https://arm.sputniknews.ru/20230320/hh-agnn-baqvi-koghmic-haagaji-datarani-voroshumy-chkatarelu-harcy-kbardzracni-mak-um-56948361.html
ՀՀ ԱԳՆ–ն Բաքվի կողմից Հաագայի դատարանի որոշումը չկատարելու հարցը կբարձրացնի ՄԱԿ-ում
ՀՀ ԱԳՆ–ն Բաքվի կողմից Հաագայի դատարանի որոշումը չկատարելու հարցը կբարձրացնի ՄԱԿ-ում
Sputnik Արմենիա
ՀՀ ԱԳՆ–ն աշխատում է Բաքվի կողմից Հաագայի դատարանի որոշումը չկատարելու հարցը ՄԱԿ ԱԽ–ում բարձրացնելու ուղղությամբ 20.03.2023, Sputnik Արմենիա
2023-03-20T11:30+0400
2023-03-20T11:30+0400
2023-03-20T11:45+0400
հաագայի դատարան
եղիշե կիրակոսյան
ադրբեջան
հայաստան
https://cdn.am.sputniknews.ru/img/07e7/02/02/54726362_0:214:2048:1366_1920x0_80_0_0_75c2d89a3f7dfaff9897d62eae8f7f2b.jpg
ԵՐԵՎԱՆ, 20 մարտի – Sputnik. ՀՀ արտաքին գործերի նախարարությունն աշխատում է Լաչինի միջանցքն արգելափակելու վերաբերյալ Արդարադատության միջազգային դատարանի որոշումն Ադրբեջանի կողմից չկատարելու հարցը ՄԱԿ Անվտանգության խորհրդում բարձրացնելու ուղղությամբ։ Այս մասին ԱԺ պետական–իրավական հարցերի մշտական հանձնաժողովի նիստում ասաց Միջազգային իրավական հարցերով ՀՀ ներկայացուցիչ Եղիշե Կիրակոսյանը` անդրադառնալով «Հայաստան» խմբակցության քարտուղար Արծվիկ Մինասյանի հարցին:Կիրակոսյանն ընդգծեց, որ Լաչինի միջանցքի ապաշրջափակման վերաբերյալ Արդարդատության միջազգային դատարանի որոշումն իրավաբանորեն պարտադիր ուժ ունի՝ համաձայն ՄԱԿ-ի և դատարանի կանոնադրության և Ադրբեջանի կողմից ենթակա է պարտադիր կատարման:«Մենք, ցավոք, առերեսվում ենք իրականության հետ, որ Ադրբեջանն առհասարակ անտեսում է որոշումը։ Ոչ միայն անտեսում է, այլ ամենաբարձր պաշտոնական մակարդակից մինչև ցածր պաշտոնական մակարդակներում փորձում է նաև աղավաղել որոշման բովանդակությունը: Դա նաև վերջերս արտահայտվել էր Ադրբեջանի ԱԳ նախարարի նամակում, որն ուղղված է ՄԱԿ-ի գլխավոր քարտուղարին, որին, ի պատասխան, նամակ է ներկայացվել նաև մեր նախարարի կողմից»,- ասաց Կիրակոսյանը:Նա ընդգծեց, որ ՄԱԿ-ի կանոնադրության 94-րդ հոդվածը որոշակի նեղ ձևակերպում է տալիս, որը վերաբերում է վճիռներին, բայց հոդվածի կիրառման պրակտիկան մի քիչ ավելի լայն է: Ադրբեջանը դարձել է միջազգային իրավունքի չարամիտ կարգազանց. հանդիպում ՀՀ ԱԳՆ–ումԿիրակոսյանը շեշտեց, որ եղել են փորձեր՝ դատարանի միջանկյալ որոշումները կամ ժամանակավոր միջոց կիրառելու որոշումները ներկայացնել Անվտանգության խորհուրդ, սակայն դրանք առանձնապես հաջողությամբ չեն պսակվել: Դեպքերը վերաբերել են մշտական անդամին, մշտական անդամն էլ, որպես կանոն, կիրառել է վետոյի իրավասությունը, և ԱԽ-ում հարցը վեջնական քննարկման չի արժանացել: «Մեր պարագայում, կարծում եմ, անհրաժեշտ է այդ ուղղությամբ աշխատել: Ես գիտեմ, որ ԱԳ նախարարության գործընկերներն արդեն աշխատում են այդ ուղղությամբ: Շատ կարևոր է, որ Անվտանգության խորհրդում հարցը բերվի օրակարգ: Եվ պետք է հնարավորինս օգտագործելով բոլոր դիվանագիտական խողովակները՝ այդ ուղղությամբ աշխատանք տարվի»,- ասաց Միջազգային իրավական հարցերով ՀՀ ներկայացուցիչը: Կիրակոսյանը նշեց, որ այս որոշման չկատարումն ամեն դեպքում ստեղծում է ռիսկեր՝ միջազգային խաղաղության և անվտանգության համար: Ակնհայտ է, որ դատարանի որոշման չկատարումը, այսինքն շրջափակումը շարունակելն առաջացնում է լրջագույն ռիսկեր միջազգային անվտանգության համար տարածաշրջանում։ Հիշեցնենք` փետրվարի 22-ին ՄԱԿ–ի արդարադատության միջազգային դատարանը փաստեց` առկա է Ադրբեջանի կողմից «Ռասայական խտրականության բոլոր ձևերի վերացման մասին» միջազգային կոնվենցիայի շրջանակում հայերի իրավունքներին անդառնալի վնաս հասցնելու անմիջական վտանգ։ Դատարանը որոշում կայացրեց, որտեղ ասվում էր` Ադրբեջանը պարտավոր է ձեռնարկել բոլոր միջոցները, որպեսզի ապահովի տրանսպորտի և մարդկանց անխափան տեղաշարժը Լաչինի միջանցքով՝ երկու ուղղություններով։ Միաժամանակ դատարանը միաձայն մերժեց Ադրբեջանի ներկայացրած միջանկյալ միջոցների պահանջը։
ադրբեջան
Sputnik Արմենիա
media@sputniknews.com
+74956456601
MIA „Rosiya Segodnya“
2023
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
հաագայի դատարան, եղիշե կիրակոսյան, ադրբեջան, հայաստան
հաագայի դատարան, եղիշե կիրակոսյան, ադրբեջան, հայաստան
ՀՀ ԱԳՆ–ն Բաքվի կողմից Հաագայի դատարանի որոշումը չկատարելու հարցը կբարձրացնի ՄԱԿ-ում
11:30 20.03.2023 (Թարմացված է: 11:45 20.03.2023) ՀՀ ԱԳՆ–ն աշխատում է Բաքվի կողմից Հաագայի դատարանի որոշումը չկատարելու հարցը ՄԱԿ ԱԽ–ում բարձրացնելու ուղղությամբ
ԵՐԵՎԱՆ, 20 մարտի – Sputnik. ՀՀ արտաքին գործերի նախարարությունն աշխատում է Լաչինի միջանցքն արգելափակելու վերաբերյալ Արդարադատության միջազգային դատարանի որոշումն Ադրբեջանի կողմից չկատարելու հարցը ՄԱԿ Անվտանգության խորհրդում բարձրացնելու ուղղությամբ։ Այս մասին ԱԺ պետական–իրավական հարցերի մշտական հանձնաժողովի նիստում ասաց Միջազգային իրավական հարցերով ՀՀ ներկայացուցիչ Եղիշե Կիրակոսյանը` անդրադառնալով «Հայաստան» խմբակցության քարտուղար Արծվիկ Մինասյանի հարցին:
Արծվիկ Մինասյանը հետաքրքրվեց՝ արդյոք հնարավոր համարո՞ւմ է, որ ՄԱԿ անվտանգության խորհուրդը, դիտարկելով Հաագայի դատարանի որոշումը, որպես պարտադիր կատարման ենթակա ակտ, կիրառի ՄԱԿ կանոնադրության 7-րդ գլխով սահմանված սանկցիաները, հարկադրանքի միջոցները կամ առնվազն սկսի այդ ուղղությամբ քայլեր ձեռնարկել, և, թե արդյոք Հայաստանն այդ ուղղությամբ քայլեր ձեռնարկում է:
Կիրակոսյանն ընդգծեց, որ Լաչինի միջանցքի ապաշրջափակման վերաբերյալ Արդարդատության միջազգային դատարանի որոշումն իրավաբանորեն պարտադիր ուժ ունի՝ համաձայն ՄԱԿ-ի և դատարանի կանոնադրության և Ադրբեջանի կողմից ենթակա է պարտադիր կատարման:
«Մենք, ցավոք, առերեսվում ենք իրականության հետ, որ Ադրբեջանն առհասարակ անտեսում է որոշումը։ Ոչ միայն անտեսում է, այլ ամենաբարձր պաշտոնական մակարդակից մինչև ցածր պաշտոնական մակարդակներում փորձում է նաև աղավաղել որոշման բովանդակությունը: Դա նաև վերջերս արտահայտվել էր Ադրբեջանի ԱԳ նախարարի նամակում, որն ուղղված է ՄԱԿ-ի գլխավոր քարտուղարին, որին, ի պատասխան, նամակ է ներկայացվել նաև մեր նախարարի կողմից»,- ասաց Կիրակոսյանը:
Նա ընդգծեց, որ ՄԱԿ-ի կանոնադրության 94-րդ հոդվածը որոշակի նեղ ձևակերպում է տալիս, որը վերաբերում է վճիռներին, բայց հոդվածի կիրառման պրակտիկան մի քիչ ավելի լայն է:
Կիրակոսյանը շեշտեց, որ եղել են փորձեր՝ դատարանի միջանկյալ որոշումները կամ ժամանակավոր միջոց կիրառելու որոշումները ներկայացնել Անվտանգության խորհուրդ, սակայն դրանք առանձնապես հաջողությամբ չեն պսակվել: Դեպքերը վերաբերել են մշտական անդամին, մշտական անդամն էլ, որպես կանոն, կիրառել է վետոյի իրավասությունը, և ԱԽ-ում հարցը վեջնական քննարկման չի արժանացել:
«Մեր պարագայում, կարծում եմ, անհրաժեշտ է այդ ուղղությամբ աշխատել: Ես գիտեմ, որ ԱԳ նախարարության գործընկերներն արդեն աշխատում են այդ ուղղությամբ: Շատ կարևոր է, որ Անվտանգության խորհրդում հարցը բերվի օրակարգ: Եվ պետք է հնարավորինս օգտագործելով բոլոր դիվանագիտական խողովակները՝ այդ ուղղությամբ աշխատանք տարվի»,- ասաց Միջազգային իրավական հարցերով ՀՀ ներկայացուցիչը:
Կիրակոսյանը նշեց, որ այս որոշման չկատարումն ամեն դեպքում ստեղծում է ռիսկեր՝ միջազգային խաղաղության և անվտանգության համար: Ակնհայտ է, որ դատարանի որոշման չկատարումը, այսինքն շրջափակումը շարունակելն առաջացնում է լրջագույն ռիսկեր միջազգային անվտանգության համար տարածաշրջանում։
Նա շեշտեց, որ Հայաստանն առնվազն 2 տրամաբանությամբ հարցը ՄԱԿ–ի ԱԽ–ում բարձրացնելու հնարավորություն ունի։ Առաջինը ֆորմալ տեսանկյուն է. կա կանոնադրության 94-րդ հոդվածը, որը նման լիազորություն տալիս է ԱԽ-ին: Երկրորդ տրամաբանությունը ՄԱԿ-ի կանոնադրության 7-րդ գլուխն է՝ միջազգային խաղաղության և անվտանգության ապահովման լիազորությամբ օժտված լինելը:
Հիշեցնենք` փետրվարի 22-ին ՄԱԿ–ի արդարադատության միջազգային դատարանը փաստեց` առկա է Ադրբեջանի կողմից «Ռասայական խտրականության բոլոր ձևերի վերացման մասին» միջազգային կոնվենցիայի շրջանակում հայերի իրավունքներին անդառնալի վնաս հասցնելու անմիջական վտանգ։ Դատարանը
որոշում կայացրեց, որտեղ ասվում էր` Ադրբեջանը պարտավոր է ձեռնարկել բոլոր միջոցները, որպեսզի ապահովի տրանսպորտի և մարդկանց անխափան տեղաշարժը Լաչինի միջանցքով՝ երկու ուղղություններով։ Միաժամանակ դատարանը
միաձայն մերժեց Ադրբեջանի ներկայացրած միջանկյալ միջոցների պահանջը։
