. Գերագույն հոգևոր խորհուրդը ՄԱԿ-ի, Եվրախորհրդարանի և Եվրամիության պատկան կառույցներին, պետությունների ղեկավարներին ու կրոնական առաջնորդներին կոչ է անում հետևողական ջանքերով հասնել Ադրբեջանի կողմից միջազգային դատարանի վճռի կատարմանը։ Այս հայտարարությունը տարածել է Գերագույն հոգևոր խորհուրդը` Ամենայն հայոց կաթողիկոս Գարեգին Երկրորդի նախագահությամբ։
«Տարակուսանք ենք արտահայտում, որ հակառակ միջազգային հանրության, վերջինիս իրավասու և ազդեցիկ կառույցների կողմից ճանապարհը բացելու վերաբերյալ կտրական պահանջներին՝ առ այսօր արգելափակումը շարունակվում է»,– ասված է հայտարարությունում։
ՄԱԿ-ի միջազգային արդարադատության դատարանը փետրվարի 22-ին Ադրբեջանի կողմից Լաչինի միջանցքի արգելափակումը վերացնելու վերաբերյալ
որոշում է կայացրել: Իսկ Եվրոխորհրդարանի վեհաժողովի Ադրբեջանի իշխանություններին կոչ է արել կյանքի կոչել ՄԱԿ-ի Միջազգային արդարադատության դատարանի որոշումը:
«Ադրբեջանի կողմից միջազգային դատարանի որոշման հանդեպ բացահայտ անհարգալից նման մոտեցման հանդուրժումը սաստկացնելու է հումանիտար ճգնաժամը, նոր վտանգներ է ստեղծելու Արցախի ավելի քան 120.000 բնակչության կյանքի համար, ստեղծելու է միջազգային դատական ատյանների վճիռները կոպտորեն շրջանցելու աններելի նախադեպ, միաժամանակ խորը հուսախաբություն առաջացնելով միջազգային արդարադատության նկատմամբ»,– ասված է հաղորդագրությունում:
Գերագույն հոգևոր խորհուրդը նշել է, որ հակառակ Արցախում տեղակայված խաղաղապահ անձնակազմի ներդրած ջանքերի՝ ադրբեջանական իշխանությունների հանցավոր գործողությունների հետևանքով ոտնահարվում են մարդկանց՝ երեխաների, կանանց և ծերերի կյանքի, բուժում ստանալու, տեղաշարժի և հիմնարար մյուս իրավունքները:
Հիշեցնենք` 2022 թ. դեկտեմբերի 12-ից Շուշի-Քարին տակ խաչմերուկի հատվածում
քաղաքացիական հագուստով մի խումբ ադրբեջանցիներ բնապահպանական պատճառաբանությամբ փակել են Արցախը Հայաստանին կապող Ստեփանակերտ-Գորիս մայրուղին։ Դեկտեմբերի 13-ից ադրբեջանական կողմը ժամանակ առ ժամանակ
անջատում է Արցախի գազամատակարարումը։
Հունվարի 9-ից ադրբեջանական վերահսկողության տակ գտնվող տարածքից
անջատվել է նաև Հայաստանից դեպի Արցախ էներգասնուցումը: Ադրբեջանական կողմը հնարավորություն չի տալիս, որ մասնագետները մոտենան և հասկանան պատճառները՝ անհրաժեշտության դեպքում վթարավերականգնողական աշխատանքներ իրականացնելու համար: Արցախում էլենտրաէներգիայի մատակարարումն իրականացվում է
հովհարային անջատումներով։
Լաչինի միջանցքը շարունակում է փակ մնալ։
